Epesasi 2:16 - BAṈARA KO VAIRU AMA LEVELEVEO

¹⁶ Ako vo Jisu ko vou korosi topi ama ikio ko dokolikake Jiu mu ni pui Jiu amu ko kanaekinio ni kokale vota omadeu qoqono o imake ni o mati odouvikiniake se Baṉara kasi.

Epesasi 2:16 교차 참조

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

Romu 6:6

Ako animeta meqai nianiia komi quli sole, ko animeko lulama saevo ta lula ko zomane vo Karisito ko vou sase korosi topi, tu animeko lulama saevo ko sarueko ta pizato pide ko elo, tu animeta pui sarueko ko mabaku me elou.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Romu 8:7

So sole voa maba vo o vaekani voko kerukeru komia tupu ko saevo kale ama zario tona ta vo Baṉara vo kana ota eva, ako vota pui o zorika vo Baṉara ko bazu sole, ni tuvevo avole vota pui o rovea zoriko ko kikolani sole.

1 Koriniti 10:17

Ako koa bereti ta omadeu pado lezu ama, so jari nio animeta kubo mela melai animeta omadeu qoqono mela, ako animeta mevai palaita voa omadeu lezu bereti sole.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

Epesasi 2:15

Ni se Jiu amu ko Bazu ta matu kubo koko silosilo ama bazu poso ni koko kalo poso. Melai vo Karisito inio o epezike ko, ako voko matuma zario ta okai zariake sole tu komia omuqa qoqono Jiu amu ni pui Jiu amu ta omadeu pado vairu ama qoqono qo elou Karisito kale. Ni komi kale inio vo Karisito ta o erekake ko bule anime Jiu amu ni pui Jiu amu mela ko tiania.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Epesasi 4:4

Ako animeta omadeu tupu mela ni omadeu pado Auvana inio o eva anime tona sole. Ni vo Baṉara ta o nokaemela anime tu animeta me qovou omadeu pado reketekete animeko tuvevo puto sama kerukeru kale.

Kolosi 2:14

Lulavo animeta kuiripato samela, ako animeta me bikoirike Baṉara ko bazu poso sole ko anime kuiripato saṉa ko imelema. Melai vota ota mela maba saqaeke koa sarueko poso vo Karisito kai patoilo ni voukale korosi topi.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.