Epesasi 1:13 - BAṈARA KO VAIRU AMA LEVELEVEO

¹³ Ni so jari meta vo Baṉara ko meqora poso mela me eveni mela so keru me viqe keru ko tuvevo ama nianiiekato, koa meko pakiezato sama bazu. Ni me tuvevo me ive keru vo Karisito inio vo Baṉara ta o mamola puemele me tu o ṉavi kaqe voko katimelo kale voa Tabu ala Auvana vo leveleveo o iveni.

Epesasi 1:13 교차 참조

Luke 11:13

Meta ruqea mela melai meta meqai zaria katimo ko uri ama quli meko meqora poso. Mevo aukale ala Mama ta o melai paloasa me, sole me rovea tuvevo pueko ta vota o katimou ko Tabu ama Auvana seke pasekani vokasi!” kiolake.

Luke 24:49

Ni aṉa inio a melai soroevou vo Tabu ala Auvana, vo aṉavo Mama o mela inainaeveni me. Melai meta me daruanou Jerusalema peuru kale ti kobe melai barolou koa pizato aukale azo ko kilo ama me tona,” ma kiolake.

Jone 1:17

Vo Baṉara ko lulama bazu ta ko katiziovi Mosese kale kude, melai roquano ni tuveano ta ko katiziake Jisu Karisito kale kude.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 15:26

“Melai so keru voa Tauvezato o kilou keru, vo aṉa a joroevo ala mekasi vo Mama kasi azo, inio vota olai bazubazutou aṉa. Vo inio voa Tabu ala Auvana vo kasa o iko ala vo Baṉara ko tuveano.

Jone 3:33

Melai kala ta o tuvevo puekou voko bazubazu inio vota o patapataevou vo Baṉara ta tuvevo ala inio.

Jone 6:27

Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

Iruruputo 1:4

Ni so keru seke padoiva keru inio vota eri mati kiolake se, “Meta pui vaeko ko Jerusalema, melai meta tarekomo koa katizato aṉa lula a qasekema, koa katizato aṉavo Mama o kasekema ta me qovou ka kiovema.

Iruruputo 13:26

“Aṉako mabamu mela me Izireli amu mela, vo Ebarahami ko vikuvikula kalea mela, ni kiadama pui Jiu amu mela meme ilusivani mela vo Baṉara: anime kasi inio ko soroi komia pakiezato ko bazu!

Iruruputo 2:33

Vovo Mama Baṉara ta o koivieve vo Jisu aukale ni vota o papueve vo o ṉavi Baṉara ko palo rana vasia rana, ni vo Jisu ta o voake vokasi azo vo Tabu ala Auvana vo lula ova kaseveni tu o kativo. Ko erisaṉa meme qeako ni me viqako quli, ko ikio vo Jisu ko katizato vo eṉe tona o ṉelai raibikake.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Romu 4:11

Koko tova vasi inio vota o moveike, ni koa voko moveilo ta kama pado mamola ko evake koko kasa puekema voko oqu kale ama sidopu elo Baṉara ko vilu kasa. Nio vo Ebarahami ta sevo auvana kale ala taite o evake, seke tuvevo puevani vo Baṉara se sidopu ma kiolani, se pui movemove amu melai.

Romu 6:17

Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.

2 Koriniti 1:22

vo lula o mamola puemelani anime ta animeta voko mela, ni vo o katimelani anime voko Tabu ama Auvana animeko bulo kale tu kota omadeuvo koko mamola jari ko elo tu ko melai kerukerueko kiadama mauruto vo tova o katimelo ama anime.

2 Koriniti 6:7

eṉeko kai bazuto kale ko tuvevo ama bazu, ni vo Baṉara ko pizato kale. Ko sidopu ama saevo ikio eṉeko okotoma vakovako tu ṉe qati pazokinio kiadama kana poso.

Qelesia 3:14

Ni vo Karisito ta soa mela vou o mela eve tu vo Baṉara ko mauruto Ebarahami kasi leveleveo o ikema ta ko barolo se pui Jiu amu kasi vo Jisu Karisito kale kude. Ni so inio animeta me voa vo Baṉara leveleveo o iveni Tabu ala Auvana animeko vai oqu kale vo Karisito.

Epesasi 4:21

Ako aṉata aqai nianiia ta me ṉavi nio me viqe sole voko bazu, ni meta vo tona me eve, sole aqai nianiia ta meta me viqe ko tuveano. Ni matu tuvevo ako voa tuveano ta vo Jisu inio sole.

Epesasi 4:30

Ni meta pui duki me ivou vo Tabu ala Auvana, ako vo inio vo Baṉara vo mamola me o melai ṉeamukani sole. Ni vo Baṉara ta o katimele me voa Auvana tu kasa o ikou ta vo Baṉara ta o rupasimelou me komi ko kuevako taku kale.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

2 Timoti 2:15

Ṉota madoeka tu ṉota matu korokoroti eve vo Baṉara ko kelokelozato kale. Ṉota ṉo qorotikou kai bazubazuto ko tuvevo ama Baṉara ko bazu tu ṉota kala iruruputo ko maba ṉa pui ṉo quratani ṉa ṉoko iruruputo kale ṉo elou.

2 Timoti 2:19

Melai vo Baṉara ko maba poso ko vinavina kama vola vo Baṉara lula o erekema ta puliala o rovea vezokiko, ni ko topi ta ko rikiziake komia pesio: “Vo Baṉara ta omai nianiia o ṉaviko madu” ni “Se eṉe inio ko vo Baṉara ko maba madu ṉela kikelani ta ke lilizio ko ruqe ama iruruputo ko ereko kale azo.”

2 Timoti 3:15

ni so keru ṉo siloa laṉa keru azo ṉota lula ṉoqai nianiiovi ko Tabu ama Riki poso, koko roveako kasa ṉa iko koa keve, koko pakieṉo ama ṉo Jisu Karisito vai oqu kale.

Taitasi 2:11

Ako vo Baṉara ta lula kasa o ike voko pakiezato sama roquano tu kiadamu ta ke pakio.

Hiburu 2:3

So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

Jemisi 1:21

So sole meta vaekomo kiadama kuna kama kalo ni kiadama ruqe ama iruruputo. Katiziomo Baṉara kasi ni ṉeamukomo ko bazu vo o papakako meko bulo kale, koko roveako pakiemelo me.

1 Pita 2:10

Ako lulavo meta pui vo Baṉara ko maba poso mela, ni meta pui meba kai nianiiovi vo Baṉara ko tauvezato sama roquano, melai erisaṉa meta voko mela, ni meta me qoa voko tauvezato sama roquano sole.

Kelokelozato 7:2

Ni aṉata mata a veake kala pado mateana ṉaniu ko peatakoi vasi azo obeta kuevani vo saevola Baṉara ko kejo sate. Vota oma velavelaoke sea ariku mateana madu matuma kora kale vo Baṉara o katimeni ko pizato tu seta ke niumaeko ko peuru ma peuru ni rokasana.