Epesasi 1:20 - BAṈARA KO VAIRU AMA LEVELEVEO

²⁰ ni koa omadeuma pizato kale inio vo Baṉara ta o saevivake vo Karisito voukale azo ni vota o papuevake o ṉaviko palo rana aukale.

Epesasi 1:20 교차 참조

Matiu 26:64

Nio vo Jisu ta o vati tiorikake ni eri kiolake, “Tuvevo ṉo kiṉolani nio. Ni aṉata a bazuemela me, tova inio meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Maka 14:62

Ni vo Jisu ta o vati tiorikake ni eri kiolake, “Tuvevo aṉa inio. Ni meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Maka 16:19

Ni so keru vo Lekasa Jisu o paikake mati pesipesito se, ti vo Baṉara ta obe koivievake inio vo aukale. Ni sai nio vota o papuake vo Baṉara ko palo rana vasia rana tu o lekasa puo.

Jone 10:18

Puliala ta o rovea tala kovo aṉako saevo aṉa kasi azo. Melai aṉata a buarika aṉako saevo aṉako tuvevo ama zario kale. Aṉa inio koko raki lala tu a vaeko, ni aṉa inio koko raki lala tu mata a dova kovo. Ko ikio aṉavo Mama o lati soruekema tu aṉata a ereko sole,” kiolake.

Jone 10:30

Ako vo Mama ni aṉa ta omadeu qela sole,” kiolake.

Iruruputo 10:40

Melai vo Baṉara ta o saevivake vo voukale azo zoukema ṉaniu kale ni vota o purativake,

Iruruputo 26:8

Noi sole inio me koi me evani mela ta pui me rovea tuvevo pueko vo Baṉara ta o saevima se voumu kio?

Iruruputo 4:10

sole mea kiada mela ta meqai nianiiovou, ni kiadama Izireli qoqono melai uri tu kekai nianiiovou, ta nea maba koi o lojoani meko tanama kale ta ota maba urikala, vo Jisu Karisito o ṉi sala maba Nazareti ala ko pizato kale, vo meme vouvaeveni korosi topi ni vo Baṉara mata o saeviveni voukale azo.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Romu 1:4

melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale.

Romu 8:34

So sole lala inio o titizimelou anime? Mata puliala, ako vo Jisu Karisito, vo o vovini ni mata o saeveni voukale azo ta pui opa titizimelou. Vo inio o papuani Baṉara ko palo rana vasi, vo o tauvemelani anime vararaito kale!

Epesasi 1:3

So sole animeta me ilusivo vo Baṉara, animevo Lekasa Jisu Karisito vo Mama, ako animeko omadeu vati elo vo Karisito kale inio vo Baṉara ta o katimele sole animeko auvana kale kiadama mauruto aukale azo ama.

Pilipai 3:10

Ako aṉako matuma zario ta aṉata avai nianiiovou vo Karisito ni voko mata saevo voukale azo ko puratikako pizato, ni aṉata aqai zomanou voko tolailo, ni aṉata aqa zaria tu talio zoripato ko keve vo jari ti kobe lati baro aṉako vou.

Kolosi 1:16

Ako vokale kude inio Baṉara ta o ereke kiadama quli aukale ama ni miduku kale ama koko keazaivako vilu kale ni pui ko keazaivako quli, ko piza kama auvana poso, ko auvana lekasa poso, ni vailo ko auvana poso, ni kiadama auvana ko pizato poso. Baṉara ta o ereke kiadama quli vokale tu vo kaqe.

Kolosi 3:1

Meta lula me jaeva Karisito sase voko voukale azo ama mata saevo kale, so sole meta viluloqu kai emo ko aukale ama quli, sai vo Karisito o papuakoi voko lekasa puo ko papupapu topi Baṉara ko palo rana vasia rana.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 10:12

Melai Karisito inio o erekeni omadeu pado siqasiqa pizato sama ko noqola ṉamuko ko evako se maba poso ko sarueko poso. Sai kazo inio vota o papuake Baṉara ko palo rana vasia rana ni lekasa o evake.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

Hiburu 2:9

Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

Kelokelozato 1:17

So keru aṉa a veve keru vo, aṉata ada bousarake voko kiti raki kasi ni aṉata kala voula maba jari ada evake. Sai nio vota olai ivikake voko palo ṉase ni eri la kiolake, “Pui ṉalo! Ako aṉata kiadama quli ko tanitanila ni koko paitopaito lala sole.