Epesasi 1:5 - BAṈARA KO VAIRU AMA LEVELEVEO

⁵ Ni puliako komia peuru ma peuru ereilo inio vota o roquemele ni o pitoemele tu o ṉaviko meqora poso o imelo anime vo Jisu Karisito kale. Ni ko ikio voko zario ni ko zolevako quli.

Epesasi 1:5 교차 참조

Matiu 1:25

Melai vota pui sipole opa ike ko puliako ko alilivo kovo meqora. Ni Josepa ta ovai nokaekake voko ni ta Jisu.

Matiu 11:26

Tuvevo Mama, ko ikio ṉoko zario tu kota so ko kalo ni ṉota ṉoqai zoleiva sole.

Luke 10:21

Ni koa taku kale Jisu ta ota matu zoleike vo Tabu ala Auvana kale, ni eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani. Tuvevo Mama, ko ikio ṉoko zario tu kota so ko kalo ni ṉota ṉoqai zoleiva sole.

Luke 11:32

Mata eri nio, so keru vo Baṉara ko titizato ko taku keru ta ke lojolou se Ninive amu ni seta kuiripato saṉa ke imelou me, ako se inio ke liliziovini seko ruqe kale azo so keru seke viqe keru vo Jona ko bazubazuto sole. Melai aṉata a bazuemela me, inevoana kala koi matu raura kala vo Jona kasi azo, melai meta pui me lilizia!”

Luke 12:32

Ni vo Jisu ta mata eri kiolake voko disaipeli madu kasi, “Meta pui ṉalo, mea silo ama rovaṉa sipi jaria mela, ako mevo Mama ta ota zoleiva tu o lekasa puemelou me o ṉaviko lekasa puo jari.

Jone 1:12

Melai kama poso madu seke baroekiveni vo, ni se kevai keruini vo, ta o katimake ko naizato tu seta vo Baṉara ko meqora poso ke elo.

Jone 11:52

ni pui seke kiada, melai voko voukale vota omadeu qoqono o imou kiadama vo Baṉara ko maba poso se lula ke birebireini.

Jone 20:17

Nio Jisu ta o bazuekake ko, “Ṉota pui kamalo aṉa, ako aṉata pui nio a qoiva a Mama kasi sole. Melai ṉota sidopu avole ola aṉako disaipeli poso kasi tu pa lai bazute sekasi, ‘Aṉata ada koilou inio vo aṉavo Mama ni mevo Mama kasi, vo aṉavo Baṉara ni mevo Baṉara kasi,’ ” kiolake.

Iruruputo 13:48

Nio so keru se pui Jiu amu ke viqe keru ko, seta keta zoleike ni matu uri ka kikeve vo Baṉara ko bazu, ni seke pitoini tu ke kovo amu koa noqola kama saevo ta ke tuvevo putake.

Romu 8:23

Pui koa auvana pide ama quli vo Baṉara o erekema ko kiada ikio ko tolaivako, melai anime lula me qoeni mela ko Tabu ama Auvana melai duki meda eva animeko bulo kale, animeko tareko kale vo Baṉara ko meqora poso elo tu rupasio animeko pado ama saevo kale. Ko Tabu ama Auvana ta Baṉara ko kuleto ama puaro anime kasi.

1 Koriniti 1:1

Aṉa Paula lala, vo Baṉara lula o nokaeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Sosotenisi sase

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

2 Koriniti 6:18

Aṉata mevo Mama a elou, Meta aṉako meqora poso me elou, reko ni lasivea mela, kiola vo piza kala Baṉara.”

Qelesia 3:26

Ni vai oqu kale vo Karisito inio mea kiada mela ta vo Baṉara ko meqora poso mela.

Epesasi 1:11

Ni vo Karisito kale inio animeta me bitoi tu vo Baṉara ko maba poso me elo. Vo Baṉara ta lula o vatoeke tu animeta voko maba poso me elo, ako so inio vo oka zariani sole. Ako o ṉavi Baṉara inio o korotikani kiadama quli o ṉaviko vatolo kale sole.

Epesasi 1:9

vo Baṉara ta kasa o mela ike voko mutamuta kama vatovatolo, ako so inio vo okai zariani sole, ni vota o mela vatoeke tu o ereko vo Karisito kale.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Kolosi 1:19

Ako o ṉavi Baṉara ko vatolo kale inio pado ama voko saevo ni kalo ta Karisito tona ko eve.

2 Tesalonaika 1:11

Sokale avo inio eṉeta ṉe melati vararaita me kiada keru. Eṉeta ṉe baseva vo animevo Baṉara tu meta me malezikou koa reketekete vo o melati nokaekema, ni vota o katimelou ko pizato tu uri ama kalo saṉa me elou ni uri ama iruruputo me erekou omadeuvo me meqa zariani jari. Meko tuvevo puevo animevo Lekasa Jisu kale avo inio meta meqa zariani mela koa uri ama kalo ni iruruputo.

Hiburu 2:4

Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako o ṉaviko vatolo kale.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

Kelokelozato 21:7

Seke koqotaeko amu ko ruqe ta aṉata sevo Baṉara a elou ni seta aṉako meqora poso ke elou.