Epesasi 2:13 - BAṈARA KO VAIRU AMA LEVELEVEO

¹³ Ni koa taku meta matu vaṉa mela Baṉara kasi azo, melai erisaṉa vo Jisu Karisito ko voukale inio meta sipole o imela Baṉara kasi.

Epesasi 2:13 교차 참조

Jone 10:16

Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Iruruputo 15:14

Saimone ta lula zakaremu o ike vo Baṉara o imevoa mati vailo se pui Jiu amu tu vota o movo kake tu seta o ṉaviko maba madu ke elo.

Iruruputo 2:39

Ako vo Baṉara ko leveleveo ta me kaqe ni meko meqora poso kaqe, ni kiadamu se vaṉa kebeta evani—sea poso kaqe vo Lekasa animevo Baṉara o nokaemo amu o ṉavi kasi,” kiolake.

Iruruputo 22:21

Ni vo Lekasa ta eri la kiolake, ‘Ola, ako aṉata a joroeṉou matu vaṉa vasi se pui Jiu amu kasi,’ kiolake.”

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

1 Koriniti 12:13

So sole so keru anime bapitaiso me eva keru inio voa omadeula Auvana ta omadeu pado qoqono o imele animea kiada mela; Jiua mela melai, pui Jiua mela melai, mabaku mela melai, pui mabakua mela melai. So inio animeta omadeuvo voko tupu jaria mela, ako voa omadeu pado Auvana inio o puariziovini animea kiada mela kasi sole, tu animeta me bizato vokale.

1 Koriniti 6:11

Kake mela me ta soa mela lulali. Melai erisaṉa meta lula saqasaqa me evani mela sarueko kale azo, ni meta lula Baṉara ko tabu ama maba poso me evani mela, ni meta lula sidopu me evani mela Baṉara ko kelokelozato kale animevo Lekasa Jisu Karisito mela voukale ni vo animevo Baṉara ko Tabu ama Auvana melai elo kale me. Taka papariomo ruqe ama iruruputo ko pauveko

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

Epesasi 1:1

Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Epesasi 2:12

So sole kerukeruekomo, kuleto meta pui vo Karisito satea mela, ni pui Izireli ama qoqono kalea mela. Ni so keru meta puliama kena samela koa leveleveo sama korotato poso vo Baṉara o erekema voko maba madu Izireli qoqono kasi, so inio meta pui meba vai nianiiovini mela vo Baṉara ni puliama kai keru meko pakio samela.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Epesasi 2:6

Ni animeko omadeu vati elo vo Karisito kale vota o saevimele anime vo Karisito sase ni vota o papuemele anime lekasa puole vo Karisito sate aukale.

Hiburu 9:18

Sokale avo inio ko kuleto ama leveleveo vo Baṉara o erekema maba madu kasi ta biaṉa poso ko dara kale pala pizato saṉa ko eve.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.