2 Pita 1:16 - BAṈARA KO VAIRU AMA LEVELEVEO

¹⁶ Eṉeta lula ṉe melai bazueka me vo animevo Lekasa Jisu Karisito ko kilo pizato kale. Ni komia bazu ta pui kala ko bazubazulao bazu, melai eṉeta ṉe qeve Jisu ko ṉaṉaidara ṉe ṉaviko vilu kale.

2 Pita 1:16 교차 참조

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Matiu 17:1

Ni varimuja ṉaniu ko tova inio Jisu ta o pitoemake Pita ni nioqa tamania Jemisi ni vovo visi Jone ni o mati kailake okate ala sopu kale ni seta sai ke kiada pado.

Matiu 24:27

Ako aṉa maba a eveni lala a vaitou keru ta ke lelou kiadama maba madu omadeuvo kapi ko laqato jari ṉaniu o peatakoi vasi azo ti o sulupakoi vasi.

Matiu 24:3

Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Maka 13:26

Nio komi quli ko tova inio aṉa maba a eveni lala ta a buratou, ni a qilou aukale ama leikale ni se maba poso ta ke lelou aṉa aṉako matuma pizato ni ṉaṉaidara sate.

Maka 14:62

Ni vo Jisu ta o vati tiorikake ni eri kiolake, “Tuvevo aṉa inio. Ni meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Luke 1:2

Seta ke rikieke ko quli sea maba poso kuleto kekai nianiiekateni komia Uri ama Bazu ke vilu kale ke kevema quli koko tanitanila kale, ko se kekai bazubazutema eṉe kasi.

Luke 9:43

Nio kiadama maba poso sai ke padoivani ta kekai vuzeike vo Baṉara ko matuma pizato. Ni se maba poso kebe kai vuzeiva keru kiadama quli vo Jisu o erekema, so keru inio vo Jisu ta eri kiolake voko disaipeli madu kasi,

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 17:2

Ako ṉota ṉo lekasa puele aṉa kiadama maba poso kaqe, tu aṉata a qatimou ko noqola kama saevo sea kiadamu ṉoṉo qatileni.

Romu 1:4

melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale.

1 Koriniti 1:17

Ako Karisito ta pui opa soroele aṉa tu aṉata a ereko ko bapitaiso melai vota o soroele aṉa tu aqai bazuto ko Uri ama Bazu, tu aṉata a qaseko ko pui maba ko nianiio kale ama pesio kale. Ako maba ko nianiio kale aqai bazutou tea, se maba poso ta ke tuvevo pueko nio vo Karisito ko vou korosi topi ama ko Bazu aṉako roverove ama pesio kale ama bazubazuto kale, melai pui koa Bazu ko pizato kale.

1 Koriniti 1:23

melai eṉeta ṉevai bazuta vo Karisito korosi topi o vovini, koa bazu ko kuvaruvarua kelo ama se Jiu amu kasi, ni se pui Jiu amu sarube ama ka kikelako.

1 Koriniti 1:7

Sokale avo inio meta pui nieu meqai eva kovo kiadama katizato poso Tabu ala Auvana kasi azo ama, komia taku keru so keru meme dareva keru vo animevo Lekasa Jisu Karisito kasa o elou keru.

1 Koriniti 2:1

So keru aṉa a melai kuevi keru me, a qaka ni visi poso, tu aqai bazuto ko Baṉara ko mutamuta kama tuveano, aṉata pui aba kai pesi ko tapata kama keve ni raura kama nianiio kale.

1 Koriniti 2:4

so sole aṉako nianiiekato ni bazubazuto ta pui kama aṉako matuma nianiio kale, melai kota ko tuvevo pui Tabu ala Auvana ko piza kama iruruputo kale.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Pilipai 3:21

Ni vota o besiekou animeko lekuleku ama tupu, ni vota o ṉaviko ṉaṉaidara kama tupu jari o imelou anime. Vota o erekou ko quli voko pizato kale, koa pizato vo okai lekasa puako kiadama quli kale.

1 Tesalonaika 2:19

Eṉeta ṉeqa matu zariake soipimelo, ako meko sidopu ama saevo kale avo inio eṉeta ṉe qovou reketekete Baṉara kasi azo, ni me inio eṉeko zoleilo ko raki mela, ni me inio eṉe ṉe melai zoleiloa mela vo animevo Lekasa Jisu ko tanama kale so keru vo o vaitou keru.

2 Tesalonaika 2:9

Voa matu ruqe ala maba ta o kilou vo Setani ko pizato sase ni vota o erekou kiadama lipalipa kama urikato ni aqasiele ama iruruputo tu o lipalipaemo maba poso ni vota Baṉara jaria kerukeruevo ke elou,

1 Timoti 1:4

Bazuema se tu seta ke epezo ṉamuko seko taku ereko kale ko vikuvikula bazu ni rosi ama koilokoilo ko bazubazu, koko puratikako ko aivekinio pala, ko pui kasa ko ikako vo Baṉara ko nakanakati. Melai vo Baṉara ko nakanakati ta ko paqumua maba poso ko oqu kale.

1 Timoti 4:7

Melai taka papariovi ko lipalipa kama ni utube ama bazu, ko pui ko kasevako vo Baṉara. Ṉota matu madoe tu tava paṉaovi vo Baṉara kiada keru.

Taitasi 1:14

tu seta ke vaekou se Jiu amu ko bazubazulao ni maba ko bazu poso koko kuevako se kekai kaikuapani ko tuveano kasi azo.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

1 Jone 4:14

Ni eṉeta ṉe qeve ta vo Mama ta o soroeve vovo Meqora tu o pakiemo se peuru ma peuru kale ama maba poso. Ni ko ikio eṉe ṉemai nianiiekikako quli.

Jiudi 1:14

Inoke ta varimujala koilokoilo Adami ko vikuvikula kasi azo, vo matu lulavo o mati pidokikeni ko eri, “Keatini! Vo Baṉara ta o kilou kubo voko tabu ama mateana poso sase,

Kelokelozato 1:7

Keatini, vota ota kilou lei poso kale! Sea kiadamu peuru ma peuru kale amu ta ke velou vo, seke vouvaeveni melai ke velou vo. Ni kiadama maba poso miduku kale amu ta duki keva elou vo. Kota tuvevo ko elou! Emeni.