Epesasi 1:15 - BAṈARA KO VAIRU AMA LEVELEVEO

^15-16 Sokale avo inio aṉata a qerukeruemela me kiada keru aṉako vararaito kale, ni aṉata a qaseka aṉako uriavo vo Baṉara kasi mekale avo. Ni kiada keru aṉata soa vararaito a eve so keru a viqe keru azo meko vai oqu vo Lekasa Jisu ni meko roquemo kiadama vo Baṉara ko maba madu.

Epesasi 1:15 교차 참조

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Romu 1:8

Kuleto aṉata a qaseka aṉako uriavo vo Baṉara kasi vo Jisu Karisito kale kude mea kiada mela kale avo, ako komia pado ama peuru ma peuru ta ko viqa meko oqu ko bazu sole.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Epesasi 1:1

Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.

Epesasi 3:18

Ni aṉata a vararaita tu me ni mata sea kiadamu vo Baṉara ko maba madu ta me qovou ko pizato tu meqai nianiiovou vo Karisito ko matu aqasiele ama ni palopaloasi ama roquano.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Tesalonaika 4:9

Aṉata pui aba kai pesipesitou komia riki kale ko animea lotu tamania kalea mela ko roquekinio. Ako koa roquekinio ko kalo ta lula o melati vakakuka vo Baṉara me ṉavi sole.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

1 Timoti 1:14

Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

Pilimone 1:5

Ako ada ṉa viqa ṉoko roquemo kiadama Baṉara ko maba madu ni ṉoko vai oqu vo Lekasa Jisu sole.

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Jone 3:17

Ni kala batiro ala lotu maba ta obe velou kala vovo lolo olaquavo o evani melai pui o roquevou tu o tauvevo vo, ta vo Baṉara ko roquano ta maba puliama voko bulo kale!

1 Jone 4:21

Ni o ṉavi Jisu inio o katimele anime komia bazu, eri kikolako: vo o roquevo ala vo Baṉara ta mata o roquevou vovo lolo.