2 Jone 1:6 - BAṈARA KO VAIRU AMA LEVELEVEO

⁶ Ni roquekinio ko kalo ta lulueko vo melati kiolani animeko saevo kale. Ni eri nio vo Baṉara kiolani: meta me jaevou roquano kale. Ni komia bazu ta mebe viqema koko tanitanila keru azo.

2 Jone 1:6 교차 참조

Jone 14:15

“Meta me roquelou aṉa inio meta me zorikou koa aṉako bazu poso ko erekomo ka kiavema.

Jone 14:21

“Voa maba vo aṉako bazu poso okai nianiiani ni o zorikani ko, vo inio voa maba vo o roquelani aṉa. Ni aṉa melai a roquevou vo ni kasa a elou a ṉavi vokasi tu olai uria nianiiovou aṉa,” kiolake vo Jisu.

Jone 14:23

Nio Jisu ta o vati tiorikake vo, “Vo o roquelani aṉa ta o zorikou aṉako nianiiekato. Ni aṉavo Mama ta o roquevou vo, ni aṉavo Mama ni aṉa ta qe kilou vokasi ni qe elou vokasi.

Jone 15:10

Meta mebeta ziovou zoriko aṉako bazubazu, inio meta mebeta elou aṉako roquano kale, omadeuvo aṉata lula a zorika a Mama ko bazubazu, ni abeta eva voko roquano kale.

Jone 15:14

Ni meta me erekou kiadama aṉa a melai bazuekako quli inio meta aṉako baerebaere poso mela.

1 Jone 2:24

So sole meta tukiekomo koa bazu meko bulo kale ko meme viqema koko tanitanila kale. Ni meta me dukiekou koa bazu, ta meta vo Meqora ni Mama satea mela inio kiada keru.

1 Jone 2:5

Melai kala vo o zoriko ala vo Baṉara ko bazu ta vo Baṉara ko roquano ta kota maba okota vo tona. So inio animeta meqai nianiia ta animeta tuvevo avole vo Baṉara ko maba madu mela.

1 Jone 2:7

A roquemelania baerebaere poso mela, komia bazu aṉa a melai bazuekako aṉako mela rikito kale tu meta me erekou ta pui vairu ama bazu, kota lulavo ama ikio. Ni kota koa omadeuma soru ko meme qoema ko tanitanila keru azo. Ni ko ikio koa omadeuma bazu ko me mebe viqema.

1 Jone 5:15

Ako vo Baṉara ta o didiemela anime kiadama taku so keru me baseva keru, sole animeta meqai nianiia ta vota o katimela ko quli me basekako quli vokasi.

1 Jone 5:3

Roquevo vo Baṉara ta zoriko voko bazu. Ni vo Baṉara ko bazu ta pui tapata kama anime kasi.

2 Jone 1:5

Ni aṉata a bazueṉa ṉoa rekoreko ṉa, ko eri: animeta me roquekinio muli. Komia bazu ta pui vairu ama bazu, melai kota koa omadeuma bazu ko mebe viqema koko tanitanila keru azo.