2 Koriniti 7:4 - BAṈARA KO VAIRU AMA LEVELEVEO

⁴ Aṉata tuvevo a imela me, ni a rauraivani lala mekale avo. Kiadama eṉeko tapata poso kale aṉata zuvazuvaria lala; ni aṉata a dalia zoleilo sase.

2 Koriniti 7:4 교차 참조

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 5:3

Ni so jari animeta meqa zoleiva animeko tapata poso, ako me baqumuka ta ko tapata ko epa ta pizaka lojo elo,

1 Koriniti 1:4

Kiada keru aṉata a melai rauraeva vo Baṉara koa tauvezato sama roquano vo o katimelako kale ako meta vo Jisu Karisito ko mela sole.

2 Koriniti 1:4

Ako vota o patukiṉela eṉe kiadama eṉeko tapata kale, tu eṉeta mata ṉemai patukiko se edolomu se kubo azaazama tapata samu, ni kai patukato koa patukato ko eṉe lula ṉe qoako vo Baṉara kasi azo jari ama.

2 Koriniti 10:8

Ako aṉata pui a qurata tu aqai abaro sole koa pizato vo Lekasa o katilema aṉa, ako komia pizato ta meko oqu tauveko kaqe, pui meko oqu niumaeko kaqe sole.

2 Koriniti 11:21

Aṉata ada qurata tu kaseko ko aṉata pui aba roveovi so imelo me! Esa aṉata matu lekulekua lala inio so, ma noi nio esa? Melai aṉata abeta ziovou sarube puto ni eri kiavou: kala maba ta ikoana sala vo okai rauraraurailo ama quli kiovou, nio aṉata avai paloasani lala vo kiavou.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

2 Koriniti 3:12

Ko ikio eṉe ṉeqai keruako leveleveo, ni Sokale avole inio eṉeta matu parani putole ṉeqai bazuta.

2 Koriniti 7:14

Aṉata lula a bazueve aṉako melai raurailo me, ni meko sidopu ama kalo ta kasa ko ike ko aṉa a qasekema mekale avo ta tuvevo kota eva! Eṉeta ṉe qaseka ko tuveano mekasi kiada keru, ni so jari inio koa aṉako melai raurailo me Taitasi kasi ta tuvevo kota eva.

2 Koriniti 8:24

So sole meta kasa ikomo meko roquano sekasi, inio kiadama lotu qoqono ta tuvevo ke ikou koa meko roquano ni eṉeko mela zoleilo me.

Pilipai 1:14

Ni aṉako pirito pade kale elo ta kobe pizatima kubo madu seke tuvevo putani seko tuvevo puto kale sole seta pui ke ṉava kai bazubazuto vo Karisito ko Uri ama Bazu.

Pilipai 1:20

Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.

Pilipai 1:26

Ni so inio meta mevai matu zoleilou vo Jisu Karisito aṉa me sate mata a elou keru.

Pilipai 2:17

Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

1 Tesalonaika 2:19

Eṉeta ṉeqa matu zariake soipimelo, ako meko sidopu ama saevo kale avo inio eṉeta ṉe qovou reketekete Baṉara kasi azo, ni me inio eṉeko zoleilo ko raki mela, ni me inio eṉe ṉe melai zoleiloa mela vo animevo Lekasa Jisu ko tanama kale so keru vo o vaitou keru.

1 Tesalonaika 2:2

Meta meqai nianiia ko eṉeko niumaniumaeṉelo ni naqueṉelo Pilipai peuru kale puliako eṉe kilo sai mekasi Tesalonaika peuru kale. Ni sai meko peuru kale melai kubo maba poso ta ke kanaekiṉele eṉe, melai vo animevo Baṉara ta o parani pueṉelake eṉe ni eṉeta ṉe melai bazuekake me koa Uri ama Bazu koko kuevako vokasi azo.

2 Tesalonaika 1:4

Sokale avo inio eṉeta ṉe rauraemela me Baṉara ko lotu qoqono poso kasi azaazama zaekale ke evani. Ko eṉe ṉe melai rouraekako me ta meko piza kama oqu ni meko pataito meko toraeko kale ko niumaniumato ni tapata poso.

Pilimone 1:7

A baerebaere ṉa, ṉoko roquano ta ko matu zolela ni ko zuvarila aṉa, ako ṉota lula ṉoda ma zoleka kiadama vo Baṉara ko maba poso ko bulo sole.

Jemisi 1:2

A lolo poso mela, meta zoleimo so keru kiadama tapata poso ko barou keru mekasi,