2 Pita 2:1 - BAṈARA KO VAIRU AMA LEVELEVEO

¹ Lulavo se lipalipa kama poropita madu ta ke purate vo Baṉara ko maba madu ko tiania. Ni so jari nio se lipalipa kama nianiiekato ko maba poso ta ke puratou meko tiania, ni seta ke kati kilou moizavole kubo lipalipa kama bazubazu koko niumaemelo ama me. Ni seta keta vai zoliovou melai vo Jisu vo o tabarikeni seko rupasio seko sarueko ko piri kale azo, ni so inio seta ke oruṉikou seko tapata ni vo Baṉara ta kapiavole o niumaemou se.

2 Pita 2:1 교차 참조

Matiu 10:33

Melai vo olai zoliovo ala ni olai keduvo ala aṉa maba poso ko ubutiania ta aṉa melai avai keduvou vo aṉavo aukale ala Mama ko tanama kale.

Matiu 24:11

Ni matu kubo lipalipa kama poropita madu melai keta puratou ni ke saruemou matu kubo madu.

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 24:5

Ako matu kubo maba madu inio ke kilou ni eri kikevou, ‘Aṉa inio voa Pakio lala vo Baṉara o pitoeveni,’ kikevou, ni ke saruemou matu kubo maba madu.

Matiu 7:15

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Maka 13:22

Ako se lipalipa kama Pakio vo Baṉara o pitoemeni kikelani, ni se lipalipa kama poropita madu ta ke podakou ni ke erekou aqasiele ama quli ni ṉavaṉavala kama quli tu ke saruemo se vo Baṉara lula o pitoemeni, kebe mai roveovou ta.

Luke 12:9

Melai vo olai zoliovo ala ni olai keduvo ala aṉa ubutiania, aṉa maba a eveni lala melai avai keduvou vo Baṉara ko mateana poso ko tanama kale.

Luke 21:8

Nio Jisu ta eri kiolake, “Balauvomo, tu puliala ta o lipalipaemelou me. Ako matu kubo maba madu inio ke kilou ni eri kikevou, ‘Aṉa inio voa Pakio vo Baṉara o pitoevani lala!’ kikevou, ni Taku ta lula kota baroa!’ kikevou. Melai meta pui me luluemou se.

Luke 6:26

Ruqe ama quli kio ko melai barolou me, kiadama maba raura kasemelo ke elou keru, ako so jaria raurarauraemo inio ke evevo seko taite poso se lipalipa kama poropita madu,” kiolake.

Romu 16:18

Ako seke erekani soama quli ta pui keva nabuluputa animevo Lekasa Karisito sole, melai kota tupu ko zario ikio kebe ka nabuluputa. Seko uria viqo ama ni oluoluto sama pesio kale seta ke lipalipata tu ke lipalipaemo ni otao ke imo se pui malaṉaja kama maba madu.

1 Koriniti 11:19

Ako zakaremu ko pitasio ta kota elou me tona tu se sidopu amu ta ke uria keazailou.

1 Koriniti 6:20

Ako meta lula o tatabaraemeleni mela vovo Meqora ko voukale. So sole meta vai ilusikomo vo Baṉara meko saevo.

1 Koriniti 7:23

Baṉara ta lula o tatabaraemele me kama pado tatabara kale, tu meta pui maba ko mabaku poso me elo.

Qelesia 3:13

So inio vo Mosese ko Bazu ta levezo saṉa ko imele anime, melai vo Karisito inio ota mela ṉamuke koa levezo, ni o besiemele anime koa levezo ko zaekale azo. Ako ko Tabu ama Riki kikovevo ta eri nio sole, “Seke soilo amu ore topi ta keta leveziovou,” kikovema.

Qelesia 4:17

Meko lipalipa kama nianiiekato ko maba poso ta ke matu madoeka tu ke sebiemelo me, melai se kekai zariako quli ereko ta pui uri mekasi, ako seta ke sebiemela me tu ke pitasimelo me sole eṉe kasi azo. Ni seko zario ta meta zarizari mema elou se.

Qelesia 5:20

beku ko ilusiko, basato, kanaekinio, ketuketuekinio, konoilo, korakorailo, muino kapakapato, pitasikinio,

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Pilipai 3:19

Ako koa kalo se kekai saevako ta ko odiema sole se heli kale ama noqola tolailo kale, seta pui keva nabuluputa sole vo Baṉara melai seta ke ereka sole seko tupu kokai zariako quli. Ni kekai raurarauraiva sole koa qurato sama quli, ni kiada keru viluloqu kekai eva komia miduku kale ama quli.

