Epesasi 3:15 - BAṈARA KO VAIRU AMA LEVELEVEO

¹⁵ vo o puratikeni ni omai katikeni koko ṉi kiadama toutou ni tamania aukale ama ni miduku kale ama.

Epesasi 3:15 교차 참조

Iruruputo 11:26

Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.

Epesasi 1:10

Ni vota o vatoeke tu kiadama quli vo o erekema quli aukale ama ni miduku kale ama ta omadeu o ikou ni vo Karisito inio koko lezu. Ni voko zuato ta o erekou komia vatovatolo tutututuki ama taku ko barolou keru.

Epesasi 1:21

Ni vota raura o ivake vo kiadama mateana madu kasi azo, ni ko lekasa puako ziolo kasi azo, ni kiadama koko lekasa puako pizato poso ni seke lekasa puani maba madu kasi azo, ni kiadama piza kama ṉi kasi azo, komia peuru ma peuru kale ti kobeta barolou komi ko kuevako peuru ma peuru kale.

Epesasi 3:14

Sokale avo inio aṉata a iqeiqea ni a vararaita vo Mama Baṉara kasi,

Epesasi 3:16

Ni aṉata a baseva vo Mama, tu vota o katimelou me ko pizato voko matuma ṉaṉaidara kale azo, tu meta me bizatou meko auvana kale voko Tabu ama Auvana kale.

Kolosi 1:20

Vo Meqora kale kude inio Baṉara ta o pitoeke tu kiadama maba poso ni kiadama quli vo o erekema ta odouvato saṉa ke elo vokasi. Baṉara ta o ereke ko bule vovo Meqora ko voukale korosi topi, tu kiadama miduku kale ama ni aukale ama quli ta odouvato saṉa ko elo vokasi.

Kelokelozato 2:17

“Uri tu meta paqumukomo meme viqako vo Tabu ala Auvana kiolani sikeura lotu qoqono kasi! Seke koqotaeko amu ko ruqe ta a qatimou kama koko mutaima mana. Ni aṉata amai okotimou katimo sea kiadamu ko tapo ama lado, ko vairu ama ṉi kokai rikiziovima, ko puliala kala pado maba okai nianiiako melai vo o koani ko o kiada pado inio okai nianiia.

Kelokelozato 3:12

Seke koqotaeko amu ko ruqe ta piza kama jujuli barabara a imou aṉavo Baṉara ko Jelepade kale, ni seta maba pui kepa vaekou ko. Aṉata a rikiekou se tona aṉavo Baṉara ko ṉi, ni aṉavo Baṉara ko peuru ko ṉi, koa vairu ama Jerusalema, koko saqoro ama aukale azo aṉavo Baṉara kasi azo, ni a ṉaviko vairu ama ṉi.