2 Timoti 1:10 - BAṈARA KO VAIRU AMA LEVELEVEO

¹⁰ melai erisaṉa ta kota kasa ko eva anime kasi vo animevo Pakio Jisu Karisito ko kilo kale. Vota o koqotaeke ko vou ko pizato ni vota o puratike noqola kama saevo seke ṉeamukani voko Uri ama Bazu kaqe.

2 Timoti 1:10 교차 참조

Luke 11:36

Melai ṉoko pado ama tupu ta matu zakaremu ko elou, ni puliama kama supi kutumana ta ko elou sai, nio kota ko uria zakaremu pueṉou ṉo, omadeuvo kama uria talo juke jari,” kiolake.

Luke 13:7

So sole vota eri kiolake vovo papato ko maba kasi, ‘Keatini, zouke sabere aṉata a que taka kovole komia piqi ore ko epa melai puliama ka pado ada ka kea. Sole uri tu ṉota roeka! Pui uri tu kota utu niumaekole kobeta ziovou ko miduku sole.’

Luke 2:11

Vairutu komia ipu kale mevo Pakio ta lula o alilala vo Devita ko peuru kale; vo inio vo Lekasa ni vo Baṉara o soroevani Pakio!

Jone 1:9

Voa Bazu ta tuvevo ala zakaremu, ni vota o kuevi peuru ma peuru kale, ni vota omai taloake kiadama maba poso.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Jone 20:31

Melai aṉata a rikieka komia buka kale ama quli tu meta me duvevo puekou vo Jisu inio vo Baṉara o soroeveni Pakio kio, vo Baṉara vo Meqora, ni koa tuvevo puto kale meta me qovou ko tuvevo ama saevo voko ṉikale.

Jone 4:42

nio sai nio seta ke bazuekake koa rekoreko, “Pui ṉoko vai bazuto kale inio eṉeta ṉe duvevo puta, melai ṉe ṉavi eṉeta ṉeda va viqa vo, so sole eṉeta ṉevai nianiia ta vo tivoine vo peuru ma peuru vo Pakio,” kikelake.

Jone 5:40

melai meta pui meqa zaria tuvevo puelo aṉa tu meta me qovou ko saevo!

Iruruputo 13:23

Devita vo vikuvikula kale ala inio vo Jisu, vo Baṉara Izireli amu vo Pakio o iveni vo lula leveleveo oma kaseveni jari.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Romu 3:31

Koa oqu kale inio aṉata a ṉamuka vo Mosese ko Bazu kio? Pui, maba pui, melai koa keve kale aṉata a qati lulueka ko ṉavi Bazu ko kio ni kalo ko kavani.

Romu 6:6

Ako animeta meqai nianiia komi quli sole, ko animeko lulama saevo ta lula ko zomane vo Karisito ko vou sase korosi topi, tu animeko lulama saevo ko sarueko ta pizato pide ko elo, tu animeta pui sarueko ko mabaku me elou.

1 Koriniti 15:26

Ni ko tovatovama kana koko koqotailo ama ta vou.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 5:4

So keru eṉe ṉe eva keru komia miduku kale ama tepe pade kale, ta voniu kozato ko iṉela ko eṉeko duki; eṉeta pui ṉeqa zariako ikio ṉamuko eṉeko miduku kale ama tupu, melai ko eṉe ṉeqa zariako ta ṉe qovo ko aukale ama tupu, tu ko paito pidea saevoma tupu ta ko besiekou eṉeko tupu koko sapeovo ama.

Qelesia 5:4

Ni kake mela me meqai zariani mela lulueko vo Mosese ko Bazu, ta meda pitasia inio vo Karisito kasi azo ni meta me epeza tuvevo pueko Baṉara ko roquano kale ama sidopu puto.

Epesasi 1:18

Ni aṉata a melati vararaita, tu vo Baṉara ta zakaremu o mela ikou voko tuveano. So inio meta meqai keruvou meko kovo ko uri ama quli vo Baṉara leveleveo o mela ikema tu vota o katimelo. Ni so inio mata meta meqai nianiiovou koa mauruto vo Baṉara leveleveo o ikema voko maba madu kasi koa aqasiele ama ni ṉaṉaidara kama.

Epesasi 1:9

vo Baṉara ta kasa o mela ike voko mutamuta kama vatovatolo, ako so inio vo okai zariani sole, ni vota o mela vatoeke tu o ereko vo Karisito kale.

2 Tesalonaika 2:8

So keru inio voa matu ruqe ala maba ta o puratou ni animevo Lekasa Jisu ta o vouvaevou vo voko suto kale azo ama kozakoza kale ni vota o niumaevou vo koa ṉaṉaidara vo o kati kilo ama kale.

