2 Pita 2:19 - BAṈARA KO VAIRU AMA LEVELEVEO

¹⁹ Ni seta leveleveo ke mati ika ko rupasio melai ke ṉavi ta pui ke rupasia ko quli koko niumaemo ama quli kasi azo, ako vo maba ta mabaku oka eva sole ko quli vo o lekasa puekako quli voko saevo kale.

2 Pita 2:19 교차 참조

Jone 8:34

Nio Jisu ta eri kiolake sekasi, “Tuvevo avole aṉata a bazuemela me, vo o erekani ko sarueko poso ta sarueko vo mabaku.

Iruruputo 19:16

Ni voa maba ziolo kovai onobatani ta omai kasakeake se ni zara o imake sea kiadamu. Ni seta keta soqoike voko pade kasi azo, tabi ma tabi amu ni solemauru amu.

Qelesia 5:1

Vo Karisito o rupasimelo anime tu animeta meqai saevo koa ruparupasi. So sole meta piza kavole lojomo ni pui mata vo Mosese ko Bazu ko mabaku me elou.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

2 Timoti 2:26

Nio seta ke mamurou ni ke soqoilou vo Setani ko sipata kasi azo, vo erisaṉa o piriemani se ni o zuruzuruemani tu ke zoriko voko vatolo.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

1 Pita 2:16

Ni meta saevomo ruparupasi ama maba poso jari; melai meta pui eri kimevou, “Eṉeta ruparupasia ṉela, so sole ṉe rovea ereko ko ruqe.” Melai meta vo Baṉara ko mabaku emo.

2 Pita 1:4

inio vota o katimele voko matuma ni aqasiele ama puaro poso vo leveleveo o mela ikema. Ni koa puaro poso kale inio me roveovou zomano vo Baṉara o kavani jaria kalo. So inio peuru ma peuru kale ama ruqe ama zario poso ta pui ko niumaemelou me.

2 Pita 2:20

Ako seta ke rupasiovi komia peuru ma peuru ko ruqe kale azo seko vai nianiio kale vo animevo Pakio Lekasa Jisu Karisito. Melai seta mata ke vaitake seko ruqe kale ni koa ruqe ta ko aveavema se, sole seta matu ruqe keta eva kobe kai paloasa seko kuleto ama ruqe.