2 Timoti 3:16 - BAṈARA KO VAIRU AMA LEVELEVEO

¹⁶ Kiadama Tabu ama Riki poso ta vo Baṉara ko vatolo kale inio ko rikiziovi, ni kota piza kama iruruputo ko lomaloma Baṉara ko tuveano kai nianiiekato kale. Ni koa Tabu ama Riki poso ta ko riqaeka ko lipalipato, ni kota ko sidopu pueka ko sarueko poso, ni kota ko puarika ko bazubazu sidopu ama elo ko.

2 Timoti 3:16 교차 참조

Matiu 13:52

Nio Jisu ta mata eri kiolake sekasi, “So inio kiadamu vo Mosese ko Bazu ko nianiiekato ko maba poso se kekai nianiiani ko vairu ama nianiiekato vo Baṉara ko lekasa puo ko, ta vo pade sala jari vo o saqorikani voko lomaloma vairu ama ni tana kama voko lomaloma o tukiekakoi kazo.”

Matiu 21:42

Nio Jisu ta mata eri kiolake sekasi, “Sole meta pui me ataeka ko ikio ko Tabu ama Riki kikovevo? Ko eri kikelako, ‘Koa lado se pade ke erekani kekai keduima pui uri ama ka kikevema, ko ikio erisanama qulepo ama pade ko lado kiadama lado poso azo. Kota vo Baṉara inio soa ereko o eve ni matu aqasiele koko uria kelo,’ kikelako.

Matiu 22:43

“Ta noi sole inio vo Devita ta vo Baṉara vo Auvana kale ‘Aṉavo Lekasa’ va kiolake voa Pakio? Ako eri kiolake sole vo Devita,

Matiu 26:54

Melai kota pui so kopa kalou, ako so ko kalou ta ko Tabu ama Riki kikovevo ta pui nio tuvevo kopa elou sole,” kiolake.

Matiu 26:56

Melai komi quli koko ereivako ta se poropita madu ko riki kikovevo ko tuvevo puilo sole,” kio ke viqake, nio sea kiadama disaipeli madu ta keta va soqoike.

Maka 12:24

Nio vo Jisu ta eri ma kiolake se, “Meta meda saruiva meko kerukeru kale, ako meta pui meqai nianiia ko Tabu ama Riki kikovevo, voukale azo mata saevo ko bazu, ni Baṉara ko pizato melai pui meqai nianiia sole.

Maka 12:36

Melai Tabu ala Auvana inio o kativake ko kerukeru vo Aikovakova Devita ti vota eri kiolake o kera kale, ‘Vo Baṉara ta eri vati kiolake aṉavo Lekasa, ṉota papi aṉako palo rana tu ṉo lekasa puo, ti kobeta barolou so keru aṉa a vaemou keru kiadama ṉoko kana poso ṉoko pizato kale.’

Jone 10:35

Animeta me baqumuka ta ko Tabu ama Riki kikolani ta tuvevo avo kiada keru, ni koa riki kikolani ta vo Baṉara ta omai nokaeke seta baṉara poso, sea maba poso seke koeni voko bazubazu.

Jone 3:20

Ako kiadama maba poso se boutare ke erekani ta kevai kideipa voa zakaremu ni seta pui kepa kilou voa zakaremu kasi, ako seta pui kasa ke ika seko ruqe ama kalo poso sole.

Iruruputo 1:16

“A baerebaere poso mela, Tabu ama Riki kale ko kaseima quli ta lula tuvevo kota eva Tabu ala Auvana o kasekema Devita kale kude, vo Jiudasi ko pidokivo kale, vilua pikopiko oma eveni se Jisu ke noqoeveni. Ni kota ko malezikake ni so ko kake, ako Tabu ama Buka kale ama pidokato ta ko puratika kiada keru koko epa sole.

Iruruputo 18:25

Ni vota kevai uria nianiiekikeni vo Lekasa ko keve, ni matuma lainizato sate o bazubazutani ni sidopua kai nianiiekato okai evani vo Jisu ni voko kalo. Melai Jone ko bapitaiso ko kiada ikio vo okai nianiiako.

