Epesasi 2:5 - BAṈARA KO VAIRU AMA LEVELEVEO

⁵ so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Epesasi 2:5 교차 참조

Luke 15:24

Ako nea meqora aṉavo ta lula ota vovini jari nio, melai vota mata o saeva erisaṉa, vota lula ota mumaini melai vota mata o purata sole,’ kiolake. Nio ko ṉojola ta ko tanitake.

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

Jone 6:63

Vo Baṉara vo Tabu ala Auvana inio o saevizatani, maba ko pizato ta puliama saevizato sama. Koa pesio poso aṉa lula a qasekako mekasi ta pizato sama tu kota ko vati kilo vo Baṉara vo saevizato sala Auvana.

Iruruputo 15:11

Pui so me imo! Ako anime ni se ta omadeu pakio meda elou vo Lekasa Jisu ko pakiezato sama roquano kale sole,” kiolake.

Romu 16:20

Ni vo Baṉara animeko bule ko raki ta taukavole o mujarivou vo Setani meko kiti vima. Vo animevo Lekasa Jisu Karisito ko roquano ta ko elou me tona.

Romu 3:24

Melai vo Baṉara ko utuakoi puariko voko roquano kale kiadamu ta sidopu ke eva vo Jisu Karisito ko tabarimo kale, vo o rupasimani.

Romu 4:16

So sole oqu tona inio koko raki ko leveleveo, tu koa leveleveo ta matu vinavina ko elou, vo Baṉara ko utuakoi zama puaro kale vo Ebarahami ko vikuvikula madu kasi, pui seke zorikani pala ko Bazu, melai se vo Ebarahami jaria oqu ke evani kasi. Ako vo Ebarahami ta animea kiada mela vo auvana kale ala taite sole;

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Romu 5:6

Ako so keru anime pizato pidea mela me eve keru, inio Karisito ta o mela vovi anime ruqea mela koa taku vo Baṉara o pitoekema kale.

Romu 5:8

Melai vo Baṉara ta lula kasa o ika voko roquemelo anime komi kale; anime sarueko kale mebeta eve keru inio Karisito ta o mela vouvake.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

2 Koriniti 13:14

Vo Lekasa Jisu Karisito ko pakiezato sama roquano, ni Baṉara ko roquano, ni vo Tabu ala Auvana ko bairumuo ta ko elou me tona.

Epesasi 2:1

Ni koko paloasako taku kale meko auvana ta vouma meko boutare ni pui zoripato kale.

Epesasi 2:8

Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

Kolosi 2:13

Lulavo meta pui saevo mela auvana kale, ako so keru meta sarueko poso samela sole, ni meta pui Baṉara ko toutou Izireli kale amu mela, Baṉara ko Bazu pidea mela koko katiziovima Mosese kale kude. Melai erisaṉa vo Baṉara ta o saevimela me Karisito sase, Baṉara ta lula ota mela akoeka kiadama animeko sarueko poso.

Taitasi 2:11

Ako vo Baṉara ta lula kasa o ike voko pakiezato sama roquano tu kiadamu ta ke pakio.

Taitasi 3:5

vota o pakiemele anime. Pui kama quli uri ama anime lula me erekako kale, melai voko pakiezato sama roquano kale inio vota o pakiemele anime vo Tabu ala Auvana kale ama pusailo kale, vo o katimeleni anime vairu ama alilo ni vairu ama saevo.

Kelokelozato 22:21

Vo Lekasa Jisu ko pakiezato sama roquano ta ko elou mea kiada mela Baṉara ko maba poso mela tona.