2 Timoti 4:21 - BAṈARA KO VAIRU AMA LEVELEVEO

²¹ Matu madoeka tu ṉota kua puliako sarosaroro ko taku baro. Iubulasi, Pudenisi, Laenasi ni Kolodia ni so jari sea kiadamu se koizama lotu maba poso ta ke soroeka seko roquano ṉokasi.

2 Timoti 4:21 교차 참조

Luke 12:58

Esa kala ta o ṉati ziovou ṉo titizato kale, ṉota vati korotika koa tapata vokasi puliako qe barolo titizato kale. Melai pui ṉo qorotikou ko tea, vota o ṉati ziovou inio ṉo titizato ko maba kasi, vo o vaeṉo ala ṉo vo pulisi ko ṉase topi, vo o vaeṉo ala ṉo pirito pade kale.

1 Koriniti 16:20

Seko roquano mekasi kikela sea kiadamu se koizama lotu tamania. Meta toraekiniomo muli tabu ama roquano kale.

2 Koriniti 13:13

Sea kiadama animeko lotu baerebaere poso se koi ke evani ta ke soroeka seko roquano mekasi.

Pilipai 4:22

Ni so jari kiadama vo Baṉara ko maba madu koi ke evani melai kebe kerukeruemela me, ni matuvole seke kerukeruemelani ta seke iruruputani vo Romu ala Matu Aikovakova ko pade kale.

2 Timoti 1:4

Aṉata a qerukerueka ṉoko deumu, ni aṉata aqai matu zaria tu ṉelo ṉo, so inio aṉata a zoleilou.

2 Timoti 4:13

So keru ṉoṉo qilou keru ṉota ṉo qati kilou aṉako topia sabosabo sai Toroasi peuru kale a vaekema Kapasi kasi; ni so jari ṉota ṉo qati kilou ko buka poso ni matuma quli ta ṉo qati kilou koa biaṉa ko tupu kale ko ereima buka poso.

2 Timoti 4:9

Matu madoeka taukavole kilo aṉa kasi.

Taitasi 3:12

Aṉata a joroevou vo Atimasi, ma esa vo Tikikasi ṉokasi, ni so keru vo o barolou keru ta ṉota ṉo matu madoekou kilo aṉa kasi Nikopolisi peuru kale, ako aṉata lula a bitoeka tu a baloasiko ko sarosaroro ko taku sai.

2 Jone 1:13

Noko pitopito ama visi vo Karisito kale ama ko meqora poso ta ke soroeka seko roquano ṉokasi. A baika.

3 Jone 1:14

Melai sipole inio abe ṉai kilou soipiṉole, kiala nio omadeukoi qe uria pesipesitou.