2 Timoti 2:19 - BAṈARA KO VAIRU AMA LEVELEVEO

¹⁹ Melai vo Baṉara ko maba poso ko vinavina kama vola vo Baṉara lula o erekema ta puliala o rovea vezokiko, ni ko topi ta ko rikiziake komia pesio: “Vo Baṉara ta omai nianiia o ṉaviko madu” ni “Se eṉe inio ko vo Baṉara ko maba madu ṉela kikelani ta ke lilizio ko ruqe ama iruruputo ko ereko kale azo.”

2 Timoti 2:19 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Matiu 7:23

Melai aṉata eri kiavou sekasi, ‘Meta maba pui aṉako mela, tu olamo aṉa kasi azo, me ruqe ama maba poso mela.’ ”

Matiu 7:25

Nio ko nioro ta ko pia, ni nioqololo ta ko saqora, ni ururu ta ko buirita ni ko puzeka koa pade. Melai kota pui ko pia, ako kota vinavina kama oruorumu sama sole lado topi.

Maka 12:16

Sole seta ke kativake kama pado koa Romu amu ko takula, ni vota eri kiolake, “Lalako loilo ni ṉi kio komia takula topi ko evako?” Ni seta ke vati tiorikake ni eri kikelake, “Matula Lekasa Romu ala ko,” kikelake.

Maka 13:22

Ako se lipalipa kama Pakio vo Baṉara o pitoemeni kikelani, ni se lipalipa kama poropita madu ta ke podakou ni ke erekou aqasiele ama quli ni ṉavaṉavala kama quli tu ke saruemo se vo Baṉara lula o pitoemeni, kebe mai roveovou ta.

Luke 13:27

Melai vota mata eri kiovou, ‘Aṉata pui a melai nianiia me ni pui aqai nianiia sai meme quevakoi kazo. Olamo aṉa kasi azo, mea ruqe ama maba poso mela!’ kiovou.

Luke 6:48

Vota kala pado maba vo o ereveni kala pade jari ala, vo matu saqoro o ikeni ko soqili ni o papuekeni koko vola lado topi. Ni ko nioqololo ta ko saqorake ni ko ibaekake koa pade melai kota pui ko viliake, ako kota lula uria vinavina ereere ama sole.

Jone 10:14

Aṉata uri ala sipi ko vailo ko maba lala. A Mama olai nianiiani jari inio aṉata avai nianiia a Mama. Ni so jari inio aṉata amai nianiia aṉako sipi poso ni se melai kelai nianiia aṉa. So inio aṉata ama vouvou se.

Jone 13:18

“Aṉata pui mea kiada mela ta soa maurumaurua mela kiala, ako aṉata amai nianiia se sidopu amu aṉa lula a bitoemani sole. Melai ko Tabu ama Riki ko kasekema ta tuvevo ko elou ko eri, ‘Voa maba o kuani aṉako sailao aṉa sase ta o jaṉarilou aṉa voko mauta kale’.

Jone 3:33

Melai kala ta o tuvevo puekou voko bazubazu inio vota o patapataevou vo Baṉara ta tuvevo ala inio.

Iruruputo 11:26

Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.

Iruruputo 15:17

Ni sea kiadama maba poso ta ke kilou aṉa kasi ni kiadamu se pui Jiu amu se aṉa a nokaemeni ta a ṉaviko madu ke elou.

Iruruputo 9:14

Vota o kuela Damasikasi se raura kama siama madu ko pizato ni zariekato sate tu o noqoeṉelo eṉea kiada ṉela ṉo ṉe ilusiṉani ṉela,” kiolake.

Romu 11:2

Vo Baṉara ta pui opa ṉamume o ṉaviko maba madu, se lula o pitoemeni koko tanitanila keru. Meta meqai nianiia Ilaija okai pesiovima quli, koko kasekako kale, so keru vo o olaquapute keru Baṉara kasi se Izireli qoqono mai buzaro kale:

Romu 12:9

Ko roquano ta maba tuvetuve ama ko elou. Kai kideipomo ko ruqe ama quli, ni noqoekomo ko uri ama quli.

Romu 15:20

Aṉako matuma zario ta aṉata aqai bazubazuto ko Uri ama Bazu sai vo Karisito ko ṉi sai pui nio keta va viqakoi zama peuru poso kale, ako aṉata pui aqa zaria iruruputo sai kala maba lula o tanitekoi iruruputo sole.