2 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara ko vatolo kale, a joroini lala tu aqai bazuto vo Baṉara lula leveleveo o ikema saevo ko anime me qoako animeko omadeu vati elo vo Jisu Karisito kale.

2 Timoti 1:8

So sole pui qurato ṉoko vai bazubazuto kale vo animevo Lekasa, ni pui taka qurato aṉako pirizio vo Karisito ko ṉikale avo. Melai ṉota kai zomane koa tapata koko kuevako Uri ama Bazu ko kai bazuto kale, aṉa jari, ni vo Baṉara o katiṉako pizato kale ṉota pataite koa tapata kale.

2 Timoti 4:1

Vo Baṉara ni Jisu Karisito tanama kale, vo o titizimo ala se saevomu ni se voumu, vo o vaito ala tu o lekasa puo, aṉata a qatiṉa ṉo komia piza kama bazu

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

Taitasi 2:11

Ako vo Baṉara ta lula kasa o ike voko pakiezato sama roquano tu kiadamu ta ke pakio.

Taitasi 2:13

ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.

Taitasi 3:4

Melai so keru animevo Pakio Baṉara ko baiseo ni roquano ko purate keru,

Hiburu 10:32

Meta kerukeruekomo lulama taku so keru me kuleto meqai nianiiovi keru vo Jisu vai oqu. Koa taku meme doraeke keru ko matuma tapata melai meta me bataite ni me bizate tapata kale.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

2 Pita 1:11

Kokale inio meta me qovou matuma baroekato vo Lekasa animevo Pakio Jisu Karisito ko lekasa puo kale. Ni koa lekasa puo ta paito pide ama ko elo ama.

2 Pita 1:3

Jisu inio vo Baṉara ko pizato sala. Ni voko pizato kale inio o katimele kiadama quli anime meqai zariako animeko saevo kale tu meva nabuluputo vo Baṉara. Animeta me ṉeamuka komi quli ako animeta mevai nianiia vo Baṉara sole, vo o nokaemeleni anime. Vo Baṉara ta voko ṉaṉaidara ni sidopu kale

2 Pita 2:20

Ako seta ke rupasiovi komia peuru ma peuru ko ruqe kale azo seko vai nianiio kale vo animevo Pakio Lekasa Jisu Karisito. Melai seta mata ke vaitake seko ruqe kale ni koa ruqe ta ko aveavema se, sole seta matu ruqe keta eva kobe kai paloasa seko kuleto ama ruqe.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.

2 Pita 3:2

Ni aṉata a mela zaria me tu meta me qerukeruekou koa rukuruku poso se tabu ama poropita madu kekai bazutema lulavo ni koa bazu animevo Pakio Lekasa Jisu o vaekema, ni eṉe apositolo madu ṉela ṉe qatimelema.

1 Jone 1:2

Vo o katiṉeleni eṉe ko saevo ta kasa o ṉela evake eṉe, ni eṉeta ṉe veve vo nio ṉeqai bazubazute voko tuveano maba poso kasi, nio eṉeta mata ṉe melai bazueva me voa noqola kama saevo sala Bazu. Vo o katiṉeleni eṉe koa saevo ta o eve o Mama Baṉara kasi. Ni Baṉara inio kasa o ṉela ive eṉe.

1 Jone 4:14

Ni eṉeta ṉe qeve ta vo Mama ta o soroeve vovo Meqora tu o pakiemo se peuru ma peuru kale ama maba poso. Ni ko ikio eṉe ṉemai nianiiekikako quli.

Kelokelozato 18:1

Ni koko tova inio aṉata a veake mata kala pado mateana vo obeta saqorani aukale azo. Vota matu piza kala ni voko ṉaṉaidara ko zakaremu ta kokai taloake ko pado ama peuru ma peuru.

Kelokelozato 2:7

“Uri tu meta paqumukomo meme viqako quli vo Tabu ala Auvana kiolani sikeura lotu qoqono poso kasi! Seke koqotaeko amu ko ruqe inio aṉata a qatimou ko zariekato tu ke kuo koa ore noqola kama saevo ko puarikako ko epa koko qotupako vo Baṉara ko aukale ama kiaro kale.

Kelokelozato 20:14

Ni Vou ni Heli ta ke risaekake koa nai sama uza ko urusana ko tiania. (Komia uza ta omuqama vou ko uza ikio.)

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.

Kelokelozato 22:17

Vo Tabu ala Auvana ni vo Jisu ko reko ta eri kiqola, “Kua, Lekasa Jisu!” Ni uri tu kiadamu ke viqani komi ta mata “Kua, Lekasa Jisu!” kikevou. Kua, ṉoṉo rokauvani ṉa tu pa koa ko noqola kama saevo ko katiṉo ama ju tabara pide ama.