2 Timoti 2:2 - BAṈARA KO VAIRU AMA LEVELEVEO

² Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

2 Timoti 2:2 교차 참조

Matiu 13:52

Nio Jisu ta mata eri kiolake sekasi, “So inio kiadamu vo Mosese ko Bazu ko nianiiekato ko maba poso se kekai nianiiani ko vairu ama nianiiekato vo Baṉara ko lekasa puo ko, ta vo pade sala jari vo o saqorikani voko lomaloma vairu ama ni tana kama voko lomaloma o tukiekakoi kazo.”

Matiu 24:25

Sole meta didielomo, ako aṉata a melai bazueka komi quli puliako koa taku barolo.

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

1 Koriniti 4:2

Ko quli koka zariako quli nabulu poso kasi ta seta kerula kamu ke elo seko lekasa madu kasi.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

2 Koriniti 3:5

Eṉeta pui ṉe qaseka ko eṉeta ṉe rovea ereko komia iruruputo ṉe ṉaviko pizato kale. Melai eṉeko bokao ta ko kueva vo Baṉara kasi azo.

Kolosi 1:7

Kota lula meqai nianiiovi vo Epaparasi kasi azo. Vota kala pado eqe kale ala qe matu roquevani nabulu, ni vota ova uria nabuluputani vo Karisito eqeko iruruputo ko tauveko kale.

1 Timoti 1:12

Aṉata a ilusiva vo Jisu Karisito animevo Lekasa vo o pizatilani aṉa aṉako iruruputo kale. Aṉata a ilusiva vo, ako vota o malezilake ni o pitoelake sole tu ava nabuluputo vo,

1 Timoti 1:18

A meqora Timoti, ṉota kerukerueka sea lotu tanatanamu ṉati kikevevo ṉo va nabuluputo kale avo vo Jisu Karisito. Ṉota vakovako ika koa zuvarato sama pesio poso seke katiṉema ṉo inio ṉota uria pazokinio ṉo elou,

1 Timoti 4:14

Ṉota kai irurupute koa bokao vo Tabu ala Auvana o katiṉema ṉo, so keru se lotu tanatanamu ṉase keṉai ivike keru ama.

1 Timoti 4:6

Ṉota katima komia bazu poso sea lotu tamatamania, nio ṉota kala uri ala Jisu Karisito vo nabulu ṉa, ṉo ṉavi ṉo bizatiani ṉa ṉoko auvana kale koa oqu ko pesio kale ni tuvevo ama bazu kale ko ṉoṉo luluekako.

1 Timoti 5:22

Pui jijiro vai iviko ṉoko ṉase kala maba, tu tabu ivo vo Jisu va nabuluputo kaqe. Pui kai zomano ereko edolomu ko sarueko, melai ṉota rurubiatana saevo eve.

1 Timoti 6:12

Matu madoe tu pizate ṉoko oqu ko saevo kale, omadeuvo vo rereo ko maba jari vo oka zariani pizato voziekinio kale, tu ṉo qovou koko mamola, ko ikio ko noqola kama saevo. Ako ko ikio koa noqola kama saevo vo Baṉara lula o ṉati nokaekema ṉo so keru ṉo parani putole kai bazuto ṉo eve keru ṉoko oqu ni kubo maba madu keta ṉa viqe keru ko.

2 Timoti 3:10

Melai ṉota lula ṉo qeveni ṉa aṉako nianiiekato, aṉako kalo, aṉako saevo kale ama zuato, aṉako oqu, aṉako inobe, aṉako roquano ni aṉako pataito,

2 Timoti 3:14

Melai ṉo ṉavi ṉota pizaka noqoeka koa tuveano ko lula ṉo ṉoqai nianiiako ni ṉo matu tuvevo puekako. Ako ṉota ṉomai nianiia sole sea kerula kamu se kekai nianiiekiṉeni koa tuveano,

Hiburu 2:17

So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.