2 Timoti 1:13 - BAṈARA KO VAIRU AMA LEVELEVEO

¹³ Ṉota vinavina noqoeko eve koa tuvevo ama bazu poso ko lula aṉa a ṉati vakakukema tu ṉota ṉo lulueko ko, ni kai saeve koa oqu ni roquano ko animeko omadeu vati elo vo Jisu Karisito ko katimelako.

2 Timoti 1:13 교차 참조

Romu 2:20

meta vakakato ko maba mela se nianiiekato pide amu kasi, ni nianiiekato ko maba mela se vairuvairu amu kasi, kimela. Mosese ko Bazu kale ta meta pado ama nianiiekato ni tuveano samela, kimela.

Romu 6:17

Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Pilipai 4:9

Ni meta kai saevomo ko quli meqai nianiima ni me qoema aṉa kasi azo. Ni erekomo ko quli aṉa a melai bazuekema, ni meta kamo aṉa a qaevo jari. Ni vo bule ko Baṉara ta o elou me tona.

Kolosi 1:4

Ako eqeta lula qe viqa meko vai oqu vo Jisu Karisito ni meko roquemo kiadama vo Baṉara ko maba madu.

1 Tesalonaika 5:21

Melai meta taka kemo kiadama quli ko uri ni ruqe, ni taka noqoekomo koko uri ama.

1 Timoti 1:10

ni kota seke pauvezatani, ni lasive amu seke erekatani ke ṉavio kude, ni seke mabaku puemani maba poso, ni seke lipalipatani, ni sea kiadamu kaqe, seke erekani ko quli ko pui ko sidopu ama nianiiekato ko kati korotako quli.

1 Timoti 1:14

Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

1 Timoti 6:3

Vo okai nianiiekatani ko edoloma lotu ko bazu ko pui ko luluekako vo animevo Lekasa Jisu Karisito ko pesio kikolani ni pui ko kati korotako vo Baṉara ko tava paṉao

2 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara ko vatolo kale, a joroini lala tu aqai bazuto vo Baṉara lula leveleveo o ikema saevo ko anime me qoako animeko omadeu vati elo vo Jisu Karisito kale.

2 Timoti 1:14

Vo Tabu ala Auvana ko pizato kale, vo obeta evani anime tona, ṉota kati vaile ko Uri ama Bazu ko tuveano, vo Baṉara ṉai keru kale lula o vaekako ṉoko ṉase topi.

2 Timoti 2:2

Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

2 Timoti 3:14

Melai ṉo ṉavi ṉota pizaka noqoeka koa tuveano ko lula ṉo ṉoqai nianiiako ni ṉo matu tuvevo puekako. Ako ṉota ṉomai nianiia sole sea kerula kamu se kekai nianiiekiṉeni koa tuveano,

2 Timoti 4:3

Ako koa taku ta kota baroa so keru se maba madu ke kaikuapou keru viqo ko tuvevo ama bazubazu sole, ni so keru seke luluekou keru ke ṉaviko vatolo poso, ni so keru seke vailimou keru kubo titisa madu tu sea titisa madu ta kemai bazueko se ko quli seko zolemako seko viqaviqazata kale.

Taitasi 1:9

Vota pui o vaekou koa kerula kama ni korokoroti ama lotu ko bazu. So inio vota o roveovou zuvarimo se edolomu koa tuvevo ama nianiiekato kale ni vota mata kasa o ikou ko sarueko seke tizaekani koa bazu ko.

Taitasi 2:1

Melai ṉota mai nianiiekika ko tuvevo ama lotu ko nianiiekato.

Taitasi 2:8

Ṉota kaseka uri ama pesio, ko se maba poso pui ke roveako titiziko, so inio ṉoko kana madu ta ke quratou, ako seta pui kepa kelou seke kaseko ama ruqe animeko.

Hiburu 10:23

So sole animeta pizaka lojo me elou ni animeta me noqoekou animeko keru ko meqai tarekako quli vo Baṉara o ereko ama quli tu anime kaqe. Ako Baṉara ta lula o mela inainaeka anime tu vota o erekou o kasekema quli, sole ko male tu animeta mevai oqu vo.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 4:14

So sole animeta pizaka noqoe me elo ko oqu ko anime me ṉeamukako. Ako animeta kala Matu Ṉisa Siama samela sole, vo o koivini aukale Baṉara ko tanama kale, ni voa animevo Matu Ṉisa Siama inio vo Jisu, vo Baṉara vo Meqora.

Jiudi 1:3

Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.

Kelokelozato 2:25

melai meta pizaka noqoeko emo ko me lula me noqoekema quli ti kobeta barou aṉako kilo.

Kelokelozato 3:11

Aṉata a qilou taukavole, so sole meta pizaka noqoeko emo ko quli meme ṉeamukako so inio puliala ta opa roveovou tamela rapeko koa reketekete, ko me koqotaeko ko ruqe kale me qovo ama.

Kelokelozato 3:3

So sole kerukeruekomo koa nianiiekato ko me lula me viqema ni me ṉeamukema. Meta zorikomo ko ni liliziomo meko sarueko poso kale azo. Ako meta pui me doiratou nio aṉata ota podolo kilo a melai elou vo kuilokuilo ala maba jari, ni meta maba pui meba kai nianiiovou koa taku so keru aṉa a qilou keru mekasi sole.