Epesasi 2:8 - BAṈARA KO VAIRU AMA LEVELEVEO

^8-9 Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Epesasi 2:8 교차 참조

Matiu 16:17

Nio Jisu ta o vati tiorikake vo Saimone ni eri kiolake, “Matu uri ṉo kiṉolani, Saimone, Jone vo meqora ṉa. Komia tuveano ta pui maba kasi azo ko kuevako, melai kota aṉavo Mama aukale ala o katiṉako ṉo,” kiolake vo Jisu.

Matiu 20:9

Ni vota o tabarimake se sike koloko raisiraisi ke taniteni iruruputo, ni o katimake pado ama ṉaniu ko iruruputo ko male ama reketekete.

Maka 16:16

Ni vo tuvevo o iko ala koa Uri ama Bazu ni bapitaiso o elo ala nio o pakiovou. Melai vo o kapakapato ala ta Baṉara inio o titizivou vo.

Luke 7:50

Melai Jisu ta eri kiolake koa rekoreko kasi, “Noko vai oqu vo Baṉara ta ko pakieṉa ṉo, sole ola ni pui ṉo ṉalou,” kiolake.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

Jone 5:24

“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.

Jone 6:35

Nio Jisu ta eri kiolake sekasi, “Aṉata saevo ko bereti lala, sole vo o kilo ala aṉa kasi ta pui opa luapou, ni vo o tuvevo puelo ala aṉa ta pui opa rokauvou.

Jone 6:37

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi,

Jone 6:40

Ako aṉavo Mama oka zariako ta, kiadamu seke lelo amu aṉa vo Baṉara vo Meqora lala ni ke tuvevo puelo amu aṉa ta ke kovou ko noqola kama saevo, ako aṉata a jaevimou se sole noqola kama saevo kale tovama ṉaniu kale,” kiolake.

Jone 6:44

Puliala ta o roveovou kilo aṉa kasi, aṉavo Mama pui o odievou tu o kilo aṉa kasi, vo o soroeleni aṉa. Ni aṉata a jaevivou vo o kilo ala aṉa kasi tovama ṉaniu kale.

Jone 6:65

Ni Jisu ta so kiolake sekasi, “Kokale avo inio aṉata a bazuemele me, puliala maba ta opa roveovou kilo aṉa kasi, aṉavo Mama ko zariekato pide,” kiolake.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Iruruputo 15:11

Pui so me imo! Ako anime ni se ta omadeu pakio meda elou vo Lekasa Jisu ko pakiezato sama roquano kale sole,” kiolake.

Iruruputo 16:14

Ni kama pado se azo koko taṉela viqema eṉe ta Lidia. Kota Taiataira ama rekoreko, ko kokai tatabaraovima ko soqu domu ama suma. Ni kota kama pado rekoreko koko ilusivema vo Baṉara, ni vo Baṉara ota ka veukeni koko kerukeru tu ko didieko vo Paula o kasekema quli.

Iruruputo 16:31

Ni nioqata qo vati tiorikake vo ni eri kiqolake, “Tuvevo iva vo Lekasa Jisu nio ṉota ṉo bakiovou, ṉo ni ṉoko saidi ni ṉokale amu ṉoko pade kale ke evani,” kiqolake.

Romu 10:14

Melai nonia paseko inio ke elou ko tauvezato se maba madu pui tuvevo ke ivou vo ta? Ni nonia tuvevo puto inio ke elou puliako viqo ko Uri ama Bazu? Ni nonia viqo inio ke elou ko bazu pui ko pikairiovou ta?

Romu 10:17

So sole maba poso ko oqu ta ko tanita ko Uri ama Bazu ko viqo kale, ni ko Uri ama Bazu ta ko kueva vo Karisito vai bazuto kale.

Romu 4:16

So sole oqu tona inio koko raki ko leveleveo, tu koa leveleveo ta matu vinavina ko elou, vo Baṉara ko utuakoi zama puaro kale vo Ebarahami ko vikuvikula madu kasi, pui seke zorikani pala ko Bazu, melai se vo Ebarahami jaria oqu ke evani kasi. Ako vo Ebarahami ta animea kiada mela vo auvana kale ala taite sole;

Romu 4:5

Melai voa maba vo pui okai keruani voko iruruputo, melai vo okai keruani vo Baṉara, vo se kuirikuiri amu kuiripato pide o imani, voko oqu kale inio vo Baṉara ta o sidopu pueva vo.

Romu 9:16

So sole kiadama quli ta koko kalo sama. Pui vo maba oka zariako quli kale ma o erekako quli kale inio ko ereiva, melai kota ko ereiva vo Baṉara ko akoekato sama roquano kale.

Qelesia 3:14

Ni vo Karisito ta soa mela vou o mela eve tu vo Baṉara ko mauruto Ebarahami kasi leveleveo o ikema ta ko barolo se pui Jiu amu kasi vo Jisu Karisito kale kude. Ni so inio animeta me voa vo Baṉara leveleveo o iveni Tabu ala Auvana animeko vai oqu kale vo Karisito.

Qelesia 3:22

Melai kota pui so inio ko kava, ako ko Tabu ama Riki ta kasa ko ikake ko kiadama peuru ma peuru kale amu ta ke piriziake boutare kale, tu ko leveleveo ta koma katizio oqu kale se tuvevo ke ivani vo Jisu Karisito.

Epesasi 1:19

Ni meta meqai nianiiovou ta vo Baṉara ko pizato ta matuma anime me duvevo putani mela kasi. Ako koa pizato koko tauvemelako anime ta matu piza kama sole,

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Pilipai 1:29

Ako vo Baṉara inio o bokerimelani me tu me duvevo puevo vo Karisito melai mata vo inio o zarie-melani me tu olaquavo me elo meko va nabuluputo vo Karisito kale avo.

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

2 Tesalonaika 1:9

Seko koqotailo ta noqola kama tolailo ni pitasio animevo Lekasa ko tanama kale azo, ni voko pizato sama ṉaṉaidara kale azo.

Hiburu 6:4

Ako nonia roveo inio seke vaekani seko oqu ta tova lilizio ke elou? Puliama keve kale! Ako soama maba poso ta lula ke lojoani vo Baṉara ko zakaremu kale sole, ni seta lula ke lainikani koa katizato ko kuevako Baṉara kasi azo, ni seta lula kekai zomaneni ṉeamuvo vo Tabu ala Auvana sole.

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.