Epesasi 1:7 - BAṈARA KO VAIRU AMA LEVELEVEO

⁷ Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Epesasi 1:7 교차 참조

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 26:28

komi ta ko mamola pueka aṉako dara, koko rereovo ama tu ko pakiemo kubo maba poso tu vo Baṉara ta ota ma akoekou seko sarueko, ni komia aṉako vou kio ko vinaeko ama vo Baṉara ko leveleveo maba poso kasi.

Matiu 6:12

ni taṉela akoeka eṉeko sarueko poso ko lula eṉe ṉe erekako, omadeuvo eṉeta ṉeda ma akoeka jari seke saruekani eṉe kasi.

Maka 14:24

Nio Jisu ta mata eri kiolake sekasi, “Komia kapa vaini sama ta ko mamola pueka aṉako dara, koko rereovo ama tu ko pakiemo kubo maba poso, ni komia aṉako vou kio ko vinaeko ama vo Baṉara ko leveleveo maba poso kasi.

Luke 1:77

tu bazuemo voko maba poso ta ke pakiovou, seko sarueko poso tama akoilo kale.

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Jone 20:23

Ni meta meda ma akoekou maba poso ko sarueko poso inio kota kota akoilou, melai pui meda ma akoekou inio kota pui kopa akoilou,” kiolake.

Iruruputo 10:43

Kiadama poropita madu ta kevai bazute vo, ni ke kaseke ta sea kiadamu seke tuvevo puevo amu vo ta kota ma akoilou seko sarueko poso vo Jisu kale kude,” kiolake.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

Romu 2:4

Ṉo ṉoqai keduani ṉa voko matuma roquano, ni kaitizio, ni inobe, ta tuvevo avole ṉota pui ṉoqai nianiia vo Baṉara ko roqueṉo ṉo ta vota obe madoe odieṉo ṉo tu o liliṉo, kio?

Romu 3:24

Melai vo Baṉara ko utuakoi puariko voko roquano kale kiadamu ta sidopu ke eva vo Jisu Karisito ko tabarimo kale, vo o rupasimani.

Romu 3:25

Vo Baṉara ta lula majibolo jaria puarivo o eve vo, tu voko voukale kiadama maba ko sarueko ta ko akoilou seko vai oqu kale vo. Koa kalo kale vo Baṉara ta kasa o ikake voko sidopu. Ako lulavo vota ota ma bouluke se lulamu ko sarueko; melai erisaṉa vota o puariva vo Jisu tu o puratiko voko sidopu. Koa kalo kale vo Baṉara ta kasa o ika voko sidopu ni vota o sidopu puema seke ṉeamuvani vo Jisu.

Romu 9:23

Ni vota mata oka zariake kasa iko voko ṉaṉaidara ko pui ko lalamatake, koko taloima anime kasi anime me qoeni mela voko akoekato sama roquano, ni anime mata o inainaemeleni mela tu me zomanou voko ṉaṉaidara kale.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Epesasi 1:14

So sole voa Tabu ala Auvana ta leveleveo ko mamola anime kasi. Vo inio kasa o mela ikani ta animeta me qovou vo Baṉara leveleveo o ikema o ṉaviko mabamu kasi. Ni komi kale inio tuvevo me ikou vo Baṉara ta o maba rupasimou o ṉaviko maba madu. So sole animeta mevai ilusiko voko ṉaṉaidara!

Epesasi 1:18

Ni aṉata a melati vararaita, tu vo Baṉara ta zakaremu o mela ikou voko tuveano. So inio meta meqai keruvou meko kovo ko uri ama quli vo Baṉara leveleveo o mela ikema tu vota o katimelo. Ni so inio mata meta meqai nianiiovou koa mauruto vo Baṉara leveleveo o ikema voko maba madu kasi koa aqasiele ama ni ṉaṉaidara kama.

Epesasi 1:6

So sole animeta me ilusivo vo Baṉara ako voko ikio koa ṉaṉaidara kama pakiezato sama roquano sole vo o katimelema anime vovo Meqora kale, vo o matu roquevani.

