1 Timoti 6:4 - BAṈARA KO VAIRU AMA LEVELEVEO

⁴ ta o utu aikaivani pala ni pulia quli ka supi vota o paqumuka. Voko sarusaru ama vatolo kale inio vota okai zolizolita ni okai aivepata koa rukuruku poso; komi ta kama konoilo, ni kasekasekinio, ni riqaekinio, ni ruqeruqe ama mamuro ko lainizato,

1 Timoti 6:4 교차 참조

Iruruputo 15:2

Ni Paula ni Banabasi ta ṉaloṉalo ama zolizoliekinio qo mati erekake kokale avo, so sole Paula ni Banabasi ni kake maba madu Anitioko amu ta ke pitoike tu ke zio Jerusalema ni kepa paqumuko se apositolo madu ni se lotu tanatanamu ko kerukeru kokale avo.

Iruruputo 18:15

Melai kota pesio poso ni ṉi poso ko zolizoliekinio ni me ṉaviko bazu kale ama, sole me ṉavi me inio me qorotikou ko. Aṉata pui aba titizikou soama quli!” ma kiolake.

Iruruputo 8:9

Ni kala pado maba Saimone va kikelani ta obeta evake koa peuru kale, kama taku kale vo o vuzemeni se Sameria mu voko aqasiele ama iruruputo ziolo ko pizato kale o erekema kale. Vota o aikaivake ta vo inio raura kala kioveni,

Romu 12:16

Meta kerukeruekiniomo muli. Meta pui rauraraurailo, melai paṉao kale ṉeamukomo meko koidi. Ni meta pui kai aikailo meko nianiio.

Romu 13:13

Animeta sidopua talio me elo ṉaniu ko zakaremu kale, pui olavoputo kale ni piza kama ju ko nozueko kale, ni pui sasave ni zata ko iruruputo kale ni ubutianiama pauvezato kale, ni pui pazokinio ma konoilo kale.

Romu 14:1

Meta baroekimomo sea maba poso se lekuleku amu seko oqu kale, melai pui tamati zolizoliekinio seko kerukeru meko kerukeru kale.

Romu 2:8

Se kiadailo ko maba poso ni ke vaekani ko sidopu, tu seta ke ereko ko ruqe ama kalo, se inio komai voreziovo amu ko Baṉara ko iqailo.

1 Koriniti 11:16

Melai kala ta pesipesi saṉa o ikou komi quli kiovou, inio aṉako opato ta eṉe ni vo Baṉara ko qoqono poso ta puliama edoloma kalo saṉela.

1 Koriniti 11:18

Kuleto ta aṉata lula a viqa meko bazu ta meta kama sebito ko pesipesito ko poqala poso me eva meko lotu padoilo kale, ni koa bazu ta ka kobu ta a duvevo pueka kota tuvevo ama quli.

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

1 Koriniti 3:3

Ako meta mebeta eva saevo omadeuvo komia ruqe ama peuru ma peuru ko maba poso jari sole. Ako konoilo ni me ṉavio kude aiveaivekinio ta ikoana kobeta eva me tona, ni komi quli ta kasa ko ika ko meta komia ruqe ama peuru ma peuru ko mela inio kio, me mebeta saevani mela koko saevo kale.

2 Koriniti 11:20

Ako meta me zarieva kala vo me mabaku o imelani me, ma kala maba vo o ubeubemelani me, ma kala maba vo o vimazio puemelani me, ma kala rauraraurailo ko maba, ma vo ota mela pazokani meko loilo.

Qelesia 5:15

Melai meta mebeta ziovou niumaniumaekinio ni periperikinio ta mainio meta mebeta maba ruvurou. Meta piru ama biaṉa ko nanaekinia ni ko niamuniamuekiniako jari meda kava sole!

Qelesia 5:26

Ni animeta pui me aikailou, ni pui me niumaekiniou ni pui me qonoekiniou me ṉavio kude.

Qelesia 6:3

Ni kala ta eri kiovou “Aṉata qulepoa lala,” kiovou, melai vota pulia quli maba inio vo, ta ota lipalipata o ṉavi.

