2 Timoti 3:2 - BAṈARA KO VAIRU AMA LEVELEVEO

² Ako koa taku kale maba poso ta ke ṉavi ke kerukeruilou, ni ke vailivailikou ko takula, ni ke aikailou, ni ke rauraraurailou; seta keta ruqe pesiovou, ni pui kepa zorimou seko mama ni niania poso, puliama seko kaseko seko uriavo, ni seta Baṉara ko bazu ke bikoirikani maba madu;

2 Timoti 3:2 교차 참조

Matiu 15:6

So sole meko mati nianiiekiko se maba poso me ṉaviko vikuvikula bazu kale inio meta me bazoka vo Baṉara ko Bazu.

Luke 12:15

Ni vota eri kiolake sea kiadamu kasi, “Kati vailomo tu pui viluloqu elo, ako vo maba ko tuvevo ama saevo ta pui kubo kama ma kama vo o ṉeamukako kale inio ko eva sole.”

Luke 16:14

Nio so keru se Parese madu ke viqa keru kiadama soama Jisu ko rukuruku poso seta ke taniekake vai balebaleito vo, ako seta ke roquekake ko batiro sole.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Iruruputo 5:36

Kerukeruekomo so keru Tiudasi kasa o eve keru, vo o raurarauraini ta vota matula maba kioveni, ni ariku paizana maba tiniavo ta ke luluevake vo. Melai vota ke vouvaevake ni seke lulueveni ta keta birebireike ni vo o erekema quli ta kota vouvake.

Romu 11:18

So sole ṉota pui mai kedu seke lopaini omadeuvo koa kata poso koko lopaivako jari. Ṉota pui ṉo male tu ṉo aikailo. Ako ṉota kala pado kata ṉa inio sole; ṉota pui ṉo dauveka ko ore ko tataiqili—melai ko tataiqili kio kobe tauveṉa ṉo.

2 Koriniti 5:15

Vota o vovi kiadamu kaqe tu kiadamu seke koani ko saevo vo o puarikako ta ke epezou saevo ke ṉaviko zario kaqe, melai vo kaqe inio seta ke saevou, vo lula oma vovini ni mata oma tova saevani voukale azo.

Pilipai 2:21

Ako kake maba poso ta ke ṉaviko zario pala ikio ke kerukerueka sole melai pui ke kerukerueka vo Jisu Karisito oka zariani.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

2 Tesalonaika 2:4

Vota o matu kanaevou vo Baṉara ni o ṉavi ta ota rauraraurailou kiadama quli maba poso baṉara ka kikelako quli azo. Ni vota o amaqeovou komia miduku kale ama Jelepade vo Baṉara ko kale ni o papuvou sai tu okai rairiziovou ta vo inio vo Baṉara.

1 Timoti 1:20

Kainioqa sea maba poso kalea nioqa ta Hemeniasi ni Alekezada inio. Nioqata lula aṉa a qoqotaekeni nioqa nioqako pakeko kale vo Setani ko pizato kale, tu komia keve kale kude nioqata qo paqumukou tu pui ruqe kasevo qo elou vo Baṉara.

1 Timoti 1:9

Melai ko male tu kerukerueko ko eri, Mosese ko Bazu ta ko kasei, tu pui se sidopu amu kaqe, melai kota se bazu ke bikoirikani ni se ruqe amu, ni se pui tuvevo ama auvana kale ama saevo samu, ni seke vouvaemani seko mama ni niania poso, ni seke vouvaemani maba poso kaqe inio,

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

1 Timoti 6:10

Ako takula ko roqueko ta kiadama ruqe ko raki sole. Kake maba poso se lula matu piza ke evani takula ko vailiko kale ta keta epeiva oqu kasi azo, ni kokale kude inio kubo upotuqu ta ko duki pueka seko bulo poso.

1 Timoti 6:4

ta o utu aikaivani pala ni pulia quli ka supi vota o paqumuka. Voko sarusaru ama vatolo kale inio vota okai zolizolita ni okai aivepata koa rukuruku poso; komi ta kama konoilo, ni kasekasekinio, ni riqaekinio, ni ruqeruqe ama mamuro ko lainizato,

2 Timoti 3:4

seta pui kerula kamu, ni puliako kerukeruto ke erekani ko ruqe, utu aikailo ko maba madu, ni ke roquekani ko utube ama zoleilo ko quli vo Baṉara ko roquevo kale azo;

Jemisi 2:8

Meta me zorikou tuvevo avole vo Baṉara ko lekasa puo ko bazu, koko kaseivako Tabu ama Riki kale, ko eri, “Meta roquemomo kiadamu omadeuvo me ṉavi me roquiva jari,” ko ikio ko sidopu ko ereko.

Jemisi 4:16

Melai erisaṉa meta meqai zoleiva meko nakanakati kai rauraraurailo ni aikailo. Koa rauraraurailo poso ta ruqe ama.

Jemisi 4:6

Melai ko tauvezato sama roquano vo Baṉara o puarikako ta kobe kai paloasa koa ṉaloṉalo ama vatolo, Tabu ama Riki kikolani jari, “Baṉara ta seke aikaivani vo kana, melai seke zarazaraivani ta o katima ko tauvezato sama roquano.”

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”

2 Pita 2:10

Ni koa koqotato ta matuvole komai barolou se ruqe ama kalo kebeta erekatani, se ke ṉaviko ruqe ama tupu ko zario ke luluekani maba poso, ni se kekai kaikuapani vo Baṉara ko bazu. Nia lipalipa kama nianiiekato ko maba poso ta ke ereka ke ṉavi keka zariako quli ereko ni kekai aikaiva koa kalo. Ni seta pui ke ṉava ruqe kasemo se aukale ama mateana madu.

2 Pita 2:12

Ako nia maba poso ta ke ruqe pesia seko pui nianiio kale, ni seko kalo ta ko vaerako biaṉa kerukeru pide ama ko kalo jari, koa biaṉa koko alila tu ko sipatio ni ko vou kaqe pala. Ni koa piru ama biaṉa jaria vouvaemo inio ke elo avo se lipalipa kama nianiiekato ko maba poso.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.

Kelokelozato 13:1

Ni aṉata a veake kala pado matu biaṉa vo o puratani ivere ko omele azo. Vota toni sotasota sala ni sikeura lezu ala. Koa sotasota poso topi ta lekasa ko tarapae sala, ni koa lezu poso ta ṉi poso kokai rikiziako koko perivako vo Baṉara tu maba poso ta ke ilusivo voa biaṉa ni pui ke ilusivo vo Baṉara.

Kelokelozato 16:11

ni seta ke ruqe kasevake vo aukale ala Baṉara seko potu poso ni seko tola kale avo. Melai seta keta lupaoke lilizio seko sarusaru ama kalo kale azo.

Kelokelozato 16:21

Ni matuma aisi lado poso, ko sike toni kilo koko duki poso sama ta ko piake maba poso topi. Nio seta ke ruqe kasevake vo Baṉara koa aisi lado kailokailo ko ave kale avo, ako koa ave ta matu ṉaloṉalo ama sole.

Kelokelozato 16:9

Maba madu ta ke siqaike voko ṉaloṉalo ama soperato kale, seta keta va ruqe kasekake vo Baṉara ko ṉi, koa seko tola ni potu poso ko pizato sala. Melai seta pui ke liliziake seko sarueko poso kale azo tu kevai ilusiko voko raurailo.