2 Timoti 1:14 - BAṈARA KO VAIRU AMA LEVELEVEO

¹⁴ Vo Tabu ala Auvana ko pizato kale, vo obeta evani anime tona, ṉota kati vaile ko Uri ama Bazu ko tuveano, vo Baṉara ṉai keru kale lula o vaekako ṉoko ṉase topi.

2 Timoti 1:14 교차 참조

Luke 16:11

So sole meta pui kerula me elou meko kai iruruputo kale komia peuru ma peuru ama batiro, ta meta mata pui kerula meba elou meko kai iruruputo kale ko tuvevo ama batiro.

Romu 3:2

Tuvevo kota matu uri ama quli tu Jiu elo! Ako se Jiu amu inio vo Baṉara o mati keruini o ṉaviko bazubazu sole.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Romu 8:13

Ako meta soa saevo me elou, ta meta meda vouvou. Melai vo Baṉara ko Auvana kale meta me vouvaekou ko sarueko ko iruruputo, ta meta meda saevou.

Romu 8:9

Melai meta pui me jaeva ko meko tupu ko saevo ko kavani jari. Me inio me jaevani mela vo Baṉara ko Auvana ko melai bazuekako saevo kale, vo Baṉara ko Auvana tuvevo avole ko saeva meko saevo kale ta. Ako voa maba vo pui o koani vo Karisito ko Auvana ta pui vovo inio.

1 Koriniti 3:16

Meta pui nio me baqumuka ko me inio vo Baṉara ko Jelepade mela ni ko Baṉara ko Auvana ta ko melai loiva me, kio?

1 Koriniti 6:19

Meta pui meqai nianiia ta meta vo Tabu ala Auvana ko Jelepade mela inio, vo o evani meko bulo kale ni vo Baṉara o katimeleni me kio? Pui meko mela inio ko me, melai vo Baṉara ko mela.

1 Koriniti 9:17

Aṉata a erekani lala aṉako iruruputo a ṉaviko vatolo kale tea, a roveo nio kovo ko tabara; melai vo Baṉara ta o lati sorueka koa koidi tu aṉata a erekou komia iruruputo.

2 Koriniti 5:16

Sokale avo inio eṉeta pui mata ṉeba tova podetimou se maba poso komia peuru ma peuru ko podepodeti kale. Omadeuvo vo Karisito ṉe ivevo jaria podetivo komia peuru ma peuru ko podepodeti kale lulavo, melai erisaṉa ta pui soa kerukeruevo ṉe eva.

Qelesia 2:7

Sea vilua pikopiko madu ta pulia quli kepa kati paqulike aṉa aqai bazubazutako Bazu melai seta ke keake ta vo Baṉara ta o katile aṉa ka pado koidi, omadeuvo Pita o kativema jari ama. Ako vo Baṉara ta o kative koa iruruputo vo Pita tu omai bazueko ko Uri ama Bazu se Jiu amu, ni Baṉara ta o katile aṉa komia iruruputo tu aṉata a melai bazueko ko Uri ama Bazu me pui Jiu amu mela.

Epesasi 2:22

Ni so inio vo Karisito kale inio me pui Jiu amu mela ta omadeu orumuilo meda eva se Jiu amu sate. Ni meta me orumuiva tu kala pade jari me elo sai vo Baṉara o evakoi voko Auvana kale.

Epesasi 5:18

Ni meta pui doilili kai elo ko piza kama ju. Ako ko doilili elo ta ko niumaemelou me sole. Melai meta sukatomo Tabu ala Auvana kale.

Kolosi 4:11

Ni Josua, kama pado voko ṉi ta Jasitasi kevai nokaekani, vo melai o soroeka voko roquano mekasi. Nia zouke Arisitakasi, ni Maka, ni Josua, ke kiada inio seke liliziani Jiu amu seke iruruputani aṉa sase Baṉara ko lekasa puo kale avo, ni seta lula ke matu tauvelani aṉa.

1 Tesalonaika 5:19

Meta pui tizaeko vo Tabu ala Auvana ko iruruputo,

1 Timoti 1:11

Koa nianiiekato ta ikoana ko Uri ama Bazu kale Baṉara o katilema aṉa tu aqai bazubazuto, koa Uri ama Bazu vo ṉaṉaidara ni mauruto sala Baṉara ko.

1 Timoti 6:20

Timoti, ṉota mana vailo kati eve ko lotu kale ama nianiiekato ko lula ṉoqai nianiiako. Ṉota taka lapase koa kasekasezato sama pesio ko pui ko kasevako vo Baṉara, ni taka lapase koa sarube ama aivekinio kake maba poso “Nianiio” ka kikelako seko saruilo kale.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

2 Timoti 2:2

Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.