1 Timoti 6:5 - BAṈARA KO VAIRU AMA LEVELEVEO

⁵ ni kiada keru ama zolizoliekinio sama quli. Sea maba poso ko kerukeru ta sarube ama ni seta pui ke rovea nianiieko ko tuveano. Ni koko topi tiniama seko sarube ama kerukeru ta Baṉara ko tava paṉao ta kai batiro puilo ko quli kikela.

1 Timoti 6:5 교차 참조

Matiu 12:33

“Ko uri ama ore ta uri ama koko epa, melai ruqe ama ore ta ruqe ama koko epa. Ko ore ta koko epa kale inio animeta meqai nianiiovou.

Matiu 21:13

Nio vota eri ma kiolake se, “Kota ko rikiziovi Tabu ama Riki kale ko eri ka kiovema vo Baṉara, ‘Aṉako Jelepade ta vararaito ko pade ka kikevou,’ melai meta se kuilokuilo amu kekai mutaivako keaka jari meda va ika!” kiolake vo Jisu.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

1 Koriniti 11:16

Melai kala ta pesipesi saṉa o ikou komi quli kiovou, inio aṉako opato ta eṉe ni vo Baṉara ko qoqono poso ta puliama edoloma kalo saṉela.

2 Tesalonaika 3:6

Ṉe qaka ni visi poso mela, eṉeta ṉe bazuemela me vo Lekasa Jisu Karisito ṉikale tu meta tama papariomo se utu elo ke evani lotu maba poso se pui ke luluekani ko nianiiekato ko eṉe ṉe qatimelema me.

1 Timoti 1:6

Kake maba poso se pui kepa zuatikeni koa uri ama quli ta lula ko saruema ni lula keta mumaiva koa utube ama pesipesito kale.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

1 Timoti 3:8

Ni so jari nio mata se lotu qoqono ke pitoemani tauvezato ko maba madu ta uri ama kalo saṉa ke elo, ni seta pui matu nozueko ke elo ko vaini ko ju, ni pui keka zario ko takula pui sidopu ama keve kale ke koako.

1 Timoti 4:7

Melai taka papariovi ko lipalipa kama ni utube ama bazu, ko pui ko kasevako vo Baṉara. Ṉota matu madoe tu tava paṉaovi vo Baṉara kiada keru.

1 Timoti 4:8

Tupu kale ama madolo kale pizatiko ko tupu ta silo pala tauvezato sama, melai tava paṉao vo Baṉara ta kobe kai paloasa kiadama keve kale, ako kota ko tauveka vairutu ama ni ko kilo ama saevo sole.

1 Timoti 6:6

Zio, vo Baṉara ko tava paṉao ta matu batiro ko iva voa maba, vo o paqumukani kai zoleilo kokale ozaoza obe elou melai batiro obe elou melai.

2 Timoti 3:5

seta ke noqoekou ko lotu ko kupekupe ama iruruputo, melai seta ruqe keta ka ikou koko tuvevo ama pizato. Ṉota tama papariovi soama maba poso.

2 Timoti 3:8

Omadeuvo Jenisi ni Jaberesi qo ivevoa tizaevo vo Mosese jari, so jaria tizaeko inio nia maba poso ke evani ko tuveano, se sarube ama kerukeru sama maba madu se kekai lipalipaitani ko oqu.

Taitasi 1:11

Ṉota maba ṉoda ma dokolikou seko pesio, ako seta upotuqu ke ima sea pado ama saidi poso sole seko mai nianiiekiko kale ko quli ko pui ko male ama nianiiekato, seko takula ko kovo ko zario kale. Ni so kebe kava melai seta pui kekai qurata.

2 Pita 2:15

Nia lipalipa kama nianiiekato ko maba madu ta ke vaeke sidopu ama keve ni keta mumai. Seta ke luluekake koa keve Beilami vo Beo vo meqora o luluekema keve jari ama, vo o roquekeni kovo ko takula tu o ereko ko ruqe.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

Jiudi 1:11

Matu ṉaloṉalo ama quli kio komai barolou se! Ako seta ke lulueka vo Keini ko keve sole. Ni takula ko kovo ko kio kale seta ke lulueka koa saruilo vo Beilami o erekema. Seta ke pikipikinio puta Kora o kaevo pikipikinio puto jari ni vo jaria vou keta eva.

Kelokelozato 18:13

Ni puliala ta opa tama tatabaraekou ko lumu uria tui ama, ni bube, ni moa, ni paraqinisenisi, vaini ko ju ni olive oela, ni palava ni vuiti. Ni puliala ta opa tama tatabaraekou ko bulumakau ni sipi, ni hose ni totiaqolo, ni mabaku poso.

Kelokelozato 18:3

Ako koa peuru kale amu ta matu ruqe ama pauvezato ke erekani ni kemai pakeka koa omadeuma kalo peuru ma peuru kale ama qoqono poso, omadeuvo kala maba ta o kativa edolola maba ko vaini ko ju tu matu doilili o ivo vo. Se peuru ma peuru kale ama aikovakova poso ta lula ke mati ereka ko ruqe ama iruruputo koa peuru kale amu, ni se tatabarao ko maba madu peuru ma peuru kale amu ta batiro kekai evake Babiloni peuru kale amu ko viluloqu tamai elole seko kiadama quli,” kiolake.