2 Timoti 3:12 - BAṈARA KO VAIRU AMA LEVELEVEO

¹² Ako kiadamu seke madoekani tu ke uria luluevo vo Jisu Karisito seko sidopu ama kalo kale ta ke toraekou ko naqunaquto,

2 Timoti 3:12 교차 참조

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Matiu 23:34

So inio aṉata a bazuemela me, aṉata a joroemou se poropita madu ni se nianiioma maba poso ni seke nianiiekatani mekasi. Melai kake ta me vouvaemou ni kake ta me batoemou korosi topi ni kake ta me bazomou ilusato ko pade kale ni me butuemou peuru kale azo kama peuru kale.

Maka 10:30

ta vo Baṉara inio ova besiekou ko komia peuru ma peuru kale, ni vota o ṉeamukou omadeu paizana vole ko pade, ni voko tamania, ni voko niania, ni voko meqora poso, ni miduku. Melai naqunaquto ikio mata obe toraekou. Ni koko kilo ama taku kale voa maba ta o kovou ko noqola kama saevo.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Jone 17:14

Aṉata a qatime ṉoko bazu, Sokale avo inio se maba poso ta kemai kideipa se, ako seta pui komia ruqe ama peuru ma peuru ko madu sole, omadeuvo aṉa melai pui komia ruqe ama peuru ma peuru ko lala jari.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

1 Koriniti 15:19

Animeko vai keru vo Karisito ta ko tauvemelou anime komia miduku kale ama saevo kale pala tea, animeta maba matu olaquavoa mela inio kiadama maba poso azo.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 4:9

matu kubo kana poso ta ikoana, melai eṉeta vo ṉe baerebaere satea ṉela; ni kama taku eṉe ta matuma tabi ṉe eva, melai eṉeta pui ṉe vouva.

1 Timoti 2:2

tu me mati vararaitou se lekasa poso ni sea kiadama maba poso se qavuna ko pizato samu, tu animeta uria elo me elou vo Baṉara ko tava paṉao ni maba madu ko tama paṉao kale.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

1 Timoti 6:3

Vo okai nianiiekatani ko edoloma lotu ko bazu ko pui ko luluekako vo animevo Lekasa Jisu Karisito ko pesio kikolani ni pui ko kati korotako vo Baṉara ko tava paṉao

Taitasi 1:1

Aṉa Paula lala, Baṉara vo nabulu ni kala pado vo Jisu Karisito vo apositolo lala, ta a rikieka komia leta. Vo Baṉara ta o pitoele ni o soroele aṉa tu a dauveko voko maba poso ko oqu ni amai nianiiekiko se koa tuvevo ama nianiiekato, koko odiemo ama uri ama lotu saevo kale.

Taitasi 2:12

Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

1 Pita 3:14

Melai seta tapata ke imelou meko sidopu ko ereko kale avo ta, meta matu maurumaurua mela inio. Vo poropita Aisea kiovevo jari, “Meta pui meda va ṉalou kala, ni pui tiṉoliṉoli me elou.”

2 Pita 3:11

So inio kiadama quli ta kota ruvurou, so sole meta noni ama maba poso mela inio me elou? Meta me jaevou tabutabuo ko saevo kale ni meva iruruputou vo Baṉara.

Kelokelozato 12:4

Ni vota o rajaekake matu kubo suti poso, zoukezouke suti kale azo inio omaomadeu suti o rajaekake, ni o risaekake miduku kale. Voa matu dole ta o lojoake koa rekoreko ko kuleto tu vota ota ka vuo kovo meqora eria alilivo ko elou ti.

Kelokelozato 7:14

“Tanala, aṉata pui amai nianiia,” va kialake. Nio vota eri kiolake aṉa kasi, “Ni nio sea maba madu se lula ke pakiziani koa matu tapata kama niumaniumato ko poro kale azo. Seta lula vairu ke ika seko rosia sabosabo poso ni seta lula tapo ke ika vo Sipi Meqora ko vou ko dara kale.