6 Komi kale avo inio aṉata a bazueṉa ṉo tu ṉota saevika tu kai irurupute koa katizato vo Baṉara o katiṉema so keru aṉa aṉai ivike keru aṉako ṉase ṉoko lezu topi.
Nio puliako vo zio, vota o nokaemake toni voko nabulu madu ni vota omai okotikake katimo sea kiadamu omaomadeu ko qolo seleni, ni eri ma kiolake se, ‘Meta kai iruruputomo ni mata kai komo kama seleni aṉa zio maqa,’ kiolake.
Ni Paula ta omai ivikake voko ṉase ni vo Tabu ala Auvana ta o saqorake se tona, ni seta ke pesipesitake edoedoloma pesio kale ni kekai bazubazutake vo Baṉara ko bazu voa Auvana mai avozio kale.
Nio koa poqala maba madu ta ke lojoemake se apositolo madu ko kuleto, ni se apositolo madu ta ke mati vararaitake se ni kemai ivikake seko ṉase ke lezu topi ni mauru ke imake se.
Ṉota katima komia bazu poso sea lotu tamatamania, nio ṉota kala uri ala Jisu Karisito vo nabulu ṉa, ṉo ṉavi ṉo bizatiani ṉa ṉoko auvana kale koa oqu ko pesio kale ni tuvevo ama bazu kale ko ṉoṉo luluekako.
Mai kerukerue komi quli ṉoko lotu maba madu, ni ṉota balauvima se vo Baṉara ko ṉikale tu seta pui kekai zolizoliekinio ko pesio poso, ako kota pui ko tauveka ko maba melai kota koko niumaemako ikio seke viqani maba poso sole.
tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.
ko bapitaiso poso ko nianiiekato ni ṉase mai iviko ko tabu imo ko nianiiekato; ni voukale azo ama tova saevo ko, ni noqola kama titizato ko, koko kilo ama ṉaniu kale ama ko.
A roquemelani baerebaere poso mela, komi kio aṉako omuqama riki a rikiekako mekasi. Aṉata a rikieka komia omuqa riki tu a zaubarimelo me tu meta sidopu me elou meko kerukeru kale.
Meta mebe kai nianiiani mela inio komi quli, melai aṉata aqa zaria tu melai kerukerueko me ko eri, vo Baṉara ta o saqorime se Izireli amu Ijipi azo, melai koko tova vota o vouvaemake se pui kepa tuvevo puteni.
