Epesasi 2:10 - BAṈARA KO VAIRU AMA LEVELEVEO

¹⁰ Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Epesasi 2:10 교차 참조

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Jone 3:21

Melai seke erekani ko uri ama iruruputo ta ke kueva voa zakaremu kasi ni voa zakaremu ta uria kasa ota ma ika seko zorivo vo Baṉara,” kiolake vo Jisu.

Iruruputo 9:31

Ni kiadama Jiudia, ni Qalili, ni Sameria peuru poso kale ko evako lotu qoqono ta bule ke evake koa taku keru azo. Vo Tabu ala Auvana ko tauvezato kale seta ke pizatake ni kubo ke evake, ni seta ke evake vo Lekasa tava paṉao kale.

Iruruputo 9:36

Ni Jopa peuru kale ta kobeta evake ka pado rekoreko koko tuvevo putako koko ṉi ta Tabita. Koko ṉi Quriki pesio kale ta Dokasi kio, ni koko kio ni kalo ta “Dia” ka kikelako matu ileile ama ariku kiti ama biaṉa kio. Kota ko ṉamuke kiadama koko taku koko uri ama iruruputo ko ereko kale ni tauvemo kale se ozaoza kamu.

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

Romu 8:29

Anime vo Baṉara lula o pitoemelani ta o edolimelake tu animeta vovo Meqora Jisu jari me elo, nio voa Meqora ta kubo tamania poso vo kaka kala Meqora o elo.

1 Koriniti 3:9

Ako eqeta omadeu vati iruruputo qe vati evani qela vo Baṉara, ni me inio vo Baṉara ko matoa mela. Ni meta mata vo Baṉara ko pade o orumumelani mela inio.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

2 Koriniti 5:5

Vo Baṉara nio vo lula o inainaeṉelani eṉe koa besizio eṉe ṉe elo avo kale, ni vo inio lula o katiṉelani eṉe voko Auvana omadeuvo koko mamola jari koko tuvevo pueko ama voko ṉela besieko eṉeko tupu.

2 Koriniti 9:8

Ako vo Baṉara ta o roveovou katimelo me voko matu kubo mauruto, so inio meta me qovou kiada keru ko meme male ama quli tu me ṉavi kaqe ni koko topi tiniavo tu kiadama meko uri ama iruruputo kaqe.

Qelesia 6:15

Ako vo Baṉara ko kelokelozato kale vo maba ta o moveilou ma pui o moveilou melai kota pui matuma quli. Melai ko matuma quli ta vo maba ta vairu o elou voko saevo kale Tabu ala Auvana ko pizato kale.

Epesasi 1:1

Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.

Epesasi 1:4

Vo Karisito kale inio vota o pitoemele anime puliako komia peuru ma peuru ereilo. Ni vo Baṉara ta o pitoemele anime tu voko tabu ama maba poso mela me elo ni puliama kuiripato saṉa me elo voko tanama kale.

Epesasi 2:13

Ni koa taku meta matu vaṉa mela Baṉara kasi azo, melai erisaṉa vo Jisu Karisito ko voukale inio meta sipole o imela Baṉara kasi.

Epesasi 2:15

Ni se Jiu amu ko Bazu ta matu kubo koko silosilo ama bazu poso ni koko kalo poso. Melai vo Karisito inio o epezike ko, ako voko matuma zario ta okai zariake sole tu komia omuqa qoqono Jiu amu ni pui Jiu amu ta omadeu pado vairu ama qoqono qo elou Karisito kale. Ni komi kale inio vo Karisito ta o erekake ko bule anime Jiu amu ni pui Jiu amu mela ko tiania.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Epesasi 2:6

Ni animeko omadeu vati elo vo Karisito kale vota o saevimele anime vo Karisito sase ni vota o papuemele anime lekasa puole vo Karisito sate aukale.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Epesasi 4:24

ni vairu ama maba poso emo vo Baṉara okai zariani jari. Ako vota o mela zaria anime tu sidopu ni tabu me elou animeko lulueko kale ko Uri ama Bazu ko tuveano sole.