Epesasi 1:8

Ni vo Baṉara ta o katimele matuvole ni utuakoi koa pakiezato sama roquano. Kiadama voko nianiio kale,

Epesasi 2:4

Melai vo Baṉara ko akoezato sama roquano ta palopaloasi ama ni vota matuvole o roquemele anime,

Epesasi 2:7

Ni vota o erekake komi quli tu kiadama maba madu ta ke kelou ko kuevako taku kale noi tinia aqasiele ama ikio voko pakiezato sama roquano. Ako koa pakiezato sama roquano ta noqola kasa ko eve sole voko roquemelo kale anime omadeu me vati evani mela vo Jisu Karisito.

Epesasi 3:16

Ni aṉata a baseva vo Mama, tu vota o katimelou me ko pizato voko matuma ṉaṉaidara kale azo, tu meta me bizatou meko auvana kale voko Tabu ama Auvana kale.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Pilipai 4:19

Ni aṉavo Baṉara vo aqasiele ama batiro aukale ama sala ta o katimelou kiadama quli meko saevo ko korotiko ama quli, ako meta omadeu me vati evani mela vo Jisu Karisito sole.

Kolosi 1:14

vo o rupasimeleni anime, voko tamela akoeko kale animeko sarueko poso.

Kolosi 1:27

Kota vo Baṉara ko zario tu kota uria kasa ko elo voko maba madu kasi, se kiadama peuru ma peuru kale ama qoqono poso kale amu, koa bazu lulavo mutamuta kama ko evema, ko qulepo ama ni ṉaṉaidara kama. Komi kio koa bazu: vo Karisito ta o eva meko saevo kale, ni Sokale avo meta me uria vakakuka ta meta meqai zomanou pado ama vo Baṉara ko ṉaṉaidara ni mauruto.

Kolosi 2:13

Lulavo meta pui saevo mela auvana kale, ako so keru meta sarueko poso samela sole, ni meta pui Baṉara ko toutou Izireli kale amu mela, Baṉara ko Bazu pidea mela koko katiziovima Mosese kale kude. Melai erisaṉa vo Baṉara ta o saevimela me Karisito sase, Baṉara ta lula ota mela akoeka kiadama animeko sarueko poso.

Kolosi 2:2

Sokale avo inio aṉata so a qava tu meko bulo poso ta ko zuvariovou, ni meta omadeu me elou roquano kale, tu meta me uria paqumukou ko meme duvevo puekako quli. So inio meta mevai nianiiovou vo Baṉara ko mutamuta kale ama kerukeru kale o eveni, vo erisaṉa Baṉara kasa o ivani, vo inio vo Jisu Karisito.

1 Timoti 2:6

vo pui opa katiziovini tu o vou kiadama maba kaqe tu vota oma tabariko seko rupasio seko ruqe kale azo. Koa voko vou ikio lula ko mamola pueke vo Baṉara ko tutututuki ama taku kale vo Baṉara ma zario kiadama maba poso tu ke pakio.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Taitasi 3:6

Vo Baṉara ta utu puarivo o eve voa Tabu ala Auvana anime kasi vo Jisu Karisito animevo Pakio kale kude,

Hiburu 9:22

Koa Bazu kikolani ta sipole kiadama quli ta dara kale inio bulebule ko eva Baṉara ko tanama kale. Sokale inio seko reretiko ko dara kale ko kiada inio Baṉara ta o rovea akoeko ko sarueko poso.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Jone 2:12

Aṉata a mela rikita me, a meqora poso mela, ako meko sarueko ta kota mela akoiva sole vo Jisu Karisito ko kio kale.

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.

1 Jone 4:10

Ni tuvevo ama roquano ta vo Baṉara ko roquano anime kasi ama ikio, ni pui animeko roquevo vo Baṉara. Ako vo Baṉara inio o roquemele ni o soroeve vovo Meqora tu ota mela akoeko animeko sarueko poso vovo Meqora ko voukale.

Kelokelozato 14:4

Se inio sea maba madu se pui kepa vaeveni vo Baṉara tu ke ilusiko lipalipa kama quli, omadeuvo kala maba vo pui o vaekani o reko tu o pauveko edoloma jari. Seta ke lulueva vo Sipi Meqora kiadakoi sai vo o olakoi. Seta lula ke tatabarai ni keta pitasiovi kiadama se ruqe ama maba madu kasi azo, seta omadeuvo koa kuleto ama epa kiaro kale ama jari koko katiziako vo Baṉara ni voa Sipi Meqora kasi jari.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.