2 Timoti 1:8 - BAṈARA KO VAIRU AMA LEVELEVEO

⁸ So sole pui qurato ṉoko vai bazubazuto kale vo animevo Lekasa, ni pui taka qurato aṉako pirizio vo Karisito ko ṉikale avo. Melai ṉota kai zomane koa tapata koko kuevako Uri ama Bazu ko kai bazuto kale, aṉa jari, ni vo Baṉara o katiṉako pizato kale ṉota pataite koa tapata kale.

2 Timoti 1:8 교차 참조

Maka 8:38

Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”

Luke 9:26

Ako voa maba vo ota la qurato ala aṉa ni aṉako nianiiekato, vo inio aṉa maba a eveni lala ta ada va zoliovou voa maba so keru aṉa a vaitou keru aṉako ṉaṉaidara kale ni a Mama ni voko mateana poso ko ṉaṉaidara kale.

Jone 15:27

Ni me melai so, meta melai bazubazutou aṉa, ako koko tanitanila keru azo meta me eve aṉa kasi sole.

Jone 19:35

Aṉa a qeveni lala kiadama komi quli inio aqai bazubazutani lala, ni aṉako bazu ta tuvevo ama, ni aṉata aqai nianiia ta aṉa a qasekako quli ta tuvevo ama, so sole me melai me rovea tuvevo puto.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Romu 16:25

Animeta ṉaṉaidara me ivo vo Baṉara! Vo inio o pizatimelani me meko oqu kale, vo Jisu Karisito Uri ama Bazu kale, ko aṉa aqai bazubazutako. Matu lulavo azo rosi ama taku kale inio kota mutai koa Bazu,

Romu 8:36

Ko Tabu ama Riki ta eri nio kikolani sole, “Ṉoko ṉi ko kio kale, Baṉara, seta keka zaria vouvaeṉelo eṉe kiada keru, eṉeta ṉe bitasia omadeuvo ko sipi jari ko ke vouvaeko ama jari.”

Romu 9:33

Ko ikio ko Tabu ama Riki eri ka kikovema, “Keatini, aṉata a vaeva kala lado Jerusalema, Vo kevai tupariovo ala se maba madu, Voa lado vo o pimo ala se. Melai se kevai keruani vo ta pui kepa quratou.”

1 Koriniti 1:6

Ako meta lula me uria tuvevo pueka vo Karisito ko Bazu sole.

2 Koriniti 6:7

eṉeko kai bazuto kale ko tuvevo ama bazu, ni vo Baṉara ko pizato kale. Ko sidopu ama saevo ikio eṉeko okotoma vakovako tu ṉe qati pazokinio kiadama kana poso.

Epesasi 3:1

Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.

Epesasi 3:13

So sole aṉata a basemela me tu meta pui lekuleku me elou ko aṉa kobe lai ereivako tapata ni tolailo ko kerukerueko kale, ako aṉako kai tolailo aṉako melati koidipo me ta meko rauraemelako quli kio sole.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Epesasi 4:17

Vo Lekasa Jisu ko ṉikale aṉata a melai bazueka komi quli, ni a balauvimela, tu meta pui mata me dova luluekou se pui ke tuvevo putani ko saevo jari ama saevo. Ako seko kerukeru ta utube ama sole,

Pilipai 1:7

Meta aṉako roquano sama kerukeru kale kiada keru! So inio aṉata aqai nianiia ta aṉata a male tu a roquemelo mea kiada mela. Ako mea kiada mela ta me zomane sole aṉa sate vo Baṉara o katilema iruruputo kale, vo o katilema voko pakiezato sama roquano kale. Ni meta me zomane sole aṉa sate koa iruruputo kale so keru aṉa a qati qaraqarate keru ko Uri ama Bazu ni so keru aṉa aqai bazubazute keru koa tuveano sama Bazu, ni meta mata erisaṉa me zomana aṉa sate so keru aṉa pirito pade kale a eva keru.

