Epesasi 1:17 - BAṈARA KO VAIRU AMA LEVELEVEO

¹⁷ Ni kiada keru aṉata a vararaita Baṉara kasi, animevo Lekasa Jisu Karisito vo ṉaṉaidara kala Mama, tu vota o katimelou vo Tabu ala Auvana, vo o nianiiekimelo ala ni kasa o mela ivo ala vo Baṉara tu meta mevai uria nianiiovou vo.

Epesasi 1:17 교차 참조

Matiu 11:25

Nio koa taku keru inio Jisu ta eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani.

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Matiu 16:17

Nio Jisu ta o vati tiorikake vo Saimone ni eri kiolake, “Matu uri ṉo kiṉolani, Saimone, Jone vo meqora ṉa. Komia tuveano ta pui maba kasi azo ko kuevako, melai kota aṉavo Mama aukale ala o katiṉako ṉo,” kiolake vo Jisu.

Matiu 20:33

Nio nioqata qo vati tiorikake ni eri kiqolake, “Lekasa, eqeta qeka zaria keazato,” kiqolake.

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Luke 12:12

Ako vo Tabu ala Auvana inio o melati vakakukou koa taku so me kimevo avo sole,” kiolake.

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Luke 21:15

ako aṉata a qatimelou me ko pesio ni uri ama kerukeru sole ko puliala kala pado mevo kana opa roveovo ama lipato tamela iko ni tamela tizaeko.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 16:3

Se maba madu ta ke melai erekou ko quli ako seta pui kevai nianiiani aṉavo Mama ni aṉa sole.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Jone 20:17

Nio Jisu ta o bazuekake ko, “Ṉota pui kamalo aṉa, ako aṉata pui nio a qoiva a Mama kasi sole. Melai ṉota sidopu avole ola aṉako disaipeli poso kasi tu pa lai bazute sekasi, ‘Aṉata ada koilou inio vo aṉavo Mama ni mevo Mama kasi, vo aṉavo Baṉara ni mevo Baṉara kasi,’ ” kiolake.

Iruruputo 6:10

Melai vo Tabu ala Auvana ta o kativake ko nianiio vo Sitiveni so keru vo o pesi keru, so sole seta pui ke roveake tava pazoko voko pesio.

Iruruputo 7:2

Nio Sitiveni ta o opatake, ni eri kiolake, “Kaka ni visi poso mela ni mama poso mela meta didielomo aṉa! Lulavo inio vo ṉaṉaidara kala Baṉara ta ovai puratake vo animevo taite Ebarahami sai Mesopotemia rana Kolodia o ṉisa peuru kale, puliako vo zio Harani elole,

Romu 1:28

Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko.

Romu 15:6

So inio mea kiada mela ta omadeu ilusivo me elou vo Baṉara, vo animevo Lekasa Jisu Karisito vo Mama.

1 Koriniti 12:8

So inio vota o kativa kala ko pizato tu o kaseko ko uri ama kerukeru sama bazu. Mata kala maba ta voa omadeula Auvana ta o kativa ko pizato tu o kaseko ko bazu Baṉara kasi azo ama nianiio sama.

1 Koriniti 14:6

A qaka ni visi poso mela, so keru aṉako kilo keru mekasi ta aqai pesiovou ko pui meqai nianiiako pesio ta kota ko tauvemelou me? Pui! Maba puliama tauvezato meba tala kovou, aṉa pui a qasekou ta kama vo Baṉara kasa ola ikema quli ma kama nianiio ma kama vo Baṉara kasi azo ama bazu, ma kama nianiiekato sama quli.

1 Koriniti 2:10

Melai vo Baṉara ta lula kasa o mela ika koa bazu anime voko Auvana kale. Ako voko Auvana ta kokai nianiia kiadama quli ni so jari vo Baṉara ko repaso ama vatolo poso melai kokai nianiia.

1 Koriniti 2:8

Puliala kala pado lekasa komia peuru ma peuru kale ala ta opa vakakuke komia raura kama nianiio ko bazu. Ako seta lula ke paqumuke ko tea, pui nio kepa patoevo animevo ṉaṉaidara kala Lekasa korosi topi.

2 Koriniti 12:1

Pui uri kio tu aṉata a rauraraurailo. Melai pui ko rovea sole aṉata a qasekou erisaṉa aṉako uloito ni kelokelozato ko animevo Lekasa o katilema aṉa.

Epesasi 1:3

So sole animeta me ilusivo vo Baṉara, animevo Lekasa Jisu Karisito vo Mama, ako animeko omadeu vati elo vo Karisito kale inio vo Baṉara ta o katimele sole animeko auvana kale kiadama mauruto aukale azo ama.

Epesasi 3:5

Ako lulama taku keru ama maba poso ta pui kepa kai nianiiovi sole koa mutamuta kama vatolo. Melai erisaṉa vo Tabu ala Auvana kale inio vo Baṉara ta kasa o ika koa mutamuta ko evema vatolo se apositolo madu ni se poropita madu kasi.

Epesasi 4:13

Ni komia iruruputo ta kobeta ziovou ti kobeta barolou so keru animea kiada mela omadeu me elou keru animeko vai oqu kale vo Karisito, ni omadeu vai nianiio me elou keru vo Baṉara vo Meqora. Ni animeta muqaro ama maba mela me elou, ni animeta me rapukou tu Karisito jari me elou ni me ṉeamukou kiadama voko sidopu.

Pilipai 3:15

Ni animea kiada mela me muqarani mela auvana kale ta me zuatikou koa omadeuma kalo. Melai kake mela ta edolovo me ikou meko kalo, ta vo Baṉara inio zakaremu o mela ikou.

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

Taitasi 1:1

Aṉa Paula lala, Baṉara vo nabulu ni kala pado vo Jisu Karisito vo apositolo lala, ta a rikieka komia leta. Vo Baṉara ta o pitoele ni o soroele aṉa tu a dauveko voko maba poso ko oqu ni amai nianiiekiko se koa tuvevo ama nianiiekato, koko odiemo ama uri ama lotu saevo kale.

Jemisi 2:1

A lolo poso mela, meta mevai oquani mela vo animevo Lekasa Jisu Karisito, vo ṉaṉaidara kala Baṉara, so sole meta pui tama paṉao kake pala ni mai masapo kake seko kupekupe ama melo ko pitasimo kale.

2 Pita 1:3

Jisu inio vo Baṉara ko pizato sala. Ni voko pizato kale inio o katimele kiadama quli anime meqai zariako animeko saevo kale tu meva nabuluputo vo Baṉara. Animeta me ṉeamuka komi quli ako animeta mevai nianiia vo Baṉara sole, vo o nokaemeleni anime. Vo Baṉara ta voko ṉaṉaidara ni sidopu kale

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.

Kelokelozato 7:12

nio eri kikelake, “Emeni! Mevai rauraeko animevo Baṉara voko ṉaṉaidara, ni raura kama nianiio, ni aikato, ni pizato, ni naizato. Me qativou animeko uriavo latau ṉaniu ni ka ṉaniu! Emeni!”