1 Timoti 5:19 - BAṈARA KO VAIRU AMA LEVELEVEO

¹⁹ Ṉota pui tava viqo kala maba vo ovai kuirikani vo lotu tanala ko ruqe, ko pui omuqa ma zouke maba sase ko roveako tuvevo puilo.

1 Timoti 5:19 교차 참조

Matiu 18:16

Melai vota pui o didieṉou ṉo, nio ṉota mata ṉo ziovou omadeu ma omuqa kidi sate edoloma taku kale. Ako ko Tabu ama Riki kikolani ta eri nio sole, ‘So keru vo maba ova kuirikou keru kala edolola ta omuqa ma zouke maba ta ke tuvevo puekou vo kiolani,’ kikola.

Jone 18:29

So sole o ṉavi Paelati ta o saqorake kupele pade poro kale azo sekasi, ni o kuimaemake se, ni eri kiolake, “Noni ama kuiripato ikio meko nea maba kasi ama?” kiolake.

Jone 8:17

Me Mosese o katimelema Bazu kale ta ko rikiziovi ko omuqa kidi qokai bazutako quli ta tuvevo ama, kikove.

Iruruputo 11:30

Ni seko koa iruruputo ko tova inio seta ke kati soroekake Banabasi ni Saula seko seleni lotu tanatanamu kasi Jerusalema.

Iruruputo 25:16

Melai aṉata amai bazuekake se ta anime Romua mela ta pui animeko kalo ikio tu vai kuiriko kala ni vouvaevo, melai vota o toraemou seke vai kuirikani saita tu vota o opatikou se kevai kuirikako quli.

2 Koriniti 13:1

Komi ta zouke ama taku aṉako kilo soipimelole me. Omadeuvo ko Tabu ama Riki kikolani jari, “Meta pui tava viqo kala maba vo ovai kuirikani kala ko ruqe ko pui omuqa ma zouke maba sase ko roveako tuvevo puilo,” kikola.

1 Timoti 4:14

Ṉota kai irurupute koa bokao vo Tabu ala Auvana o katiṉema ṉo, so keru se lotu tanatanamu ṉase keṉai ivike keru ama.

1 Timoti 5:17

Se lotu tanatanamu seke uria erekani seko odikato ko iruruputo ta ke male tu seta ke uria kerukeruilou ni ke kovou ko uri ama tabara. Ni kota ko matu suirima se kekai mumuasa puivani ko bazubazuto ni nianiiekato.

Taitasi 1:6

Vo lotu tanala ta kuiripato pide o elou; vota o ṉeamukou omadeu pado reko, ni voko meqora poso ta kerula kamu ke elo, tu maba poso ta pui kemai kuirikou seta piru amu ni zoripato pide amu.

Hiburu 10:28

Vo maba vo o bikoirikani ko Mosese ko Bazu ta pui ke baiseva melai tutumazi avole ke vouvaeva omuqa ma zouke maba tava kaseko kale voko sarueko lula o erekako.