2 Pita 1:6 - BAṈARA KO VAIRU AMA LEVELEVEO

⁶ ni me ṉaviko aveavezio, ni ko pizaka lojo elo tapata kale, ni vo Baṉara va nabuluputo,

2 Pita 1:6 교차 참조

Luke 21:19

Meta pizaka lojo emo meko oqu kale nio meta me qovou ko noqola kama saevo,” kiolake.

Luke 8:15

Ni koa rui koko piako uri ama miduku kale ta ko mamola puema sea poso seke viqani ko bazu ni ke uria tukiekani ko seko uri ama zoripato sama bulo kale, ni seta ke pataita seko oqu kale ti seta ke epamata,” kiolake.

Iruruputo 24:25

Ni so keru Paula okai pesipesita keru ko sidopu ni inobe ama kalo, ni ko kilo ama ṉaniu kale ko ereilo ama titizato, inio Filekisi ta ota ṉake ni eri kiolake, “Ṉota ṉo rovea saqoro erisaṉa. Aṉata mata a nokaeṉou ṉo so keru aṉa uri ama taku a qovou keru,” kiolake.

Romu 15:4

Kiadama quli koko rikiziovima Tabu ama Riki topi ta ko rikiziovi tu kota ko nianiiekimelo anime, tu animeta me ṉeamuko ko noqola kama saevo ko keru, koa pizaka lojo elo kale ni koa zuvarato kale Tabu ama Riki ko katimelako.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Romu 8:25

Melai animeta me zuatikou ko quli anime pui me qoako so inio pataitole me darekou ko.

1 Koriniti 9:25

Kiadamu seke kai zomanani ko voziekinio ta ke kaitizia ke ṉavi tu seta kekai tarapae puilo koa lekona tarapae ko pui tu kopa keuvo ama, melai animeta meqai kaitizia tu me qovou ko noqola kama tabara vo Baṉara kasi azo ama.

2 Koriniti 6:4

Kiadama quli kale eṉeta lula ṉe qasa pueka eṉeko va nabuluputo vo Baṉara ko eṉeko kai pataito kale ko tapata poso, ni eṉeko tolailo kale, ni eṉeko olaquavo kale.

Qelesia 5:23

inobe, ni me ṉaviko aveavezio. Puliama kama bazu ta soama uri ama quli ko kaitika.

Kolosi 1:11

ni meta me bizatou Baṉara kale, koa pizato kale, koko kuevako voko ṉaṉaidara kama pizato kale, ni meta noqola ni vinavina me elou kiadama quli kale zoleilo sase.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

2 Tesalonaika 1:4

Sokale avo inio eṉeta ṉe rauraemela me Baṉara ko lotu qoqono poso kasi azaazama zaekale ke evani. Ko eṉe ṉe melai rouraekako me ta meko piza kama oqu ni meko pataito meko toraeko kale ko niumaniumato ni tapata poso.

2 Tesalonaika 3:5

Eṉeta ṉe vararaita tu vo Lekasa Jisu ta o melai nianiiekikou vo Baṉara o imelani roquemelo ni vo Karisito jaria pataito elo tapata me doraekou keru.

1 Timoti 2:10

Seta uri ama kalo ni kerukeru ke kovou, ko koko male ama se reko poso kasi seke tava paṉaovani vo Baṉara kikelani.

1 Timoti 2:2

tu me mati vararaitou se lekasa poso ni sea kiadama maba poso se qavuna ko pizato samu, tu animeta uria elo me elou vo Baṉara ko tava paṉao ni maba madu ko tama paṉao kale.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

1 Timoti 6:11

Melai ṉo, vo Baṉara ko maba ṉa, ta taka lapase kiadama komia ruqe poso. Kai vinai ko sidopu, vo Baṉara tava paṉao kale, ni oqu kale, ni roquano kale, ni pataito kale, ni nodenode ama saevo kale.

1 Timoti 6:3

Vo okai nianiiekatani ko edoloma lotu ko bazu ko pui ko luluekako vo animevo Lekasa Jisu Karisito ko pesio kikolani ni pui ko kati korotako vo Baṉara ko tava paṉao

1 Timoti 6:6

Zio, vo Baṉara ko tava paṉao ta matu batiro ko iva voa maba, vo o paqumukani kai zoleilo kokale ozaoza obe elou melai batiro obe elou melai.

2 Timoti 3:5

seta ke noqoekou ko lotu ko kupekupe ama iruruputo, melai seta ruqe keta ka ikou koko tuvevo ama pizato. Ṉota tama papariovi soama maba poso.

Taitasi 1:1

Aṉa Paula lala, Baṉara vo nabulu ni kala pado vo Jisu Karisito vo apositolo lala, ta a rikieka komia leta. Vo Baṉara ta o pitoele ni o soroele aṉa tu a dauveko voko maba poso ko oqu ni amai nianiiekiko se koa tuvevo ama nianiiekato, koko odiemo ama uri ama lotu saevo kale.

Taitasi 1:8

Melai vota kala maba o baroekiko ala ko maba o elou ni vota o roquekou ko uri. Vota kala kaitizio ko maba o elou, ni sidopu ala, ni tabu ala, ni o uria odiziani o ṉavi.

Taitasi 2:2

Bazuema se lasive ama qoleqole poso tu seta inobe ni nianiio ke elou, ni ke uria odiziovou ke ṉavi; tu ke pizatou seko kai oqu kale ko tuveano, ni seko roquano kale, ni pataito kale.

Hiburu 10:36

Meta inobe emo inio meta me erekou vo Baṉara ko vatolo ni meta me qovou ko vo lula o mela inainaekako quli tu o katimelou me ka kiolako.

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Hiburu 6:12

Meta pui lupalupato melai meta seke kovo amu vo Baṉara oma inainaekako quli jaria noqola oqu emo.

Hiburu 6:15

Ebarahami ta inobea taruano o evake ni vota o koake vo Baṉara ova inainaekema quli tu o kativo vo.

2 Pita 1:3

Jisu inio vo Baṉara ko pizato sala. Ni voko pizato kale inio o katimele kiadama quli anime meqai zariako animeko saevo kale tu meva nabuluputo vo Baṉara. Animeta me ṉeamuka komi quli ako animeta mevai nianiia vo Baṉara sole, vo o nokaemeleni anime. Vo Baṉara ta voko ṉaṉaidara ni sidopu kale

2 Pita 3:11

So inio kiadama quli ta kota ruvurou, so sole meta noni ama maba poso mela inio me elou? Meta me jaevou tabutabuo ko saevo kale ni meva iruruputou vo Baṉara.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

Kelokelozato 13:10

Vo ke rapevo ala, ta tuvevo avole vota ke rapevou, ni vo benisi kale ke vouvaevo ala, ta tuvevo avole vota ke vouvaevou benisi kale. So sole koa tapata ko melai barou keru vo Baṉara ko maba poso mela ta inobea pataitomo ni kerula emo.

Kelokelozato 14:12

So sole koa taku kale vo Baṉara ko maba poso mela ta inobea pataitomo, meme zorikani mela vo Baṉara ko bazu ni me kerula luluevo me evani mela vo Jisu.

Kelokelozato 2:2

aṉata aqai nianiia ko meme erekako quli ni meko matuma iruruputo ni meko inobea kai pataito ko naqunaquto. Aṉata a baqumuka ta meta pui memai zoleiva se ruqe ama maba madu. Meko madoemo se ke ṉavi ke apositolo puivani kale meta lula memai potoa se ta seta lipalipa kamu.