2 Timoti 2:12 - BAṈARA KO VAIRU AMA LEVELEVEO

¹² Animeta me bataitou tapata kale nio animeta me lekasa puovou vo sase. Animeta meda va zoliovou vo nio vo melai ota mela zoliovou anime.

2 Timoti 2:12 교차 참조

Matiu 10:33

Melai vo olai zoliovo ala ni olai keduvo ala aṉa maba poso ko ubutiania ta aṉa melai avai keduvou vo aṉavo aukale ala Mama ko tanama kale.

Matiu 26:35

Ni Pita ta eri kiolake, “Maba kebe vouvaelou ṉo sate melai aṉata pui aba taṉa zoliovou!” kiolake. Ni sea kiadama disaipeli madu ti omadeuvo kikelake vo jari.

Matiu 26:75

Nio Pita ta o kerukeruekake Jisu va kiovevo vo, ko eri, “Puliako kokorako zialo, inio ṉota ṉoda la zoliovou aṉa zouke taku, ni eri kiṉovou, ‘Aṉata pui avai nianiia vo,’ kiṉovou,” ka kiovema. Ni vota ota saqorake kupele ni ota matu ṉuisiṉuisiake zialo.

Maka 10:33

Ni vota eri kiolake, “Meta didielomo aṉa, animeta meda kaila inio Jerusalema, ni sai nio seta ke vaelou aṉa maba a eveni lala raura kama siama madu ni vo Mosese ko Bazu kekai nianiiekatani maba poso ko ṉase topi, tu seta ke titizikou tu aṉata a vou. Ni seta mata ke lati ziovou aṉa se pui Jiu amu kasi,

Maka 8:38

Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”

Luke 12:9

Melai vo olai zoliovo ala ni olai keduvo ala aṉa ubutiania, aṉa maba a eveni lala melai avai keduvou vo Baṉara ko mateana poso ko tanama kale.

Luke 22:29

sole omadeuvo aṉavo Mama o katile aṉa ko lekasa puo ko pizato, so padoa katimelo inio a elou koa omadeuvo ama pizato.

Luke 22:30

Ni meta me vuatou ni me nozutou aṉako tevolo topi aṉako lekasa puo kale, ni meta me bapuvou lekasa ko papupapu topi ni mema lekasa puovou koa toni omuqa toutou Izireli,” kiolake.

Luke 9:26

Ako voa maba vo ota la qurato ala aṉa ni aṉako nianiiekato, vo inio aṉa maba a eveni lala ta ada va zoliovou voa maba so keru aṉa a vaitou keru aṉako ṉaṉaidara kale ni a Mama ni voko mateana poso ko ṉaṉaidara kale.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Romu 5:17

Tuvevo avole omadeu maba ko sarueko kale ko vou ta ko eve vo o erekema sarueko kale. Melai ko kobe qulepako ta omadeu maba Jisu Karisito o erekema quli ko puratikako. Ako kiadamu seke koani vo Baṉara ko palopaloasi ama roquano ni se sidopu ke evani voko kelokelozato kale ta ke raurailou noqola kama saevo kale vo Jisu Karisito kale.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

Pilipai 1:28

Ni aṉata ada mela viqou meta pui meda ma ṉalou meko kana madu, ni pui me ṉalou tu kasa iko meko oqu seke zarazaraemelani kasi. So inio kasa komai elou ta seta ke koqotailou melai meta me bakiovou, ako vo Baṉara inio o katimelou sole meko pakio.

1 Timoti 5:8

Melai voa maba vo pui o mati vailani voko mabamu, ta o vaekani nio ko lotu saevo, ni vo pui oma lilitani voko saidi kale amu ta kala matu ruqe ala maba, vo omai paloasani se kutumana kamu koa voko ruqe ama kalo kale.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Kelokelozato 1:6

ni vota vo Aikovakova Baṉara keva nabuluputani siama madu o imeleni anime tu animeta meva nabuluputo vovo Mama Baṉara. Tu animeta mevai rauraekou vo Jisu Karisito ko ṉaṉaidara ni pizato latau ṉaniu ni ka ṉaniu! Emeni.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.

Kelokelozato 20:4

Sai nio aṉata a qeake kama lekasa ko papupapu poso, ni sea maba poso sai ke papuani; seta ke koake ko titizato ko pizato tu seta ke ereko ko titizato. Ni aṉata mata a qeake seke lezuemeni maba poso ko auvana se kekai bazubazuteni koa tuveano vo Jisu o puratikema ni vo Baṉara ko bazu. Se pui kepa ilusiveni vo biaṉa ni voko beku, ni se pui kepa koeni vo biaṉa ko mamola seko kape poso topi ni seko ṉase poso topi. Se inio ke saeve ni aikovakova poso ke eve ni ke lekasa puake vo Karisito sate omadeu vuro sabere ko tiania.

Kelokelozato 20:6

Matuma mauruto ke koa se kekai zomanani ko kuleto ama mata saevo voukale azo. Ako omuqama vou ta puliama pizato kopa elou se tona; ni seta vo Baṉara ko tabu ama siama poso ke elou ni Karisito ko, ni seta ke vati lekasa puovou omadeu vuro sabere kale sole.

Kelokelozato 3:10

Meta lula me zorika aṉako bazu meko inobea pataito kai elo ko naqunaquto kale, so sole aṉata a bakiemelou me kiadama tapata kale azo koko kuevako peuru ma peuru kale amu tona, tu kota ko madoemo kiadama maba madu se miduku kale ke evani.

Kelokelozato 3:21

Nio seke koqotaeko amu ko ruqe ta a zariemou tu seta ke papuvou lekasa puilo aṉa sase aṉako papupapu topi, omadeuvo aṉa lula a qoqotate jari ni abeta papua lekasa puilo a Mama ko papupapu topi.

Kelokelozato 3:8

Aṉata aqai nianiia ko meme erekako quli ni aṉata aqai nianiia meta pui matuma pizato samela inio; melai inio meta me lulueka aṉako nianiiekato ni meta kerula meda eva aṉa tona. Keatini, aṉata lula a mela veuka ko tibulu ko puliala opa roveovo ama tibuliko.

Kelokelozato 5:10

Ṉota lula vo Aikovakova Baṉara omai lekasa puani siama madu ṉo ime se tu seta keva nabuluputo vo animevo Baṉara ni seta kekai lekasa puovou ko peuru ma peuru.”