1 Timoti 5:22 - BAṈARA KO VAIRU AMA LEVELEVEO

²² Pui jijiro vai iviko ṉoko ṉase kala maba, tu tabu ivo vo Jisu va nabuluputo kaqe. Pui kai zomano ereko edolomu ko sarueko, melai ṉota rurubiatana saevo eve.

1 Timoti 5:22 교차 참조

Iruruputo 13:3

Nio seta ke tabutabuake ni ke vararaitake ni seta kekai ivikake seko ṉase nioqako lezu topi, ni ke soroekake nioqa.

Iruruputo 18:6

Melai seta ke vati bikoirikake ni ruqe kasevo ke evake vo, so sole vota o zavarukake voko sabosabo tu ota ka ṉamuko ko vuruvuru ko topi ama tu kasa oma iko seko bikoirivo vo Baṉara, ni eri kiolake sekasi, “Vo Baṉara ta o koqotaemelou me heli kale tea, me ṉavi me inio meko koqotailo ko raki mela! Ako aṉata lula a ereka aṉako sake mekasi sole aṉata pui aba kai kuiriziovou meko koqotailo. So sole erisaṉa azo aṉata a ziovou ni a bazubazutou se pui Jiu amu kasi,” kiolake.

Iruruputo 20:26

So sole matu tuvevo avole aṉata a melai bazueka komi quli me vairutu, vo Baṉara ta o koqotaemelou me heli kale, ta aṉata pui aba kai kuiriziovou meko koqotailo.

Iruruputo 6:6

Nio koa poqala maba madu ta ke lojoemake se apositolo madu ko kuleto, ni se apositolo madu ta ke mati vararaitake se ni kemai ivikake seko ṉase ke lezu topi ni mauru ke imake se.

Epesasi 5:11

Melai meta pui me erekou ko quli se kutumana kamu ke erekako quli, ako ko quli ta pui ko tauvezatako quli sole. Melai erekomo uri ama quli tu kasa ko iko se kutumana kamu ke erekako quli ta sarusaru ama.

1 Timoti 3:10

Seta ke madoilo kuleto, ni puliama kuiripato saṉa ke elo amu inio ke kovou koa iruruputo.

1 Timoti 3:2

Lotu qoqono kale ala vilua pikopiko ta kuiripato pide o elou, vota o ṉeamukou omadeu pado reko, vota o balauvani, ni o kaitiziani, ni vota inobea elola; ni vota o baroekimou se edoloma maba madu voko pade kale; ni vota bokao saṉa o elou tu o ereko ko nianiiekato;

1 Timoti 3:6

Vota piza kala maba o elo oqu kale ni pui vairu ama oqu sala maba. So inio vota pui o raurailou ni pui o pialou vo Setani o koema kuiripato jari ama kale.

1 Timoti 4:12

Ṉota pui zarievo kala tu vota o zaraeṉo ṉo ṉoko vairu beta elo kale avo, melai ṉota kala kevepito eve seke tuvevo putani kasi, ṉoko pesio kale, ni ṉoko kalo kale, ni ṉoko roquano kale, ni oqu, ni ṉoko bulebule ama saevo kale.

1 Timoti 4:14

Ṉota kai irurupute koa bokao vo Tabu ala Auvana o katiṉema ṉo, so keru se lotu tanatanamu ṉase keṉai ivike keru ama.

2 Timoti 1:6

Komi kale avo inio aṉata a bazueṉa ṉo tu ṉota saevika tu kai irurupute koa katizato vo Baṉara o katiṉema so keru aṉa aṉai ivike keru aṉako ṉase ṉoko lezu topi.

2 Timoti 2:2

Koa nianiiekato poso ko ṉoṉo viqema ko aṉa aqai bazutema kubo maba madu ko kuleto ṉota mai pakeka se kerula kamu, seke roveovo amu tu mati nianiiekiko mata kubo maba poso.

Hiburu 6:2

ko bapitaiso poso ko nianiiekato ni ṉase mai iviko ko tabu imo ko nianiiekato; ni voukale azo ama tova saevo ko, ni noqola kama titizato ko, koko kilo ama ṉaniu kale ama ko.

2 Jone 1:11

Ako meta me baroekivou vo, ta meta me vati tauveka inio koa ruqe ama iruruputo sole.

Kelokelozato 18:4

Ni mata aṉata a viqake kama pado kora ko kuevako aukale azo, eri kikolako, “Kuemo, saqoromo, aṉako maba poso mela, saqoromo Babiloni kasi azo! Meta pui kai zomano ereko koko sarueko poso; tu meta pui kai zomano koko kovo kale koko koqotato ko ave poso!