Epesasi 1:1 - BAṈARA KO VAIRU AMA LEVELEVEO

¹ Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.

Epesasi 1:1 교차 참조

Luke 16:10

Vo kerula o evani silo ama quli kale ta kerula o elou matuma quli kale; vo saqaiqara o evani silo ama quli kale ta saqaiqara o elou matuma quli kale.

Iruruputo 16:15

So sole ko ni se koko pade kale ke evani ta ke bapitaiso puivake, ni koko tova kota ko paseṉelake eṉe, ni eri kikolake, “Kuemo ni pa emo saita aṉako pade kale, aṉata tuvevo avole a duvevo puevani lala vo Lekasa kimela ta!” kikolake. Ni kota ko ṉelai matu titiake eṉe sole eṉeta ṉe olake koko pade kasi.

Iruruputo 18:19

Ni seta ke varerikake Epesasi, sai vo o vaekekoi Pirisila ni Akuila. Sai nio vota o amaqeake se Jiu amu ko ilusato ko pade kale ni o mati pesipesitake se Jiu amu.

Iruruputo 18:21

Melai voko uluemo kale se vota eri kiolake, “Vo Baṉara ko vato ko elou ta aṉata a vaitou mekasi,” kiolake. So sole vota ota tadaoke Epesasi azo.

Iruruputo 9:13

Nio vo Ananaiasi ta o opatake ni eri kiolake, “Lekasa, matu kubo maba madu ta lula kevai bazuta nea maba aṉa kasi ni kiadama tapata poso vo o erekako ṉoko maba madu kasi Jerusalema ke evani kasi.

Romu 1:1

Ana ta Paula lala kala pado nabulu lala vo Jisu Karisito vo ni kala pado apositolo vo Baṉara o nokaeleni lala ni o pitoeleni lala ni o soroeleni lala kai bazutole ko Uri ama Bazu.

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

1 Koriniti 4:12

ni eṉeta ṉe ereka ko ṉase kale ama iruruputo. So keru mauluto ko ṉela loa keru, eṉeta ṉe besieka ko mauruto, ni so keru niumaniumato kale ṉe eva keru, eṉeta ṉe ibua,

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.

2 Koriniti 1:1

Aṉa Paula lala, vo Baṉara lula o pitoeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Timoti sase mea Baṉara ko lotu qoqono me Koriniti peuru kale me evani mela kasi, ni mata mea kiada mela vo Baṉara ko maba madu mela sai Akaia ranama peuru poso kale me evani mela kasi.

Qelesia 1:1

Aṉata apositolo Paula lala, aṉata pui maba kopa pitoeleni lala tu apositolo a elo. Melai aṉata vo Jisu Karisito ni Baṉara animevo Mama inio qo pitoele tutumazi avole tu apositolo a elo. Ni vo inio voa Baṉara vo o saeviveni vo Jisu voukale azo.

Qelesia 3:26

Ni vai oqu kale vo Karisito inio mea kiada mela ta vo Baṉara ko meqora poso mela.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

Qelesia 3:9

Ni vo Ebarahami ta okai oqui koa bazu ni voko oqu kale inio vota mauru ota eve. Ni erisaṉa melai oqu samu inio mauru ke evani omadeuvo vo Ebarahami ta mauru o eve jari.

Epesasi 1:15

Sokale avo inio aṉata a qerukeruemela me kiada keru aṉako vararaito kale, ni aṉata a qaseka aṉako uriavo vo Baṉara kasi mekale avo. Ni kiada keru aṉata soa vararaito a eve so keru a viqe keru azo meko vai oqu vo Lekasa Jisu ni meko roquemo kiadama vo Baṉara ko maba madu.

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Epesasi 2:13

Ni koa taku meta matu vaṉa mela Baṉara kasi azo, melai erisaṉa vo Jisu Karisito ko voukale inio meta sipole o imela Baṉara kasi.

Epesasi 2:6

Ni animeko omadeu vati elo vo Karisito kale vota o saevimele anime vo Karisito sase ni vota o papuemele anime lekasa puole vo Karisito sate aukale.

Epesasi 6:21

Aṉata a joroeva vo Tikikasi mekasi, vo anime me roquevani lotu visi. Ni vota kala kerula kala nabulu vo Baṉara ko iruruputo kale. Ni vo inio o melai bazuekou kiadama quli koko ereivako aṉa kasi. So inio meta melai nianiiovou aṉa ni loma ikio aṉa a erekako.

Kolosi 1:2

Aṉata a joroeka komia leta me Kolosi peuru kale amu mela kasi vo Baṉara ko qoqono mela kasi, eṉeko kerula kama tamania kale amu mela, lula omadeu me evani mela vo Karisito sase. Eqeta qe vararaita tu vo Baṉara animevo Mama ta o katimelou ko tauvezato sama roquano ni bule.

Kelokelozato 17:14

Ni seta ke vati pazokiniou vo Sipi Meqora, melai vo Sipi Meqora, ni se o nokaemeni ni o pitoemeni ni se piza kama oqu samu ke luluevani vo, ta ke koqotaemou se, ako vota piza kala Lekasa kiadama lekasa poso azo ni vota piza kala Aikovakova kiadama aikovakova poso azo sole,” kiolake vo mateana.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.