2 Pita 3:1 - BAṈARA KO VAIRU AMA LEVELEVEO

¹ A roquemelani baerebaere poso mela, komi kio aṉako omuqama riki a rikiekako mekasi. Aṉata a rikieka komia omuqa riki tu a zaubarimelo me tu meta sidopu me elou meko kerukeru kale.

2 Pita 3:1 교차 참조

Matiu 5:8

“Keta zoleiva tisoiko se bulebule ama bulo kale ama zario samu, ako seta ke velou sole vo Baṉara.

2 Koriniti 13:2

Aṉata aqa zaria tu kaseko mekasi me lula me jaruini mela kasi, ni mata kiada mela kasi lula a qasekema quli aṉako omuqama soipimelo keru me. Melai aṉata mata aqa zaria tu kaseko vairutu puliako aṉa mata kilo mekasi, ko eri: aṉako mata vaito keru ta puliala ta opa taka soqoilou ko koqotato.

1 Timoti 5:22

Pui jijiro vai iviko ṉoko ṉase kala maba, tu tabu ivo vo Jisu va nabuluputo kaqe. Pui kai zomano ereko edolomu ko sarueko, melai ṉota rurubiatana saevo eve.

2 Timoti 1:6

Komi kale avo inio aṉata a bazueṉa ṉo tu ṉota saevika tu kai irurupute koa katizato vo Baṉara o katiṉema so keru aṉa aṉai ivike keru aṉako ṉase ṉoko lezu topi.

Hiburu 6:9

A roquemelani mela lolo poso, aṉata soa kaseko abe eva melai aṉata a melai uria nianiia me, ta meta me luluekou ko uri ama kalo pakio ko.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Pita 2:11

A baerebaere poso, erisaṉa meta pui komia ruqe ama peuru ma peuru ko kunialea mela. So inio aṉata a mela zaivota me tu meda ka balauvou meko tupu kokai zariako ereko, ako komi quli ta ko kati kanaekimou sole meko auvana poso.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

2 Pita 3:17

Melai me, a lolo poso mela, ta lula meqai nianiiani mela komi quli sole meta balauvomo. Ni pui zariemo se ruqe ama maba madu tu ke odiemelo me tu meqai zomano seke erekako ruqe ama kalo. Ni vailomo nio meta pui lekuleku me elou meko piza kama oqu kale azo.

2 Pita 3:8

Melai a roquemelani mela lolo poso, meta pui ukaka me ikou komi quli, ko omadeu ṉaniu ta omadeu vuro sabere jari, ni omadeu vuro sabere ta omadeu ṉaniu jari vo Baṉara kasi.

Jiudi 1:5

Meta mebe kai nianiiani mela inio komi quli, melai aṉata aqa zaria tu melai kerukerueko me ko eri, vo Baṉara ta o saqorime se Izireli amu Ijipi azo, melai koko tova vota o vouvaemake se pui kepa tuvevo puteni.