2 Pita 3:7 - BAṈARA KO VAIRU AMA LEVELEVEO

⁷ Ni koa omadeuma vo Baṉara ko pesio kio ko kati vaila ko erisaṉama au ni peuru ma peuru, anime mebe kai evako. Ni komia omuqa quli ta kobeta taruana tu ko siqailou uza kale. Ni kota kobeta taruanou ti kobeta barolou se Baṉara kevai keduani maba poso ke titiziovou keru ti ke ṉamuilou keru heli kale.

2 Pita 3:7 교차 참조

Matiu 10:15

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo ni Qomora peuru kale amu ke kovo ama koqotato.

Matiu 11:22

Tuvevo avole aṉata a bazuemela me, titizato ko ṉaniu kale vo Baṉara ta o koqotaemelou me matuvole kokai paloasou ko Taea ni Saidoni peuru kale ke evani pui Jiu amu ke kovo ama koqotato, se pui ke keani koa aqasiele ama iruruputo ko meme qeako jari ama.

Matiu 11:24

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaemelou me, kokai paloasou Sodomo peuru kale amu ke kovo ama koqotato,” kiolake vo Jisu.

Matiu 12:36

Aṉata a bazuemela me, so keru vo Baṉara o titizimelou keru me, vota o melai titizikou me kiadama ruqe ama pesio me erekako kale.

Matiu 24:35

Au ni miduku ta kota ruvurou melai aṉako bazubazu ta maba pui ti pui kopa ruvurou,” kiolake.

Matiu 25:41

“Melai aṉata eri kiavou aṉako made ranamu kasi, ‘Meta levelevezia mela Baṉara kasi, tu olamo koa noqola kama uza kale vo Baṉara ova inainaekema vo Setani ni voko mateana madu!

Maka 6:11

Melai so keru meme barolou keru kama pado peuru kale ni maba poso ta pui ke baroekimelou ni pui ke didiemelou me, ta meta me vaekou koa peuru, ni me bapazikou meko kiti kale ama pari tu ko mamola pueko seta pui Baṉara ko madu inio,” kiolake.

Jone 12:48

Melai vo olai kaikuapani aṉa ni vo pui o viqani aṉako bazubazu ta koa bazubazu ikio ko titizivou vo. Ako koa bazubazu aṉa a qasekako ta ko titizivou vo tovama ṉaniu kale sole.

Romu 2:5

Melai ṉota lado buloa laṉa so sole ṉota ṉo badoeka ṉo ṉavi vo Baṉara ko korakorailo so keru koa matuma ṉaniu voko sidopu ama titizato ko elou keru.

1 Koriniti 3:13

Ni kiadama maba poso ko iruruputo ko kalo ta ko keazailou so keru vo Karisito ko Ṉaniu kale kasa ko elou keru. Ako koa Ṉaniu kale ko uza ta ko madoekou koa iruruputo ko tuvevo ama epa ni koko male avo.

Pilipai 1:28

Ni aṉata ada mela viqou meta pui meda ma ṉalou meko kana madu, ni pui me ṉalou tu kasa iko meko oqu seke zarazaraemelani kasi. So inio kasa komai elou ta seta ke koqotailou melai meta me bakiovou, ako vo Baṉara inio o katimelou sole meko pakio.

2 Tesalonaika 2:3

Meta pui zarievo kala tu vota o lipaemelo kama keve kale, ako koa Naṉiu ta pui erile kopa barolou sole, melai kota ko kilou kuleto kubo madu ke matu bikoirivou keru vo Baṉara ni o puratou keru vo matu ruqe ala maba, vo noqola tolailo o elo ala heli kale.

1 Timoti 6:9

Melai se keka zariani kovo ko batiro ta zolizolito ko moa ni keta tulumua kubo ruqe ama ni niumaniuma kama zario poso kale, koko niumaekake seko oqu.

Hiburu 12:29

Ako tuvevo avole animevo Baṉara ta uza jari ala, koko siqaekake kiadama quli sole.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

2 Pita 3:10

Melai vo Baṉara ko ṉaniu vo Lekasa Jisu oka vaito ama ta kala maba o kuilani ko kilo jari nio ko elou. Ni koa ṉaniu kale inio ko au ta kota parakou matuma tibaraputo kale, ni kiadama quli aukale ama ta ko niaqariovou uza kale. Ni miduku ni kiadama quli saizama ta kota siqailou.

2 Pita 3:12

Koa keve kale inio meta me darekou vo Baṉara ko matuma ṉaniu meko tauveko kale koko barolo. So keru koa ṉaniu ko barolou keru ko au ta kota ruvurou uza kale ni kiadama quli aukale ama ta kota jojoṉou uza ko vualavuala kale.

1 Jone 4:17

Ni vo Baṉara ko roquano ta ko maba puratou animeko kalo kale ta, animeta pui meba ṉalou so keru Baṉara o titizimelou keru. Animeta maba pui meba ṉalou, ako komia peuru ma peuru kale ta animeko saevo ta Karisito ko saevo jari sole.

Jiudi 1:7

Meta kerukeruekomo ko Sodomo ni Qomora peuru ni koko ketaketama peuru poso kale amu se sea mateana ko kalo jaria kalo ke eveni, seke pauvezateni, ni se ke ṉavio kude ke erekateni lasive amu. Seta ke tolaiva koa paito pide ama uza kale koko siqaeko ama se boutare samu, ni kota ko katimela animea kiada mela ko balauvato.

Kelokelozato 17:11

Nio voa biaṉa vo lulavo o saeveni, melai mata pui vairutu o saevani, vota siotolu ala aikovakova o elou, melai vota mata sea kuleto ama sikeura vo kala pado inio, sole sea kiadamu ta omadeu zio ke eva noqola tolailo kale.

Kelokelozato 17:8

Voa biaṉa vo ṉo lula ṉo veani ta o saeve lulavo, melai vota pui o saevani vairutu. Vota o saqorou matu saqoroma soqili kale azo sai ziolo poso ko piriziakoi kazo ni vota o ziovou noqola tolailo kale. Se miduku kale ke evani maba poso se pui kopa tama rikiziovini seko ṉi poso noqola kama saevo samu ko ṉi ko buka topi puliako peuru ma peuru ereilo, ta keta vuzeilou muli ke velou keru voa biaṉa, vo o eveni lulavo, erisaṉa ta puliala, melai vota mata tova purato o elou.

Kelokelozato 20:11

Ni aṉata mata a qeake matuma lekasa ko papupapu tapotapo ama ni vo o papuani ko topi. Miduku ni au ta kota va soqoike voko tanama kale azo, ni kota parakake.

Kelokelozato 21:1

Sai nio aṉata a qeake ko vairu ama au ni vairu ama miduku. Kuleto ama au ni kuleto ama miduku ta kota parakake, ni ivere ta puliama kota evake.