Iruruputo 20:20

Meta meqai nianiia ta aṉata pui aba tamela kaitike kama tauvezato sama quli so keru aṉa a bazubazute keru ni a nianiiekate keru meko padoilo kale ni me ṉaviṉavi ko pade poso kasi.

Iruruputo 20:27

Ako aṉata pui aba lupaovi kaseko vo Baṉara ko pado ama vatolo mekasi sole.

Iruruputo 28:25

So sole seta keta zolizoliekiniake, nio Paula ta o kasevake matu tovatovala quli sekasi, ni eri kiolake, “Vo Tabu ala Auvana ta uria kaseko o evake vo poropita Aisea ko riki kale ko tuveano meko taite poso kasi. Ako vota eri kiove sole, ‘Ola ni eri pa kive nia maba poso kasi: Meta viqo ti viqo me elou, melai pui meba paqumukou; ni meta kelo ti kelo me elou, melai pui meba patapataekou. Ako nia maba poso ko bulo ta zokele ke ikou sole, ni seta ke sutamukou seko taliṉa ni ke imadikou seko vilu tu seko vilu ta pui ko kelokelozatou, ni seko taliṉa ta pui ko viqaviqazatou, ni seko bulo ta zokele ko elou, melai pui so tea seta keta vaitou nio aṉa kasi, kiolake vo Baṉara, ni aṉata a urikimo inio se,’ ka kiovema.” Ni Paula ta o paikake pesio voko eri kio kale: “So sole meta paqumukomo ko eri; vo Baṉara ko pakiezato ko bazubazu ta lula ko soroiva pui Jiu amu kasi. Ni seta ke roveovou viqo ko!” kiolake. Ni voko so kio ko tova inio seta ke tanitake zio seko matuma zolizoliekinio kale ke ṉavio kude.

Romu 15:4

Kiadama quli koko rikiziovima Tabu ama Riki topi ta ko rikiziovi tu kota ko nianiiekimelo anime, tu animeta me ṉeamuko ko noqola kama saevo ko keru, koa pizaka lojo elo kale ni koa zuvarato kale Tabu ama Riki ko katimelako.

Romu 2:20

meta vakakato ko maba mela se nianiiekato pide amu kasi, ni nianiiekato ko maba mela se vairuvairu amu kasi, kimela. Mosese ko Bazu kale ta meta pado ama nianiiekato ni tuveano samela, kimela.

Romu 3:2

Tuvevo kota matu uri ama quli tu Jiu elo! Ako se Jiu amu inio vo Baṉara o mati keruini o ṉaviko bazubazu sole.

1 Koriniti 12:7

Vo Tabu ala Auvana ko pizato ta ko purata azaazama keve kale omaomadeu kale kude tu vota o tauvemelo kiadama lotu qoqono mela.

Qelesia 3:8

Ni ko Tabu ama Riki kale ta ko pidokiovi mata vo Baṉara ko sidopu puemo se pui Jiu amu seko oqu kale. So sole ko Uri ama Bazu ta ko pikairiovi Ebarahami kasi, ko eri kikovema, “Ṉokale inio kiadama toutou poso ta mauru keta elou,” kikovema.

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.

Hiburu 11:1

Oqu saṉa elo ta kai nianiio animeko ṉeamuko ko quli anime meqai keruako tu me qovo, ni kota kai nianiio ta tuvevo ama quli kio ko anime pui me qeako quli.

Hiburu 3:7

So sole animeta me viqou vo Baṉara vo Tabu ala Auvana ko pesio kikolani, “Meta me viqou vo Baṉara ko pesio vairutu,

Hiburu 4:12

Ako vo Baṉara ko pesio ta saevoma ni piza kama, ni kota kokai paloasa ko omuqa rana ivoivo ama benisi ko ivo. Kota tutumazi avole ko jataeka omele ama saevo ni auvana maba ko saevo kale ama. Kota kasa ko ika vo maba ko mutamuta kama vatolo ni kerukeru poso voko bulo kale ama.