2 Koriniti 11:3 - BAṈARA KO VAIRU AMA LEVELEVEO

³ Melai aṉata ada ṉava ako meko kerukeru ta esa kota saruilou sole ni meta me vaekou meko tuvevo ama ni bulebule ama roquano vo Karisito kasi ama, omadeuvo ko Ivi o ikevoa lipaeko vo dole voko ubeubezato kale.

2 Koriniti 11:3 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Romu 12:8

ma ṉota edolomu ko zuvarimo ko puaro saṉa ṉo elou ta ṉota ṉo zuvarimou se. Vo o puarikani edolomu kasi voko quli ta o puarikou zoleilo kale. Vo pizato sala ta o uria erekou voko koidi; ni vo o tauvezatani ta o tauvezatou zoleilo sase.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 11:20

Ako meta me zarieva kala vo me mabaku o imelani me, ma kala maba vo o ubeubemelani me, ma kala maba vo o vimazio puemelani me, ma kala rauraraurailo ko maba, ma vo ota mela pazokani meko loilo.

2 Koriniti 11:29

So keru kala maba lekuleku o eva keru, aṉata duki aqai eva voko soama lekuleku, ni so keru kala maba ko sipativa keru ko sarueko, aṉata matu upotuqu ada eva.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.

Qelesia 1:6

Aṉata a melai matu vuzeiva me! Ako puliako tu keu meta me vaeva vo Baṉara vo o nokaemeleni me vo Karisito ko pakiezato sama roquano kale ni tuvevo me ika edoloma bazu, ko kake Uri ama Bazu ka kikelako.

Qelesia 3:1

Me sarube ama Qelesia mu mela! Meta kake inio kebe matu uria lipalipaemela! Ako meta mebe uria viqeni mela inio sole vo Jisu Karisito o erekema quli voko voukale korosi topi.

Qelesia 4:11

So inio aṉata duki a mela eva me, ako aṉako ṉalo ta aṉako iruruputo a erekako mekasi ta esa utu ama kota eva sole.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

Epesasi 6:24

Ni aṉata a vararaita tu vo Baṉara ko pakiezato sama roquano ni paito pide ama saevo ta ko elou seke roquevani vo Lekasa Jisu Karisito tona. A baika.

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

Kolosi 2:4

Aṉata a melai bazue komi tu meta pui zarievo kala tu vota o saruemelo me voko ubeubezato sama pesio kale.

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

1 Tesalonaika 3:5

Sokale avo inio aṉata a joroeve vo Timoti. Aṉata maba pui a rovea ibu aṉako pui kai nianiio kale meko ziozio, so inio aṉata a joroeve vo tu vota okai nianiio meko oqu ko kavani. Ako aṉako matuma ṉalo ta esa tuvevo avole lula inio o zolizoliemela me vo Setani tu meta me vaeko meko oqu ni kiadama eṉeko iruruputo ta kota utu ṉamuiva kiala inio!

1 Timoti 1:3

Aṉata aṉa zaria ṉo tu beta eve Epesasi peuru kale, lula ṉati kiavevo jari so keru aṉa Masedonia peuru poso kale a qeve keru. Ako kama maba poso ta kebe kai nianiiekata sai ko lipalipa kama lotu ko bazu poso; tu ṉota maba dokolimo eve se.

1 Timoti 2:14

Ako pui Adami nio opa lipalipatou sole, melai koa reko ikio ko lipalipaima ni ko ikio ko bikoirikema vo Baṉara ko bazu.

2 Timoti 3:13

ni se ruqe ama maba madu ni se lipalipa kamu ta matu ti matu ruqe avo ke kalou, ni seta ke lipaemou se edolomu ni ke lipailou ke ṉavi.

Taitasi 1:10

Ako sai Kiriti udu kale ta kubo madu se meomeo kamu ni ke lipalipaemani se edolomu seko sarube ama nianiiekato kale sole, ni kake sea Jiu amu seke tuvevo puevani vo Jisu inio ke matu erekani koa kalo.

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.

2 Pita 3:17

Melai me, a lolo poso mela, ta lula meqai nianiiani mela komi quli sole meta balauvomo. Ni pui zariemo se ruqe ama maba madu tu ke odiemelo me tu meqai zomano seke erekako ruqe ama kalo. Ni vailomo nio meta pui lekuleku me elou meko piza kama oqu kale azo.

2 Pita 3:3

Ni matu qulepo ama quli tu meta meqai nianiiovou ko quli ko ereilo ama quli tovama taku kale. Se maba poso ta ke melai niureovou me ni seta kebeta erekatou ko ruqeruqe ama kalo seko tupu ko zario ko lulueko kale.

1 Jone 2:18

A meqora poso, komia peuru ma peuru ko paitopaito ko taku ta sipole! Meta lula me viqe ta vo o kanaevo ala vo Karisito ta o kilou. Ni matu kubo vo Karisito ko kana madu ta lula koi, so inio animeta meqai nianiia ta ko paitopaito ko taku ta sipole.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Kelokelozato 12:15

Nio koa rekoreko ko tova inio matu dole ta o supaekake ko ju nioqololo, tu koa nioqololo ta ko solekou koa rekoreko kiolake.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

Kelokelozato 20:2

Vota o saputivake vo matu dole, vo kuleto o eveni dole, voa ziolo vo Setani va kikelani, ni voa mateana ta o pirievake voa dole koa seini kale omadeu vuro sabere ko tiniavo ama taku kale.