Pilipai 1:15

Tuvevo kake ta kevai bazubazuta vo Karisito seko lai konoilo ni seko lati aivekinio kale aṉa. Melai kake inio kevai bazubazuta vo Karisito ako seta uri ama vatolo samu sole.

Pilipai 2:14

Ni meta me erekou kiadama quli ṉuruṉuruo pide ni aivekinio pide,

Pilipai 2:3

Ni meta pui me erekou kama quli muino ni aikailo kale, melai meta zarazaraimo ni tama paṉaomo se edolomu saita inio me ṉavi.

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

2 Tesalonaika 2:4

Vota o matu kanaevou vo Baṉara ni o ṉavi ta ota rauraraurailou kiadama quli maba poso baṉara ka kikelako quli azo. Ni vota o amaqeovou komia miduku kale ama Jelepade vo Baṉara ko kale ni o papuvou sai tu okai rairiziovou ta vo inio vo Baṉara.

1 Timoti 1:4

Bazuema se tu seta ke epezo ṉamuko seko taku ereko kale ko vikuvikula bazu ni rosi ama koilokoilo ko bazubazu, koko puratikako ko aivekinio pala, ko pui kasa ko ikako vo Baṉara ko nakanakati. Melai vo Baṉara ko nakanakati ta ko paqumua maba poso ko oqu kale.

1 Timoti 1:7

Seta keka zaria tu seta vo Mosese ko Bazu ko nianiiekato ko maba ke elo, melai seta pui ke paqumuka Mosese ko Bazu kikolani, ni ko quli poso se kekai nianiia ka kikelako kai nianiiekato.

1 Timoti 3:6

Vota piza kala maba o elo oqu kale ni pui vairu ama oqu sala maba. So inio vota pui o raurailou ni pui o pialou vo Setani o koema kuiripato jari ama kale.

2 Timoti 2:14

Mai kerukerue komi quli ṉoko lotu maba madu, ni ṉota balauvima se vo Baṉara ko ṉikale tu seta pui kekai zolizoliekinio ko pesio poso, ako kota pui ko tauveka ko maba melai kota koko niumaemako ikio seke viqani maba poso sole.

2 Timoti 2:23

Melai taka papariovi koa utube ama ni sarube ama pesipesi, ako ṉota ṉoqai nianiia kota zolizoliekinio ni aivekinio sama ikio sole.

2 Timoti 3:4

seta pui kerula kamu, ni puliako kerukeruto ke erekani ko ruqe, utu aikailo ko maba madu, ni ke roquekani ko utube ama zoleilo ko quli vo Baṉara ko roquevo kale azo;

Taitasi 3:9

Melai taka papariovi ko sarube ama aivekinio, ni ko rosi ama koilokoilo poso ko aivekinio, ni vo Mosese ko Bazu kai ketuketuekinio. Ako koa kiadama ti utube ama ni kalo pide ama sole.

Jemisi 1:19

Lolo poso, me a roquemelani mela, meta kerukeruekomo komi quli! Kiada mela meta dikidauputole viqomo, melai pui jijiro pesio elo ni pui kapi avole korakorailo.

2 Pita 2:12

Ako nia maba poso ta ke ruqe pesia seko pui nianiio kale, ni seko kalo ta ko vaerako biaṉa kerukeru pide ama ko kalo jari, koa biaṉa koko alila tu ko sipatio ni ko vou kaqe pala. Ni koa piru ama biaṉa jaria vouvaemo inio ke elo avo se lipalipa kama nianiiekato ko maba poso.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

Jiudi 1:10

Melai sea ruqe ama maba madu ta ke ruqe kaseka ko quli se pui ke paqumukako quli, melai ko quli ke paqumukako quli tu ke ereko kerukeruto pide biaṉa poso jari, ko quli kio ko maba niumaemako se.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.

Kelokelozato 3:17

Ako meta eri kimela, ‘Eṉeta batiroa ṉela ni kubo quli saṉela, pulia quli ṉeqa lilita,’ kimela. Melai meta pui meqai nianiia ko meme evania upotuqu ni tolailo elo! Meta ozaoza kamela, ni leqa kamela.