3 Jone 1:10 - BAṈARA KO VAIRU AMA LEVELEVEO

¹⁰ Melai so keru a ṉavi a qilou keru, inio avai kuirikou vo Daeoterapesi o erekako quli. Ako vota o lipalipata ni o ruqe kasela sole aṉa. Ni pui koko kiada ikio o erekako, melai vota ota lupaova tu tauvemo se pakepakeo maba madu se keva iruruputani vo Karisito. Ni so jari vota o dokolima sea maba madu se kekai zariani tauvemo se, ni o kupema lotu qoqono kale azo.

3 Jone 1:10 교차 참조

Luke 6:22

Meda zoleiva tisoiko so keru se maba madu ke melai kideipou keru, ni ke kupemelou keru me, ni ke maulumauluemelou keru, ni ruqea mela mela kikevou keru meko luluelo kale avo aṉa maba a eveni lala!

Jone 9:22

Voko mama ni niania ta so kiqolake, ako nioqata qota ma ṉake se Jiu ama tanatanamu sole. Ako se inio lula ke nakatikani vo Jisu ta vo Baṉara o soroevani Pakio kio okai eraeraovo ala ta keta va kaitikou voko zomano ilusato ko pade kale kio sole.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

2 Koriniti 13:2

Aṉata aqa zaria tu kaseko mekasi me lula me jaruini mela kasi, ni mata kiada mela kasi lula a qasekema quli aṉako omuqama soipimelo keru me. Melai aṉata mata aqa zaria tu kaseko vairutu puliako aṉa mata kilo mekasi, ko eri: aṉako mata vaito keru ta puliala ta opa taka soqoilou ko koqotato.

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

2 Jone 1:10

Ni kala maba ta o kilou mekasi, ni okai nianiiekatou edoloma nianiiekato, pui vo Karisito ko nianiiekato jari ama, ta pui me zarievou tu o kilou meko pade kasi, ni pui me baroekivou vo.

2 Jone 1:12

Matu kubo quli kio aqai zaria melai bazueko, melai pui aqai zaria tu melai bazueko rikito kale. Melai kama taku inio aqa zaria tu a qilou a ṉavi ni aba soipimelou, so keru inio animeta me uria pesipesitou omadeukoi. So inio meta me uria zoleilou.

3 Jone 1:3

Ako kake aniqeko lotu tamania kale amu ta ke kuevi ni kelai bazueke sole ṉoko lulueko ko tuveano ṉoko saevo kale. Ni ko ikio ko matu zolela aṉa.

3 Jone 1:5

So sole a baerebaere, matu uri ṉota ṉobeta ola tauvemo se pakepakeo lotu maba madu, ni so jari se ṉo pui ṉomai nianiiani melai ṉo dauvema.