Epesasi 2:12 - BAṈARA KO VAIRU AMA LEVELEVEO

¹² So sole kerukeruekomo, kuleto meta pui vo Karisito satea mela, ni pui Izireli ama qoqono kalea mela. Ni so keru meta puliama kena samela koa leveleveo sama korotato poso vo Baṉara o erekema voko maba madu Izireli qoqono kasi, so inio meta pui meba vai nianiiovini mela vo Baṉara ni puliama kai keru meko pakio samela.

Epesasi 2:12 교차 참조

Luke 1:72

Vota so kiolake vota kasa o ikou ko tauvezato sama roquano animeko taite poso kasi, ni vota o erekou ko quli voko tabu ama leveleveo kale Ebarahami kasi o kasekema quli.

Jone 10:16

Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Jone 15:5

“Aṉata koa vaini siakona jaria lala ni meta koko kata poso jaria mela. Vo me azo o nasoilo ala aṉa tona, aṉata a elou vo tona, ni vota koa kata matu epamatoma jari o elou, ako meta pui me rovea ereko kama quli aṉa pide sole.

Jone 4:22

Me Sameria mela ta pui me uria vai nianiia vo meme ilusivani; melai eṉe Jiu amu ṉela ta ṉe uria vai nianiia vo eṉe ṉe ilusivani, ako pakiezato ta se Jiu amu kale kude inio ko kueva sole.

Iruruputo 2:39

Ako vo Baṉara ko leveleveo ta me kaqe ni meko meqora poso kaqe, ni kiadamu se vaṉa kebeta evani—sea poso kaqe vo Lekasa animevo Baṉara o nokaemo amu o ṉavi kasi,” kiolake.

Iruruputo 28:20

Sokale avo inio aṉata a odiemelala me tu aqai pesio komi mekasi. Ako koko tuveano ko aṉa eria pirizio aqai evako komia seini kale ta vo Izireli amu keta vai keruani voko kilo ko kio kale avo inio,” kiolake.

Iruruputo 3:25

Vo Baṉara o inainaekema quli o kasekema se poropita madu kale kude ta me kaqe, ni koa korokoroti vo Baṉara o erekema meko taite poso kasi ta meko leveleveo, ko eri ka kiovema Ebarahami kasi, ‘Noko vikuvikula kale aṉata mauru a imou kiadama toutou poso peuru ma peuru kale amu.’

Romu 9:8

Kokale inio animeta me rovea paqumuko ta seke alilani Ebarahami ko vikuvikula kale ta pui vo Baṉara ko tuvevo ama meqora poso, melai seke alilani vo Baṉara ko leveleveo kale ta tuvevo ama vo Ebarahami ko vikuvikula madu.

Qelesia 4:8

Ni koko paloasako taku kale meta pui meba vai nianiiovi vo Baṉara ni meta se lipalipa kama baṉara poso ko mabaku mela.

Epesasi 2:19

So sole erisaṉa me pui Jiu amu mela ta pui me ṉada raneani mela ni pui sorola mela. Melai meta vo Baṉara ko tabu ama qoqono kalea mela ni meta vo Baṉara ko saidi kalea mela.

Epesasi 4:18

ni seta pui ke paqumuka ni pui ke mamura ako seta pui kekai zaria didiano sole. So inio seta pui kepa kovou koa saevo vo Baṉara okai zariako katimo.

Kolosi 1:21

Lulavo, meta meda pitasiovi Baṉara kasi azo, ni kana me eve, meko ereko kale koa ruqe ko meme qerukeruekema,

Kolosi 1:27

Kota vo Baṉara ko zario tu kota uria kasa ko elo voko maba madu kasi, se kiadama peuru ma peuru kale ama qoqono poso kale amu, koa bazu lulavo mutamuta kama ko evema, ko qulepo ama ni ṉaṉaidara kama. Komi kio koa bazu: vo Karisito ta o eva meko saevo kale, ni Sokale avo meta me uria vakakuka ta meta meqai zomanou pado ama vo Baṉara ko ṉaṉaidara ni mauruto.

Kolosi 1:5

So keru kulekuleto ko baroi keru ko tuvevo ama ni Uri ama Bazu mekasi, ta me viqe ko quli ko lula ko inainaivako aukale ko me qovo ama koa Bazu kale, kerukeru kale me ikema. So inio meko oqu ni roquano ta lula kota vinaiva meme qerukerueka tu meta me qovo ama quli kale.

1 Tesalonaika 4:13

Ṉe visi ni ṉe qaka poso mela, eṉeta ṉe melai zaria me tu meta meqai nianiiovou koko tuveano se lula ke vouvani seko lotu saevo kale ko, tu meta pui duki me elou, se pui kekai zuatani ko aukale ama saevo jaria duki elo kale.

1 Tesalonaika 4:5

ni pui pazapazailo ko kerukeru sate, omadeuvo se kutumana kamu jari se pui kevai nianiiani vo Baṉara.

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

1 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara animevo Pakiezato ko soropato kale ni Jisu Karisito vo anime mevai keruani ko soropato kale.

Hiburu 11:34

Mata kake ta ke risaemake ko ṉaloṉalo ama uza kale, melai mata pui ko siqaemake se. Ni keta ka soqoike ko benisi kale ama vouvailo. Seta lekuleku amu, melai keta pizatake; keta pizatake pazokinio kale ni ke koqotaekake edoloma pazokinio ko vaki.

Hiburu 6:18

So sole omuqa quli ta ikoana, voko leveleveo ni voko kejo sama pesio topi ama, ko pui kopa roveovo ama besizio, vo Baṉara pui opa kai roveovo ama lipalipato. So sole anime lula me qoani mela ko pakiezato vokasi ta me rovea matu zuvario tu pizaka noqoeko me elo koa keru ko meqai tarekake ko quli Baṉara o ereko ama quli tu anime kaqe.

Hiburu 8:6

Melai erisaṉa animeta me baqumuka vo Jisu o erekako iruruputo ta kokai paloasa sea siama madu ke erekako iruruputo kasi azo, omadeuvo jari vo Jisu o erekema leveleveo Baṉara ni maba ko tiania ta qulepo ama, ako koa leveleveo ta ko vinaiva rakimato qulepo ama quli kale sole, vo Baṉara o mela ereko kiolako.

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

1 Pita 3:15

Melai ilusivomo vo Karisito meko bulo kale ako vo inio mevo Lekasa sole. Ni inainaomo kiada keru tu ma rupasikomo seke mela kuiriko amu me tu mema zakaremu puekou meko tuvevo puto sama kerukeru tu kovo noqola kama saevo.

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.