Romu 15:9

tu se pui Jiu amu melai ke roveo ilusivo vo Baṉara voko akoekato sama roquano kale. Ko Tabu ama Riki kikolani jari, “So sole aṉata a ilusiṉou ṉo pui Jiu amu sase, Aṉata a ilusiṉou ṉo a qera kale,” kikolako.

Romu 8:28

Animeta meqai nianiia ta kiadama quli vo Baṉara ta uria ereko o eva anime me roquevani mela vo kaqe ni anime o nokaemelani mela voko vatolo kale.

Romu 9:11

Melai kala pado meqora nioqʼazo ko pitoilo ta vo Baṉara ko maba vatolo kale inio o pitoi. Baṉara ta eri kiolake koa reko kasi, “Vo kaka kala ta nabulu ova elou vo visi ala.” Vota o kaseke koa pesio puliako nioqa alilo, ni puliako nioqa ereko ko uri ni ruqe; so sole vo Baṉara o pitoeve keru voa maba ta vota pui o nokaeva vo vo o erekako iruruputo ko kio kale, melai o ṉaviko vatolo kale inio vota o nokaeva vo.

1 Koriniti 1:2

mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 8:3

Melai voa maba vo o roquevani vo Baṉara, vo inio vo Baṉara ovai matu uria nianiiani.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Qelesia 4:9

Melai erisaṉa inio meta mevai uria nianiia vo tuvevo ala Baṉara, ma esa matu uri tu eri kiavou, voa tuvevo ala Baṉara ta o melai nianiia me. So sole loma kaqe inio meta mata me vaita koa lekuleku ama ni utube ama bazu kale ko meme luluekema jari ama koko paloasako taku kale? Meqai zaria tu mata mabaku me elo?

Epesasi 2:20

Ni me melai me orumuilou koa vola topi se apositolo ni poropita madu ke erekema. Ni o ṉavi Jisu Karisito inio koko viluabara koa oruorumu ko.

Epesasi 3:15

vo o puratikeni ni omai katikeni koko ṉi kiadama toutou ni tamania aukale ama ni miduku kale ama.

Epesasi 4:30

Ni meta pui duki me ivou vo Tabu ala Auvana, ako vo inio vo Baṉara vo mamola me o melai ṉeamukani sole. Ni vo Baṉara ta o katimele me voa Auvana tu kasa o ikou ta vo Baṉara ta o rupasimelou me komi ko kuevako taku kale.

1 Timoti 6:19

Komia keve kale kude inio seta noqola kama batiro saṉa ke elou ti ke kovou koa noqola kama saevo, koa tuvevo ama saevo.

Hiburu 11:10

Ako vo Ebarahami ta o tarekake koa peuru aukale ama vo Baṉara uria ereko o evema, koa vinavina vola kama peuru.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

1 Jone 2:19

Ni se vo Karisito ko kana madu ta animeko poqala kale ke eveni inio. Melai seta lula ke vaemele ni seko vaemelo ta kasa ko ika ta seta pui maba anime kale amu inio. Ako seta tuvevo avole animeko poqala kale amu tea, seta anime kasi nio kebeta elo. Melai ke vaemele sole meqai nianiia ta sea kiadamu ta pui maba anime kale amu kepa eve.

Kelokelozato 17:8

Voa biaṉa vo ṉo lula ṉo veani ta o saeve lulavo, melai vota pui o saevani vairutu. Vota o saqorou matu saqoroma soqili kale azo sai ziolo poso ko piriziakoi kazo ni vota o ziovou noqola tolailo kale. Se miduku kale ke evani maba poso se pui kopa tama rikiziovini seko ṉi poso noqola kama saevo samu ko ṉi ko buka topi puliako peuru ma peuru ereilo, ta keta vuzeilou muli ke velou keru voa biaṉa, vo o eveni lulavo, erisaṉa ta puliala, melai vota mata tova purato o elou.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.

Kelokelozato 21:14

Voa matu peuru ko idi ta ko erei toni omuqa lado vola ko matu lado kale, vo Sipi Meqora ko toni omuqa apositolo madu ko ṉi kokai rikiziovima.

Kelokelozato 22:4

Seta keta va kelou voko loilo, ni voko ṉi ta kota ma rotiziovou seko kape poso topi.

Kelokelozato 3:8

Aṉata aqai nianiia ko meme erekako quli ni aṉata aqai nianiia meta pui matuma pizato samela inio; melai inio meta me lulueka aṉako nianiiekato ni meta kerula meda eva aṉa tona. Keatini, aṉata lula a mela veuka ko tibulu ko puliala opa roveovo ama tibuliko.