Epesasi 1:22 - BAṈARA KO VAIRU AMA LEVELEVEO

²² Ni vo Baṉara ta o vaekake kiadama quli vo Karisito ko pizato ko vima, ni kiadama quli ko lezu o ivake voko lotu qoqono kale.

Epesasi 1:22 교차 참조

Matiu 16:18

“So sole aṉata a bazueṉa ṉo, Pita, ṉoko ṉi ko kio ni kalo ta lado ikio, ni omadeuvo kala ta o orumuka voko pade lado ko vola topi, so jari nio aṉata a orumukou aṉako lotu ṉo topi, ni vou melai pui kopa niumaekou.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

1 Koriniti 11:3

Melai aṉata aqai zaria tu melai bazueko ko rekoreko ko bouluko ko lezu. Vo Karisito inio raura kala kiadama maba kasi azo, sole vota sevo lezu jari ala. Ni vo roroto ala lasive ta raura kala voko reko kasi azo, sole vota kovo lezu jari ala. Ni vo Baṉara inio raura kala Karisito kasi azo, sole vota vovo lezu jari ala.

Epesasi 3:21

so sole animeta mevai rauraeko vo Baṉara voko ṉaṉaidara kiada keru voko lotu qoqono kale ni animeko omadeu vati elo vo Jisu Karisito kale, latau ṉaniu ni ka ṉaniu. Emeni.

Epesasi 5:23

Ako vo tanala lasive inio koko lezu sole voko reko, omadeuvo vo Karisito ta voko lotu qoqono ko lezu jari, ni o ṉavi Karisito nio o pakiemeni se lotu qoqono kale ama maba madu, ako ko lotu qoqono ta voko tupu jari sole.

Kolosi 1:18

Vo inio koko lezu voko lotu qoqono, ni vo inio koko raki koko saevo, vo inio vo kuleto ala vo o saeveni voukale azo, tu vo o kiada ta raura o elo kiadama quli kale azo.

Kolosi 1:8

Vota lula o qelai bazueka eqe meko roquekinio Tabu ala Auvana o katimelako.

Kolosi 2:10

Kokale inio ko pado ama saevo ta ko katiziovi mekasi vokale kude. Vota raura kala kiadama piza kama auvana poso kasi azo.

Kolosi 2:19

Melai seta keta pitasia Karisito kasi azo, vo o mati vailani se voko lotu qoqono kale amu, omadeuvo ko lezu ko kati vaila jari ko tupu. Karisito ta o kati vaila voko lotu qoqono ni o pizatika ko tu kota ko pizato omadeuvo ko tupu ta sailao kale ko uria pizata ni ko rapuka jari. So inio vo Baṉara ko zario.

Hiburu 2:8

ni kiadama quli ko lekasa ṉo ivake.” Ko kikolani ta Baṉara inio “kiadama quli ko lekasa” o ive vo maba, so kai kikolani ta kiadama quli ta ko lekasa puevou vo. Melai animeta pui me vea kala maba vo lekasa okai evani kiadama quli erisaṉa.