18 Ako eri nio kikolani ko Tabu ama Riki sole, “Ṉota pui taka mukieko ka pado bulumakau ko suto tu pui ko vuato so keru ṉo ṉoqai iruruputou keru ko tu kai lojo ko vuiti ko rurururu,” ni “Vo iruruputo ko maba ta o tabariovou,” kikola.
Ni pui me borikou ko vesa ni pui me borikou omuqa sabosabo ni meta pui me borikou ko buti ni daṉa meko talio kale. Ako vo iruruputo ko maba inio ke kativou sole vo oka zariovo ama quli.
Meta me elou sai koa pade kale ni me quovou ni me nozuekou ko quli seke katimelo ama quli, ako vo iruruputo ko maba ta o tabariovou sole. Melai meta pui pade azo pade me elou.
Vo Baṉara ta pui opa ṉamume o ṉaviko maba madu, se lula o pitoemeni koko tanitanila keru. Meta meqai nianiia Ilaija okai pesiovima quli, koko kasekako kale, so keru vo o olaquapute keru Baṉara kasi se Izireli qoqono mai buzaro kale:
Tabu ama Riki ta eri kikola sole, “Ebarahami ta tuvevo o ikake ko leveleveo inio ovai oqui vo Baṉara, nio koa oqu kale vota sidopu ala va kiolake vo Baṉara.”
Ako ko Tabu ama Riki kikolani ta vo Baṉara ta ovai bazuekake vo Ijipi ala Aikovakova ko eri, “Aṉata aikovakova a iṉe ṉo ni aṉako iruruputo lomaloma jari a iṉe tu ṉo buratikou aṉako pizato ni kokale aṉako ṉi ta ko zorarou peuru ma peuru kale.”
Ni ko Tabu ama Riki kale ta ko pidokiovi mata vo Baṉara ko sidopu puemo se pui Jiu amu seko oqu kale. So sole ko Uri ama Bazu ta ko pikairiovi Ebarahami kasi, ko eri kikovema, “Ṉokale inio kiadama toutou poso ta mauru keta elou,” kikovema.
Pui lipato iko ko tuveano Tabu ama Riki topi ama ko so kikolako, “Vo maba ko auvana vo Baṉara lula o vaekema anime tona ta kokai sukata ko ṉaloṉalo ama vatolo.”
