Epesasi 1:19 - BAṈARA KO VAIRU AMA LEVELEVEO

¹⁹ Ni meta meqai nianiiovou ta vo Baṉara ko pizato ta matuma anime me duvevo putani mela kasi. Ako koa pizato koko tauvemelako anime ta matu piza kama sole,

Epesasi 1:19 교차 참조

Jone 3:6

Ako tupu kale ama alilo ta tupu ko pala, melai vo Baṉara vo Auvana kale ama alilo ta Auvana ko.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

2 Koriniti 4:7

Ni eṉe lula ṉe qoani ṉela komia Baṉara kasi azo ama bazubazuto ko iruruputo ta omadeuvo ko kiada keru ama miduku raro koko teamukako ko qulepo ama jiku jaria ṉela, tu kasa koma elo se maba poso ko Uri ama Bazu ko pizato ta Baṉara kasi azo ama ni pui eṉeko pizato.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Epesasi 3:20

Vo Baṉara ko pizato koko iruruputako anime kasi ta ko rovea ereko ko kokai paloasako kiadama quli anime me basekako quli ni me qerukeruekake quli,

Epesasi 3:7

Ni vo Baṉara ko roquano sama puaro kale inio vota o puarike komia koidi aṉa kasi, inio aṉata nabulu a eve tu aqai bazutou ko Uri ama Bazu. Ni vo Baṉara inio o katile koa roquano sama puaro o ṉaviko pizato kale.

Epesasi 6:10

So sole meta pizatomo meko omadeu vati elo kale animevo Lekasa voko pizato kale.

Pilipai 2:13

Ako vo Baṉara ta obeta iruruputa mekasi tu zarizari o imelo me tu meta me zorikou voko vatolo.

Pilipai 3:21

Ni vota o besiekou animeko lekuleku ama tupu, ni vota o ṉaviko ṉaṉaidara kama tupu jari o imelou anime. Vota o erekou ko quli voko pizato kale, koa pizato vo okai lekasa puako kiadama quli kale.

Kolosi 1:29

Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

1 Tesalonaika 1:5

Ako eṉeta ṉe qati kueva vo Jisu ko Uri ama Bazu mekasi sole, pui pesio kale pala ko kiada, melai vo Tabu ala Auvana ko pizato sate, ni eṉeko matu vinavina kai keru koa Uri ama Bazu ko tuveano sate. Ako meta meqai nianiia eṉeko kalo so keru eṉe ṉe eve keru mekasi ta ko tauvemele me.

2 Tesalonaika 1:11

Sokale avo inio eṉeta ṉe melati vararaita me kiada keru. Eṉeta ṉe baseva vo animevo Baṉara tu meta me malezikou koa reketekete vo o melati nokaekema, ni vota o katimelou ko pizato tu uri ama kalo saṉa me elou ni uri ama iruruputo me erekou omadeuvo me meqa zariani jari. Meko tuvevo puevo animevo Lekasa Jisu kale avo inio meta meqa zariani mela koa uri ama kalo ni iruruputo.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.