2 Pita 3:14 - BAṈARA KO VAIRU AMA LEVELEVEO

¹⁴ So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

2 Pita 3:14 교차 참조

Matiu 24:26

“Ni se maba poso ta ke bazuemelou me ni eri kikevou, ‘Vota kiṉu kale inio,’ kikevou, melai meta pui me ziovou vailivole vo sai, ni seta mata eri kikevou, ‘Vota pade ko poro kale inio,’ kikevou, melai meta pui tuvevo me imou se.

Matiu 25:7

Nio sea sinaqu rusu poso ta ke toiratake ni ke matukikake seko juke.

Luke 12:43

Voa nabulu ta ota zoleilou vovo lekasa o vaitou keru ni o kelou keru voko uri ama iruruputo vo obe erekako.

Luke 2:29

“Erisana, Baṉara, ṉota ṉo rovea zarielo aṉa ṉovo nabulu lala tu a vou bule sate ṉo ṉavi kiṉovevo jari.

1 Koriniti 1:8

Vo inio o pizatimelo ala me ti kobe kai barolou koa paitopaito ama ṉaniu kale tu meta puliama ruqe kopa melai kuiriziovou vo animevo Lekasa Jisu Karisito okai vaito ama ṉaniu kale.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

Pilipai 1:10

So inio meta meqai nianiiovou ko uri ni ruqe ni meta me bitoekou ko uri; so inio meta bulebule ni sarueko pide me elou vo Karisito ko vaito keru,

Pilipai 2:15

so inio meta kuiripato pidea mela ni bulebulea mela vo Baṉara ko korokoroti ama meqora poso mela meda elou meko saevo kale se kaido ama maba madu ni boutare samu ko valuvalu. So inio seko tiania meta talolomo suti jari.

Pilipai 3:20

Melai animeko ṉisa peuru ta aukale. Ni animeta mebe tareva animevo Pakio, animevo Lekasa Jisu Karisito vo o kilo ala aukale azo.

1 Tesalonaika 3:13

So inio vota o pizatimelou me meko bulo ni saevo kale ni meta ruqe pidea mela me elou meko tabutabuo kale vo Baṉara animevo Mama ko tanama kale, so keru animevo Lekasa Jisu o vaitou keru kiadama voko maba poso sase.

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

1 Timoti 6:14

tu ṉota zorika ṉoko soru poso ni ṉo qati vailou ti kobeta barolou koa ṉaniu kale so keru animevo Lekasa Jisu Karisito o puratou keru.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.

1 Pita 1:7

Ako komia tapata poso ta ko kasa pueka sole meko oqu ko rurubiatana. Ni komia oqu ko bulebule ta kokai paloasa qolo ko bulebule. Ako qolo ta ko kasa puiva koko bulebule uza kale melai ko qolo ta kota niumailou. Melai meko oqu ko bulebule kale inio vo Baṉara ta o ilusimelou me ni o ṉaṉaidara puemelou ni o rauraemelou so keru Jisu Karisito mata o vaitou keru.

2 Pita 3:1

A roquemelani baerebaere poso mela, komi kio aṉako omuqama riki a rikiekako mekasi. Aṉata a rikieka komia omuqa riki tu a zaubarimelo me tu meta sidopu me elou meko kerukeru kale.

2 Pita 3:16

Ni so inio kiovevo kiadama voko riki poso kale. Kama voko riki ta matu tapata kama ni kake maba poso udo amu ni lekuleku amu seko oqu kale ta sarusarua mati nianiiekiko ke eva, kebe mati ikani kiadama Tabu ama Riki poso. Melai so ke kavani ta ke kati kueva inio ke ṉaviko noqola tolailo.

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.