1 Timoti 6:10 - BAṈARA KO VAIRU AMA LEVELEVEO

¹⁰ Ako takula ko roqueko ta kiadama ruqe ko raki sole. Kake maba poso se lula matu piza ke evani takula ko vailiko kale ta keta epeiva oqu kasi azo, ni kokale kude inio kubo upotuqu ta ko duki pueka seko bulo poso.

1 Timoti 6:10 교차 참조

Matiu 13:22

Ni koa sisu koko piako rikosasana ko qotupakoi ta ko mamola puema seke viqani koa bazubazu melai seko riteraite kai elo komia miduku kale ama saevo ni seko roqueko ko batiro ta ko pirieka ko bazu, omadeuvo rikosasana ko pirieka ko sisu jari, so sole koa bazubazu ta pui ko rovea qotupo ni pui ko epamata.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

Matiu 6:19

Nio vo Jisu ta obeta olake bazubazuto ni eri kiolake sekasi, “Meta pui padoeko meko batiro miduku kale, ako sai nio kota moatakou ni ko narakou, ni sai ta se kuilokuilo amu ta ke puraekou ko pade, ni ke kuilikou ko batiro sole.

Maka 4:19

melai seko riteraite kai elo komia miduku kale ama saevo ni seko roqueko ko batiro ni edoloma quli kai zario ta ko pirieka koa bazu omadeuvo rikosasana ta ko pirieka ko sisu jari, so sole koa bazubazu ta pui ko rovea qotupo ni pui ko epamata seko saevo kale.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

1 Timoti 6:21

Ako sea poqala koa “Nianiio” samu kikelani ta kota lula komai niumata, ni kokale avo ta seta lula keta epeiva seko oqu kale azo. Aṉata a vararaita tu vo Baṉara ko roquano ta ko elou mea kiada mela tona. A baika.

1 Timoti 6:9

Melai se keka zariani kovo ko batiro ta zolizolito ko moa ni keta tulumua kubo ruqe ama ni niumaniuma kama zario poso kale, koko niumaekake seko oqu.

2 Timoti 3:2

Ako koa taku kale maba poso ta ke ṉavi ke kerukeruilou, ni ke vailivailikou ko takula, ni ke aikailou, ni ke rauraraurailou; seta keta ruqe pesiovou, ni pui kepa zorimou seko mama ni niania poso, puliama seko kaseko seko uriavo, ni seta Baṉara ko bazu ke bikoirikani maba madu;

2 Timoti 4:10

Ako Demasi ta lula o vaele aṉa sole voko roqueko kale komia erisaṉama peuru ma peuru ama quli kale, ni vota lula ota ola Tesalonaika peuru kale. Ni Keresikenisi ta lula ota ola Qelesia peuru kale ni Taitasi ta Dalamesia peuru kale sole.

Taitasi 1:11

Ṉota maba ṉoda ma dokolikou seko pesio, ako seta upotuqu ke ima sea pado ama saidi poso sole seko mai nianiiekiko kale ko quli ko pui ko male ama nianiiekato, seko takula ko kovo ko zario kale. Ni so kebe kava melai seta pui kekai qurata.

Jemisi 5:19

A lolo poso mela, meta kerukeruekomo ko komi. Kala me azo ta o vaekou ko tuveano, ti kala edolola ta mata o vaitoevou vo sidopu kale,

Jiudi 1:11

Matu ṉaloṉalo ama quli kio komai barolou se! Ako seta ke lulueka vo Keini ko keve sole. Ni takula ko kovo ko kio kale seta ke lulueka koa saruilo vo Beilami o erekema. Seta ke pikipikinio puta Kora o kaevo pikipikinio puto jari ni vo jaria vou keta eva.

Kelokelozato 18:13

Ni puliala ta opa tama tatabaraekou ko lumu uria tui ama, ni bube, ni moa, ni paraqinisenisi, vaini ko ju ni olive oela, ni palava ni vuiti. Ni puliala ta opa tama tatabaraekou ko bulumakau ni sipi, ni hose ni totiaqolo, ni mabaku poso.