Epesasi 3:7 - BAṈARA KO VAIRU AMA LEVELEVEO

⁷ Ni vo Baṉara ko roquano sama puaro kale inio vota o puarike komia koidi aṉa kasi, inio aṉata nabulu a eve tu aqai bazutou ko Uri ama Bazu. Ni vo Baṉara inio o katile koa roquano sama puaro o ṉaviko pizato kale.

Epesasi 3:7 교차 참조

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

1 Koriniti 3:5

Lala inio vo Apolosi? Ni lala inio vo Paula? Eqeta vo Baṉara ko nabulu qela pala inio qe odiemeleni qela me nio meta oqu saṉa me eve. Eqeta vo Baṉara o katiqeleni qela koa koidi tu eqeta qe ereko ko.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

2 Koriniti 4:1

Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

Qelesia 2:8

Ni vo Baṉara vo o kativeni ko pizato vo Pita tu vota Jiu mu kasi apositolo oma elo, vo inio mata o katileni aṉa ko pizato tu aṉata apositolo a mela elo mea pui Jiu amu mela.

Epesasi 1:19

Ni meta meqai nianiiovou ta vo Baṉara ko pizato ta matuma anime me duvevo putani mela kasi. Ako koa pizato koko tauvemelako anime ta matu piza kama sole,

Epesasi 3:2

Ako meta esa lula me viqe vo Baṉara ko katilo aṉa komia koidi voko pakiezato sama roquano kale tu aṉata a dauvemelo me.

Epesasi 3:20

Vo Baṉara ko pizato koko iruruputako anime kasi ta ko rovea ereko ko kokai paloasako kiadama quli anime me basekako quli ni me qerukeruekake quli,

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Epesasi 4:16

Ni komia pado ama tupu ta Karisito ko ikio. Ni kiadama komia tupu ko kata poso ta omadeu tauvekinio ni pizatikinio ko eva vokale. Kiadama koa tupu ko kata poso ta ko ereka ko ṉaviṉavi ko iruruputo poso. So inio komia pado ama tupu ta ko rapuka ni ko pizata roquano kale.

Kolosi 1:29

Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.