Pilipai 3:10

Ako aṉako matuma zario ta aṉata avai nianiiovou vo Karisito ni voko mata saevo voukale azo ko puratikako pizato, ni aṉata aqai zomanou voko tolailo, ni aṉata aqa zaria tu talio zoripato ko keve vo jari ti kobe lati baro aṉako vou.

Pilipai 4:13

Ako vo Karisito inio o pizatilani sole. So inio aṉata a rovea kai zoleilo kiadama quli ko a doraeko ama quli kale.

Kolosi 1:11

ni meta me bizatou Baṉara kale, koa pizato kale, koko kuevako voko ṉaṉaidara kama pizato kale, ni meta noqola ni vinavina me elou kiadama quli kale zoleilo sase.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

1 Tesalonaika 3:4

Ako so keru eṉe ṉebeta eva keru mekasi, eṉeta ṉe bazuemele me, puliako ko ereilo, ko animeta meda ziovou nio niumaniumato kale kio; ni meta me uria paqumuka ta kota tuvevo avole kota ereivake.

1 Timoti 2:6

vo pui opa katiziovini tu o vou kiadama maba kaqe tu vota oma tabariko seko rupasio seko ruqe kale azo. Koa voko vou ikio lula ko mamola pueke vo Baṉara ko tutututuki ama taku kale vo Baṉara ma zario kiadama maba poso tu ke pakio.

2 Timoti 1:10

melai erisaṉa ta kota kasa ko eva anime kasi vo animevo Pakio Jisu Karisito ko kilo kale. Vota o koqotaeke ko vou ko pizato ni vota o puratike noqola kama saevo seke ṉeamukani voko Uri ama Bazu kaqe.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

2 Timoti 1:16

Aṉako vararaito ta vo Lekasa ta o baisemou sea kiadamu vo Onesiporasi ko mabamu seke evani voko pade kale ako vota o zolelani aṉa kubo taku sole. Vota pui opa taka qurate ko aṉata kala pirito pade kalea lala kio,

2 Timoti 2:3

Ṉota kai zomane koa tapata Uri ama Bazu kekai kaikuapani ke katimelako anime, tu ṉota vo Jisu Karisito vo uri ala pazokinio ko maba eve.

2 Timoti 2:8

Ṉota kerukerueva vo Jisu Karisito, vo o saeveni voukale azo, vo Aikovakova Devita ko vikuvikula kale ala, vo o kaseivani Uri ama Bazu kale ko aṉa aqai bazubazutako.

2 Timoti 2:9

Ni aṉako kai bazubazuto ko Uri ama Bazu kale avo inio aṉata tapata aqai eva ni aqai pirizia seini kale omadeuvo kala maba qavuna ko bazu o pazokani jari. Melai vo Baṉara ko bazu ta pui ko pirizia seini kale,

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

2 Timoti 4:5

Melai ṉota vinai ṉo ṉavi ṉoko uri ama kerukeru kale kiada keru, pataite tapata kale, ereka ko iruruputo vo Uri ama Bazu okai bazutani ko, ni puratika ṉoko pado ama va nabuluputo vo Baṉara.

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.

1 Jone 4:14

Ni eṉeta ṉe qeve ta vo Mama ta o soroeve vovo Meqora tu o pakiemo se peuru ma peuru kale ama maba poso. Ni ko ikio eṉe ṉemai nianiiekikako quli.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;

Kelokelozato 1:2

nio aṉata a qaseka kiadama quli ko aṉa a qevema. Komia aṉako riki ta aṉako kai bazuto vo Baṉara kasi azo kolai kuevima bazubazu ni koa tuveano ko vo Jisu Karisito kasa olai ikema.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

Kelokelozato 12:11

Seta lula ke koqotaevo vo, vo Sipi Meqora ko vou ko dara kale ni se kekai bazutema tuveano kale, ni seta pui kepa katiziovi tu ke vou.

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.