2 Jone 1:12 - BAṈARA KO VAIRU AMA LEVELEVEO

¹² Matu kubo quli kio aqai zaria melai bazueko, melai pui aqai zaria tu melai bazueko rikito kale. Melai kama taku inio aqa zaria tu a qilou a ṉavi ni aba soipimelou, so keru inio animeta me uria pesipesitou omadeukoi. So inio meta me uria zoleilou.

2 Jone 1:12 교차 참조

Jone 15:11

“Aṉata a melai bazueka komi quli tu aṉako zoleilo ta ko elo me tona, tu meko zoleilo ta ko okotou.

Jone 16:12

“Matu kubo quli ta ikoana tu aṉata a melai bazueko me, melai meta pui nio me rovea viqo ni ṉeamuko ko, ako kota matu tapata mekasi sole.

Jone 16:24

Kobeta baroa erisaṉa ta meta pui nio mevai paseka aṉavo Mama kama quli aṉako ṉikale. Meta pasekomo inio meta me qovou ni meko zoleilo ta ko melai avoziovou,” ma kiolake vo Jisu.

Jone 17:13

Ni erisaṉa aṉata matu sipole a vaitou ṉokasi, ni aṉata a qaseka komi quli poso so keru aṉa miduku kale abeta eva keru tu ni ta ke viqou aṉa kialani ni ke zoleilou seko bulo kale omadeuvo aṉa a zoleiva jari.

Jone 3:29

Ako eri nio sole: vo lasive rusu vo o raekani ko sinaqu rusu inio koa reko vo tanala, ni voa vairua roroto ala maba vo baerebaere ta o lojoake ni o didievake vo tu ota va viqo voko kilo, ni vota ota zoleike so keru vo o viqa keru voa vairua roroto ala maba ko kora. So jari nio aṉa kasi ni ko ikio aṉa ko zolelako.

Romu 15:24

so sole erisaṉa aṉata aqa zaria kilo. Aṉata aqa zaria mela lelo me so keru aṉa Sipeini peuru kale a ziovou keru, tu aqai zoleilou meko soipimelo puju ama taku kale. So inio aṉata a qovou ko tauvezato mekasi aṉako ziokale sai.

2 Timoti 1:4

Aṉata a qerukerueka ṉoko deumu, ni aṉata aqai matu zaria tu ṉelo ṉo, so inio aṉata a zoleilou.

Pilimone 1:22

Ni mata kama pado quli, ṉota la inainaeva aṉa kala pado lose, ako aṉata aqai kerua ta vo Baṉara ta o opatikou kiadama meko vararaito tu aṉata a vaito mekasi.

Hiburu 13:19

Maba pasemelo a eva mea kiada mela tu la vararaitomo aṉa, tu vo Baṉara ta o bokerilou aṉa tu kapiavole mata a vaitou mekasi.

Hiburu 13:23

Aṉata a mela zaria me tu meta kai nianiiomo ta seta lula ke zarieva saqorivo vo Timoti vo animevo visi vo pirito pade kale o eveni. Taukavole o kilou ta aṉata a vati kilou inio so keru aṉako kilo keru soipimelole me.

1 Jone 1:4

Sokale avo inio eṉeta ṉe mela rikita me, tu eṉeta ṉe matu zoleilou.

3 Jone 1:10

Melai so keru a ṉavi a qilou keru, inio avai kuirikou vo Daeoterapesi o erekako quli. Ako vota o lipalipata ni o ruqe kasela sole aṉa. Ni pui koko kiada ikio o erekako, melai vota ota lupaova tu tauvemo se pakepakeo maba madu se keva iruruputani vo Karisito. Ni so jari vota o dokolima sea maba madu se kekai zariani tauvemo se, ni o kupema lotu qoqono kale azo.