Pilipai 1:6

Ni aṉata a uria kai nianiia, vo Baṉara vo o taniekeni ereko koa uri ama quli mekasi ta obeta ziovou ereko ko ti kota kobeta okotou vo Jisu o vaitou keru.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Kolosi 3:10

ni meta lula vairu meda eva erisaṉa. Baṉara ta o ereke ni vairu o ike komia saevo me tona, ni vota pui o lalamata vairu imelo me o ṉavi jari, tu meta mevai uria nianiiovou vo.

2 Tesalonaika 2:17

Eṉeta ṉe melati vararaita tu vota o zuvarimelou me ni o pizatimelou me, tu mebe erekou ni mebe kasekou ko uri ama quli kiada keru.

1 Timoti 2:10

Seta uri ama kalo ni kerukeru ke kovou, ko koko male ama se reko poso kasi seke tava paṉaovani vo Baṉara kikelani.

1 Timoti 5:10

ni se kota ma kaseivani seko uri ama iruruputo poso, ni seke mati uria vailani seko meqora poso, ni seke baroekimani se edolomu seko pade kasi, ni se keta ma panaovani ti kema koidipani seke luluevani vo Karisito, ni se lula ke tauvezatani tapata keru, ni se dikidauputole ke erekani kiadama uri ama iruruputo. Se ke kiada inio.

1 Timoti 5:25

Ni so jari nio ko uri ama kalo ta kasa ko eva, ni koa uri ama kalo ko erisaṉa ko mutaivako, ko melai pui noqola mutailo kopa elou.

1 Timoti 6:18

Bazuema se tu seta kemai tauveko edolomu seko batiro, tu seko zolemo ama ta seko uri ama kalo ko elo, ni kekai zoleilo seko mati puaro se edoloma maba poso.

2 Timoti 2:21

Voa lotu maba vo o saqaivani o ṉavi kiadama koa ruqe ama quli aṉa abe kasekako kale azo, ta kala maba qulepo ala vo Baṉara ovai iruruputo ala matuma quli kale, omadeuvo koa qolo ni siliva kama lomaloma jari, ako vota lula tabu ota eva vovo Lekasa ko iruruputo kaqe, ni lula o inainaiva tu vota o ereko kiadama uri ama iruruputo sole.

2 Timoti 3:17

So inio koa Tabu ama Riki poso kale vo maba vo ova nabuluputani vo Baṉara ta o kovou koa bokao poso tu vota o ereko kiadama uri ama iruruputo.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Taitasi 2:7

Ṉo ṉavi ṉota kala uri ala kevepito eve uri ama kalo kale kiadama quli kale. Ṉota tuvevo ni kerula eve ṉoko nianiiekato kale.

Taitasi 3:1

Mai kerukerue ṉoko maba poso tu ke uria zorimou se lekasa poso ni se matuma maba poso, ni keka zariovou ereko ko uri kiadama keve kale.

Taitasi 3:14

Mata animeko lotu qoqono poso ta ke male tu kekai nianiio tu dikidauputole uri ke ereko, tu seta ke tauvezato koa maba tuvevo ama zario poso kale, maba poso ko saevo ko korotikako, tu seta pui ke saevo utu ama saevo kale.

Taitasi 3:8

Kota tuvevo ama bazu ikio. Aṉata aṉa zaria ṉo tu ṉota matu piza kavole ṉomai bazuekou komi quli, tu se kevai keruani vo Baṉara ta ke ereko ko uri ama iruruputo seko dikidauputo kale, koko uria tauvemo ama kiadama maba poso.

Hiburu 10:24

Animeta me qerukeruekiniou, tu me dauvekiniou muli tu kasa me ikou ko roquano ni me erekou ko uri.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.

1 Jone 2:6

Ni kala ta eri kiovou, vota o eva Baṉara tona kiovou, ta voko kalo ta Jisu ko kalo jari o ikou.