2 Timoti 2:7 - BAṈARA KO VAIRU AMA LEVELEVEO

⁷ Ṉota kerukerueka so aṉa ṉa kialani, nio animevo Lekasa ta oṉa zakaremu puekou koa kiadama.

2 Timoti 2:7 교차 참조

Luke 21:15

ako aṉata a qatimelou me ko pesio ni uri ama kerukeru sole ko puliala kala pado mevo kana opa roveovo ama lipato tamela iko ni tamela tizaeko.

Luke 24:45

Nio vota oma veukake seko kerukeru tu seta ke paqumuke Tabu ama Riki poso kikolani,

Luke 9:44

“Meta pui ukaka me ikou ko quli aṉa a melai bazueko ama quli me! Eri nio: aṉa maba a eveni lala ta ke vaelou se ruqe ama maba poso ko ṉase topi,” kiolake.

Jone 14:26

Melai vo Tauvezato, vo Tabu ala Auvana, vo Mama o soroevo ala aṉako ṉikale, ta o melai nianiiekikou kiadama ko quli ni o melai kerukeruekou me kiadama ko quli ko aṉa lula a melai bazuekako me.

Jone 16:13

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Iruruputo 7:10

ni vota o patoevake vo kiadama voko tapata poso kale azo. So keru vo Josepa o loje keru Ijipi ala aikovakova ko tanama kale, Baṉara ta o kativake zoleilo sama kalo ni nianiio vo Josepa ni vota o zolevake vo aikovakova. So sole vo aikovakova ta qavuna o ivake vo koa pado ama Ijipi kale tu o kati vailo kiadama saizama peuru poso, ni mata kiadama iruruputo o ṉavi aikovakova ko pade kale ama melai vo Josepa inio o kati vailake.

1 Koriniti 12:8

So inio vota o kativa kala ko pizato tu o kaseko ko uri ama kerukeru sama bazu. Mata kala maba ta voa omadeula Auvana ta o kativa ko pizato tu o kaseko ko bazu Baṉara kasi azo ama nianiio sama.

Pilipai 4:8

Ni koko tovatovama quli a visi poso mela, meta sukatikomo meko kerukeru uri ama quli kale ni koko male tu meqai raurailo ama quli. Kerukeruekomo ko tuvevo ama bazu, ni raura kama ṉi, ni sidopu ama kalo, ni bulebule ama saevo, ni ileile ama quli, ni paṉao sama kalo.

Kolosi 1:9

Sokale avo inio eqeta qe melati vararaita me vo Baṉara kasi so keru qeta mela viqe keru azo meko bazu, qe paseva tu meta meqai uria nianiiovou voko vatolo kiadama voko auvana kale ama nianiio ni paqumato kale, vo o katimelako me.

1 Timoti 4:15

Ṉota dikidauputole ereka komi quli, tu kiadamu ta ke ṉelou ta ṉota ṉobeta ola pizato ṉoko odikato ko iruruputo kale.

2 Timoti 2:6

Ni mata meqai nianiia anime vo papato ko maba vo lula o erekani matuma iruruputo inio o male tu o kovou ko kuleto ama epa.

2 Timoti 2:8

Ṉota kerukerueva vo Jisu Karisito, vo o saeveni voukale azo, vo Aikovakova Devita ko vikuvikula kale ala, vo o kaseivani Uri ama Bazu kale ko aṉa aqai bazubazutako.

Hiburu 12:3

Meta kerukeruevomo vo Jisu, vo pui opa lupaovini tu vota o tolailo koa tola vo o koema tola se sarueko sama maba madu ko ṉase topi se kevai kideipeni vo. So sole meta pui duki ni koqo elo meko bulo poso kale.

Hiburu 13:7

Kerukeruemomo sea kuleto ama odikato ko maba poso seke kasekeni vo Baṉara ko bazu mekasi. Kerukeruekomo seke evevoa saevo ni vou, ni tuvevo puevomo vo Baṉara seke ivevoa tuvevo puevo vo jari.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

Hiburu 7:4

Kerukeruekomo Melekizedeki ko matu raura elo. O ṉavi Ebarahami animevo kulekuleto ala taite melai o roveake pitasiko kiadama quli vo o koema pazokinio kale nio o kativake koko toni ama.

Jemisi 1:5

Melai kala me azo ta Baṉara ko raura kama nianiio pide o elou ta, vota o vararaitou Baṉara kasi, nio vota o kativou ko, ako Baṉara ta o puarika ko voko puaropuaro ama iruruputo ni zoleilo kale kiadamu kasi.

Jemisi 3:15

Soama kalo ta pui ko kuevako vo aukale ala Baṉara kasi azo. Kota se komia peuru ma peuru kale amu vo Baṉara ke vaevani maba poso ko, kota ziolo poso kasi azo ko kuevako.

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.