Epesasi 2:7 - BAṈARA KO VAIRU AMA LEVELEVEO

⁷ Ni vota o erekake komi quli tu kiadama maba madu ta ke kelou ko kuevako taku kale noi tinia aqasiele ama ikio voko pakiezato sama roquano. Ako koa pakiezato sama roquano ta noqola kasa ko eve sole voko roquemelo kale anime omadeu me vati evani mela vo Jisu Karisito.

Epesasi 2:7 교차 참조

Romu 2:4

Ṉo ṉoqai keduani ṉa voko matuma roquano, ni kaitizio, ni inobe, ta tuvevo avole ṉota pui ṉoqai nianiia vo Baṉara ko roqueṉo ṉo ta vota obe madoe odieṉo ṉo tu o liliṉo, kio?

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Epesasi 2:4

Melai vo Baṉara ko akoezato sama roquano ta palopaloasi ama ni vota matuvole o roquemele anime,

Epesasi 3:21

so sole animeta mevai rauraeko vo Baṉara voko ṉaṉaidara kiada keru voko lotu qoqono kale ni animeko omadeu vati elo vo Jisu Karisito kale, latau ṉaniu ni ka ṉaniu. Emeni.

Epesasi 3:5

Ako lulama taku keru ama maba poso ta pui kepa kai nianiiovi sole koa mutamuta kama vatolo. Melai erisaṉa vo Tabu ala Auvana kale inio vo Baṉara ta kasa o ika koa mutamuta ko evema vatolo se apositolo madu ni se poropita madu kasi.

2 Tesalonaika 1:12

Eṉeta soa vararaito ṉe eva tu animevo Lekasa Jisu ko ṉi ta ko raurailou mekasi, ni me melai o rauraemelou. Ni vo animevo Baṉara ni vo Lekasa Jisu Karisito ko roquano kale avo inio kota so ko kalou.

Taitasi 3:4

Melai so keru animevo Pakio Baṉara ko baiseo ni roquano ko purate keru,

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.