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

1 Timoti 5:8

Melai voa maba vo pui o mati vailani voko mabamu, ta o vaekani nio ko lotu saevo, ni vo pui oma lilitani voko saidi kale amu ta kala matu ruqe ala maba, vo omai paloasani se kutumana kamu koa voko ruqe ama kalo kale.

2 Timoti 4:3

Ako koa taku ta kota baroa so keru se maba madu ke kaikuapou keru viqo ko tuvevo ama bazubazu sole, ni so keru seke luluekou keru ke ṉaviko vatolo poso, ni so keru seke vailimou keru kubo titisa madu tu sea titisa madu ta kemai bazueko se ko quli seko zolemako seko viqaviqazata kale.

Taitasi 1:11

Ṉota maba ṉoda ma dokolikou seko pesio, ako seta upotuqu ke ima sea pado ama saidi poso sole seko mai nianiiekiko kale ko quli ko pui ko male ama nianiiekato, seko takula ko kovo ko zario kale. Ni so kebe kava melai seta pui kekai qurata.

Taitasi 3:10

Katima omuqa balauvato sea maba poso seke erekani ko pitasio poso, melai so kebeta kalou ta ṉota pui mata ṉo mati lolopareovou se.

Hiburu 10:29

Melai matu palopaloasia tapata inio o elo avo voa maba vo o perivani vo Baṉara vo Meqora ni vo zara kerukerueko o evani vo Baṉara vo leveleveo ko dara ko vo bulebule ko ivako voko sarueko kale azo, ni vo o ruqe kasevani voa pakiezato sama roquano sala Tabu ala Auvana. Voa maba ta o tareka vo Baṉara ko koqotato ko vo o kovo ama.

1 Pita 1:8

Meta pui me veani nio vo, melai mebe roqueva. Ni meta pui me roveani mela inio velo erisaṉa, melai tuvevo mebe iva. So sole meta ko melai sukata ko ṉaṉaidara kama zoleilo puliala maba opa roveovo ama kaseko.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

1 Jone 2:26

Aṉata a mela rikita me tu a melai balauvimo sea maba poso, se kekai zariani saruemelo me.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

Jiudi 1:18

Seta eri kikeve mekasi, “Tovatovama taku ko barou keru, so keru inio seke melai balebaleito amu me ta ke puratou, seke lulueko amu ke ṉaviko kutumana kama zario poso.”

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Kelokelozato 13:14

Ni vota o lipalipaemake kiadama maba poso seke evani miduku kale voko ereko kale koa aqasiele ama iruruputo ko kova zariziako voa kuleto ala biaṉa ko tanama kale. Voa omuqala biaṉa ta o soruemake se maba poso peuru ma peuru kale ke evani tu seta ke erevo kala beku tu keta va ereko ko mamola vo kuleto ala biaṉa benisi kale tabi o eveni, ni vo o saeveni.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.

Kelokelozato 2:9

Aṉata aqai nianiia meko tapata poso; aṉata a melai nianiia ta meta ozaoza kamela, melai meko noqola kama batiro ta maba matuma! Aṉata aqai nianiia seko zarazaraemelo se ‘Eṉe inio ko Jiu amu ṉela’ kikelani, melai seta pui so, ako seta vo Setani ko qoqono kale amu inio sole.

Kelokelozato 3:8

Aṉata aqai nianiia ko meme erekako quli ni aṉata aqai nianiia meta pui matuma pizato samela inio; melai inio meta me lulueka aṉako nianiiekato ni meta kerula meda eva aṉa tona. Keatini, aṉata lula a mela veuka ko tibulu ko puliala opa roveovo ama tibuliko.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.

Kelokelozato 6:10

Seta ke pesiake matuma kora kale, ni eri kikelake, “Kiadama Pizato salaṉa, Tabua laṉa ni Tuvevoa laṉa! Noi keru tinia inio ṉoṉo ditizimo avo ni ṉo qatimo avo ko koqotato se miduku kale ke evani maba poso, seko eṉeko vouvaeṉelo ko kio kale avo?” kikelake.