2 Koriniti 7:2 - BAṈARA KO VAIRU AMA LEVELEVEO

² Roqueṉelomo eṉe. Ako puliala kala pado me azo inio eṉe ṉe jarueveni ni puliala kala inio ṉe niumaeveni eṉe ma ṉe ubeubeveni.

2 Koriniti 7:2 교차 참조

Matiu 10:14

Ni kake maba poso ni peuru poso ta pui ke melai zariovou ni pui ke didiemelou, ti meta me vaekou koa zae, ni me bapazikou meko kiti kale ama pari, tu ko mamola pueko seta pui Baṉara ko madu inio.

Matiu 10:40

“Vo o baroekimelo ala me ta o baroekila inio aṉa jari. Ni vo o baroekilo ala aṉa, ta o baroekiva inio vo o soroeleni aṉa.

Luke 10:8

Ni kiada keru meme amaqeovou keru kala peuru kale ni saizamu ta ke baroekimelou me, meta me quovou se maba poso ke vaeko ama quli meko tanama kale,

Iruruputo 20:33

Aṉata pui aba tavai zari kala ko siliva ni qolo ni suma.

Romu 16:18

Ako seke erekani soama quli ta pui keva nabuluputa animevo Lekasa Karisito sole, melai kota tupu ko zario ikio kebe ka nabuluputa. Seko uria viqo ama ni oluoluto sama pesio kale seta ke lipalipata tu ke lipalipaemo ni otao ke imo se pui malaṉaja kama maba madu.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 11:16

Aṉata aqai limaza ko puliala mekasi ala ta sarubea lala pa la kiovou. Melai so kimela me tea vaeka tu soa kaselo emo, tu aṉata a jasa raurailou meko so la kio kale.

2 Koriniti 11:9

Ni so keru koa taku kale aṉa a eve keru mekasi aṉata pui tapata aba melai ike me so keru aṉa seleni aqa zaria keru; ako animeko lotu tamania kale amu seke kuevini Masedonia azo ta ke lati kue kiadama quli ko aṉa aqa zariovima quli. Kobeta kavani ko paloasako taku kale jari, ti kobeta kalou koko kuevako taku kale; aṉata maba pui riteraite aba melai ikou me kama quli.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.

Pilipai 2:29

Ni meta me baroekivou vo zoleilo kale ako vota mevo tamania kale ala sole animevo Lekasa kale, ni meda ma paṉaovou soama maba poso vo jari amu,

Kolosi 4:10

Arisitakasi ta obeta eva aṉa sase koi pirito pade kale. Vota o soroeka voko roquano mekasi, ni so jari vo Maka, Banabasi vo sasa tamania kale ala melai o soroeka voko roquano. Aṉata lula a mela soroeke leta kale vo Maka ko bazu mekasi, tu vota o barou tea meko peuru kale, meta me uria baroekivou vo.

1 Tesalonaika 2:10

Me ṉavi inio meqai nianiiani mela, ni so jari vo Baṉara ta okai nianiia ta so keru eṉe ṉe eve keru mekasi ta eṉeko kalo mekasi me lula me duvevo puekani mela ko Uri ama Bazu ta bulebule ama, ni sidopu ama, ni kuiripato pide ama ko eve.

Pilimone 1:12

Erisaṉa aṉata a vaitoeva vo ṉokasi, ni aṉata a matu roqueva vo, o vaela aṉa sole.

Pilimone 1:17

Ṉota ṉo baqumuka ta aniqeta omadeuma iruruputo qe erekani qela kio, so sole ṉota baroekiva vo omadeuvo aṉa ṉoṉo baroekilou jari.

2 Jone 1:10

Ni kala maba ta o kilou mekasi, ni okai nianiiekatou edoloma nianiiekato, pui vo Karisito ko nianiiekato jari ama, ta pui me zarievou tu o kilou meko pade kasi, ni pui me baroekivou vo.